Արմեն Աշոտյանը կարիք չունի դավաճանների երաշխավորման, դուք երաշխավորն եք Հայաստանի չգոյության. Դանիելյան

Նա ասում է, որ կոռուպցիոն խայտառակ պատմության արդյունքում ձերբակալված «ալենի» մերձավոր տիկնոջ համար երաշխավոր է կանգնել, իսկ Արմեն Աշոտյանի համար դժվար թե մարդ լինի երաշխավորող: Նախ, մեր շրջապատում դու չես կարող հայտնվել, ուր մնաց թե երաշխավոր լինես, քանի որ Արմեն Աշոտյանը պայքարում է դավաճանների դեմ, ձեր՝ հողատու, թրքասերների դեմ, դրա պատճառով է քաղաքական բանտարկյալ։

 

Արմեն Աշոտյանը կարիք չունի դավաճանների երաշխավորման, դուք երաշխավորն եք Հայաստանի չգոյության, իսկ Արմեն Աշոտյանը զրկանքներ է կրում հակառակին հասնելու՝ Հայաստանի եւ Արցախի գոյության համար: Ալենի բարեկամին երաշխավորել է վահագն ալեքսանյանը, իսկ Արմեն Աշոտյանին անվանի գործիչներ, հոգեւորականներ, մշակութային գործիչներ, անվանի միջազգային գործընկերներ, երաշխավորել են անաչառ քաղաքական գործիչներ, որոնք մեր քաղաքական գծի հետ անգամ որեւէ կապ չունեն, ի դեմս՝ Լեւոն Զուրաբյանի, Րաֆֆի Հովհաննիսյանի եւ այլոց։

 

Արմեն Աշոտյանը, ըստ Հայաստանի հարցված քաղաքացիների 50%-ից ավելիի կարծիքով, քաղբանտարկյալ է, միջազգային հայտնի քաղաքակամ գործիչների եւ կառույցների կողմից եւս ճանաչվել է քաղաքական բանտարկյալ: Հակառակ վերոնշյալների դու ու ձեր թիմը հայտնի թրքասերներ եւ խաբեբաներ եք, որ 2018-ին խոստացաք սեր եւ խաղաղություն, իսկ փոխարենը բերեցիք պատերազմ, մահ եւ լաց: Արմեն Աշոտյանին, ինչպես ձեր հովանավորյալ կոռուպցիայի համար ձերբակալված տիկնոջը, դատախազի միջնորդությամբ ազատ չեն արձակել քո տիրոջ` նիկոլի քաղաքական վախերի պատճառով, քանի որ նա մերկացնում եւ բացահայտում էր ձեր ստերը եւ խաղաղության քողի տակ Արցախի հանձնումը եւ այն կրկնակապիտուլյացիան, որ դուք նախապատրաստում եք սահմանադրության փոփոխության, զինանշանի և այլ ազգակործան փոփոխությունների միջոցով, մենք ձեզ թույլ չենք տալու:

 

Արմեն Աշոտյանը այսօր անազատության մեջ լինելով, ավելի ազատ է, քան դու ու քո նմանները, որովհետեւ պատմության էջերում Աշոտյան Արմենը լինելու է Հայաստանի եւ Արցախի համար կռիվ տվողների շարքերում, իսկ դու՝ դավաճանների, հայրենավաճառների եւ հայի չգոյությունը ցանկացողների:

 

Հ.Գ - Երաշխավորեցիք, որ Արցախը հայաթափվեց, երաշխավորեցիք, որ Հայաստանի սուվերեն տարածքում ադրբեջանական զինուժի ներկայացուցիչների կողմից օկուպացված Հայկական հող կա, երաշխավորեցիք, որ 5000-ից ավել առյուծ տղաներ սպանվեցին, Արցախը Ադրբեջանի մաս ճանաչեցիք, անվտանգությունը իջել է ձեր զրոյական մակարդակի: Պետք չէ, որ դուք երաշխավորեք։ Այդ մենք ենք երաշխավորելու, որ դուք իշխանության էլ չլինեք, իշխանությունը վերադառնա ժողովրդին, հայասեր եւ հայրենասեր մարդկանց, միասնականություն արդյունքում ձեւավորված՝ ազգային կառավարության կազմելու միջոցով», - գրել է ՀՀԿ ԵԿ ղեկավար ՀԵՆՐԻԽ ԴԱՆԻԵԼՅԱՆԸ: