ՏԵԱՌՆԸՆԴԱՌԱՋ. ՊԱՐՏԱԴԻ՞Ր Է ԿՐԱԿԻ ՎՐԱՅՈՎ ՑԱՏԿԵԼԸ. «ՍԱ ԺՈՂՈՎՐԴԱԿԱՆ ԽԱՂ Է, ՈՐԻՆ ԵԿԵՂԵՑԻՆ ԴԵՄ ՉԷ»

«Այս տա­րի փետր­վար ամ­սի տո­նե­րի ցան­կը բա­ցում է Տ­եա­ռնըն­դա­ռա­ջը, ո­րը հի­շա­տա­կում է 40-օ­րա­կան Հի­սու­սի ըն­ծա­յու­մը տա­ճա­րին»: «Ի­րա­վունք TV»-ի ե­թե­րում այս մա­սին պատ­մեց Ա­րա­րատ­յան հայ­րա­պե­տա­կան թե­մի քա­հա­նա տեր ՇՄԱՎՈՆ ՂԵՎՈՆԴՅԱՆԸ:

– Ցա­վոք, մարդ­կանց մեջ ար­մա­տա­ցած կար­ծիք կա, թե Տեառ­նըն­դա­ռա­ջի տո­նը փետր­վա­րի 13-ին է, եւ ա­մեն ան­գամ հարց­նում են` արդ­յոք փոխ­վե՞լ է օ­րը, որ ե­կե­ղե­ցին այն նշում է հա­ջորդ օ­րը` փետր­վա­րի 14-ին: Ի­րա­կա­նում, այս տոնն ան­շարժ է, այն նշվում է Ք­րիս­տո­սի ծնուն­դից 40 օր հե­տո, այն 40-օր­յա ման­կանը տա­ճար ըն­ծայ­ման տոնն է: Երբ Ք­րիս­տո­սին տա­րան տա­ճար՝ ըն­ծա­յե­լու, նրան ըն­դա­ռաջ դուրս ե­կավ Սի­մեոն ծե­րու­նին, ո­րից էլ ե­կել է տո­նի ան­վա­նու­մը` Տի­րոջն ըն­դա­ռաջ:

­Պետք է ի­մա­նալ, որ այ­սօր նշվում է այս տո­նի նա­խա­տո­նա­կը, երբ ե­կե­ղե­ցիա­կան օ­րա­ցույ­ցով փոխ­վում է օ­րը` 17:00-ից հե­տո: Այ­սօր ի­րա­կա­նաց­նում ենք նաեւ ժո­ղովր­դա­կան հայտ­նի ա­վան­դույ­թը` ե­կե­ղե­ցում վառ­ված մո­մի լույ­սով խա­րույկ ենք վա­ռում, եւ­ անց­նող տար­վա ըն­թաց­քում ա­մուս­նա­ցած զույ­գե­րը գա­լիս են ե­կե­ղե­ցի, մաս­նակ­ցում ե­րե­կո­յան ժա­մեր­գութ­յանն ու ցատ­կում են կրա­կի վրա­յով` հա­մա­րե­լով, որ դա ի­րենց եր­ջան­կութ­յուն է բե­րե­լու:

– Կ­րա­կի հետ կապ­ված` կան բա­զում են­թադ­րութ­յուն­ներ, շա­տե­րը կար­ծում են, թե սա հե­թա­նո­սա­կան ժա­մա­նակ­նե­րից հա­սած եր­եւույթ է:

– Մշ­տա­պես ա­սել եմ ու կրկնում եմ, որ այս ա­մե­նը զուտ ժո­ղովր­դա­կան ա­վան­դույթ­ներ ու հա­վա­տա­լիք­ներ են եւ կ­ռա­պաշ­տութ­յան հետ կապ չու­նեն: Սա ժո­ղովր­դա­կան խաղ է, ո­րին ե­կե­ղե­ցին դեմ չէ: Այս մի­ջո­ցով մար­դիկ կա­րող են ու­րա­խութ­յամբ լցվել: Ե­կե­ղե­ցին եր­բեք չի ա­սում, որ ե­թե կրա­կի վրա­յով չցատ­կես, ա­պա եր­ջա­նիկ չես լի­նի: Պար­զա­պես ժո­ղովր­դի մեջ ձեւա­վոր­ված ա­վան­դույ­թին դեմ չէ: Բո­լոր նրանք, ով­քեր կար­ծում են, թե սա կռա­պաշ­տութ­յուն է, կպա­տաս­խա­նեմ Տաթ­եւա­ցու խոս­քե­րով. «Երբ մենք ցատ­կում ենք կրա­կի վրա­յով, դրա­նով մենք ցույց ենք տա­լիս, որ այն մեզ­նից ստո­րա­դաս է»: Այն­պես որ, կրա­կա­պաշ­տութ­յան մի­տում բա­ցար­ձա­կա­պես չկա: Կ­րա­կը մարդ­կանց միշտ էլ հե­տաքրք­րել է` իր խորհր­դա­վո­րութ­յամբ ու մաք­րե­լու ու­նա­կութ­յամ­բ:

– Տեառ­նըն­դա­ռա­ջի տո­նի հետ կապ­ված` ա­վան­դա­կան ու­տեստ գո­յութ­յուն ու­նի՞:

– Ո´չ, որ­պես այդ­պի­սին, չկա, քա­նի որ Տեառ­նըն­դա­ռա­ջի տո­նը եր­բեմն եւ­ այս տա­րի եւս հա­մըն­կել է Մեծ պահ­քի ժա­մա­նա­կա­հատ­վա­ծի հետ, այդ պատ­ճա­ռով որ­եւէ ու­տես­տի ա­վան­դույթ չի ձեւա­վոր­վել: Մարդ­կանց մեջ տա­րած­ված է ա­ղան­ձի պատ­րաս­տու­մը, բայց այն ա­վե­լի շատ կապ ու­նի Սուրբ Սարգ­սի տո­նի հետ: Ս­խալ է այն, որ այ­սօր մար­դիկ ա­ղան­ձը զույ­գե­րի վրա են շաղ տա­լիս` մտա­ծե­լով, որ դա ա­ռա­տութ­յուն կբե­րի: Այ­նո­ւա­մե­նայ­նիվ, դա ու­տեստ է՝ ցո­րեն, եւ­ այդ­պես շաղ տա­լը սխալ է: Եվ վեր­ջա­պես դրանք բա­ներ են, ո­րոնք մար­դիկ տո­նը տա­նում են դե­պի սնո­տիա­պաշ­տութ­յուն ու կորց­նում են տո­նի բուն էութ­յունն ու գա­ղա­փա­րա­խո­սութ­յու­նը: Ի դեպ` մարդ­կանց մեջ կա նաեւ կար­ծիք, թե ե­րեք ան­գամ պետք է թռչել կրա­կի վրա­յով, կամ թե մտա­ծում են, որ ե­թե չմաս­նակ­ցեն դրան, ա­պա եր­ջա­նիկ չեն լի­նի, ին­չը խիստ սխալ է: Պետք չէ կրա­կի վրա­յով ցատ­կե­լու հետ կա­պել ձեր եր­ջան­կութ­յան բա­նա­լին, դա չի կա­րող ձեզ եր­ջան­կութ­յուն բե­րել, ե­թե դուք այն ինք­ներդ չկա­ռու­ցեք:

­Մար­դիկ կրա­կը վա­ռե­լուց հե­տո հա­ճախ նաեւ մո­խի­րը լցնում են տան անկ­յուն­նե­րը, կամ որ հարս­նա­ցո­ւի հա­գու­ստի փե­շը վառ­վում է: Այդ ա­մե­նը սնո­տիա­պաշ­տութ­յուն է: Ե­թե նախ­կի­նում ին­տեր­նետն այս­քան տա­րած­ված լի­ներ, մի­գու­ցե այս ժո­ղովր­դա­կան տո­նը չլի­ներ: Այդ օ­րը մար­դիկ կա­րող են ու­տել ի­րենց ցան­կա­ցած կե­րա­կու­րը, որ­եւէ սահ­մա­նա­փա­կում չկա: Ուղ­ղա­կի պետք է հա­վա­տի ա­ռու­մով չհաս­նել նրան, որ այս ու­րախ տո­նը չվե­րած­վի սնո­տիա­պաշ­տութ­յան:

Ամ­բող­ջա­կան զրույ­ցը` «Ի­րա­վունք TV»-ի ե­թե­րում:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝