6 նշան, երբ պետք է անմիջապես վազել գինեկոլոգի մոտ

Կնոջ գեղեցկությունը ոչ թե առանձին հատկանիշ է, այլ նրա առողջության արտաքին դրսևորում։ Այնուամենայնիվ, մենք շատ ավելի հաճախ ենք մտածում մեր մարմնի գեղեցկության մասին, քան նրա առողջության՝ աչք փակելով այն տագնապալի ազդանշանների վրա, որոնք տալիս է մեր մարմինը։

Վիճակագրության համաձայն՝ կանանց միայն 11%-ն է կանոնավոր այցելում գինեկոլոգի։ Հարցվածների մեծամասնությունը (56%) վերջին 2 տարում մեկ անգամ  է այցելել մասնագետի, իսկ գրեթե 17%-ը երբեք չի դիմել բժշկի՝ նույնիսկ իմանալով հիվանդության առկայության մասին։

Մինչդեռ խորհուրդ է տրվում տարին առնվազն 2 անգամ այցելել գինեկոլոգի` անկախ գանգատների առկայությունից։ Դա պայմանավորված է նրանով, որ գինեկոլոգիական հիվանդությունների մեծ մասն ասիմպտոմատիկ է և հնարավոր է հայտնաբերել միայն հետազոտության ժամանակ: Նման հիվանդությունների թվում են արգանդի միոման, էնդոմետրիոզը, սեռական ճանապարհով փոխանցվող վարակները, արգանդի վզիկի քաղցկեղը և այլն:

իվանդությունը բացահայտելու համար չպետք է վստահել ընկերների փորձին կամ դիմել վիրտուալ խորհրդատվության․ միայն բժիշկը կարող է ճշգրիտ ախտորոշում կատարել և նշանակել բուժում: Առանձնացրել ենք մի շարք նախազգուշացնող նշաններ և օբյեկտիվ պատճառներ, երբ դուք չպետք է հետաձգեք այցը գինեկոլոգի մոտ:

1. Քոր, այրոց, արտահոսք սեռական օրգաններից

Սովորաբար հեշտոցային արտանետումները պարզ են, թեթև, առանց հոտի և գրգռում չեն առաջացնում: Արտահոսքի քանակը կախված է դաշտանային ցիկլի փուլից։ Այսպիսով, դաշտանի ավարտից անմիջապես հետո արտահոսքը սակավ է և թափանցիկ, դաշտանային ցիկլի կեսին այն դառնում է առատ և մածուցիկ, իսկ երկրորդ փուլում ձեռք է բերում սպիտակավուն երանգ և թեթև թթու հոտ՝ դառնալով մածուցիկ և անթափանց։

Փորձագիտական մեկնաբանություն. Արտահոսքը, քորը և այրոցը, որոնք բնորոշ չեն դաշտանային ցիկլի այս փուլին, կարող են ազդանշան տալ այնպիսի հիվանդությունների մասին, ինչպիսիք են կանդիդոզը, քլամիդիան, բակտերիալ վագինոզը, արգանդի հավելումները, ձվարանների բորբոքումները և այլն: Եթե ի հայտ գան այս ախտանիշները, դուք պետք է դիմեք գինեկոլոգի և հանձնեք արյան անալիզ, հեշտոցից և արգանդի վզիկի շրջանից, ինչպես նաև հետազոտվել վարակների առկայության առումով։

2. Դաշտանային ցիկլի խախտում

Իհարկե, յուրաքանչյուր կին յուրահատուկ է։ Այնուամենայնիվ, կան որոշակի սահմաններ, որոնցից այն կողմ շեղումը վկայում է կանանց առողջության խախտումների մասին։ Սովորաբար դաշտանային ցիկլը տևում է 21-ից 35 օր, որից երեքից յոթ օրը դաշտան է: Ուշացումների, անսովոր ծանր, երկարատև կամ հակառակը՝ կարճ ու սակավ դաշտանի, սրտխառնոցի, գլխացավերի, ուշագնացության ի հայտ գալը վկայում են բժշկի այցելելու անհրաժեշտության մասին։

Փորձագիտական մեկնաբանություն. Քանի որ կնոջ վերարտադրողական համակարգը շատ զգայուն է արձագանքում սթրեսին, թուլացած իմունիտետին, մարմնի քաշի կտրուկ նվազմանը խիստ չարդարացված դիետայի, ֆիզիկական ակտիվության և այլնի ֆոնին, դաշտանի փոփոխությունները կարող են դառնալ այնպիսի հիվանդությունների առաջին ախտանիշները, ինչպիսիք են՝ ձվարանների դիսֆունկցիան, քրոնիկ էնդոմետիտը, էնդոմետրիոզը, արգանդի ֆիբրոդները, պոլիկիստոզային ձվարանների համախտանիշը և շատ ուրիշներ: Որքան շուտ սկսեք դրանք բուժել, այնքան ավելի հեշտ կլինի վերականգնել առողջությունը։

3. Հակաբեղմնավորման եղանակի ընտրություն

Միայն գինեկոլոգը կարող է ընտրել հակաբեղմնավորման այն եղանակը, որը ձեզ հարմար է: Ո՛չ գովազդը, ո՛չ ընկերների խորհուրդները չպետք է ազդեն ձեր ընտրության վրա:

Փորձագիտական մեկնաբանություն. Հորմոնալ հակաբեղմնավորիչները նշանակվում են ոչ միայն հակաբեղմնավորիչ նպատակներով, այլ նաև որպես բուժում. դրանք բուժական ազդեցություն ունեն նախադաշտանային համախտանիշի, դիսմենորեայի, էնդոմետրիոզի դեպքում, բայց չեն պաշտպանում սեռական ճանապարհով փոխանցվող վարակներից: Նման վարակներից միակ հուսալի պաշտպանությունը հակաբեղմնավորման արգելքային մեթոդներն են (պահպանակներ և այլն): Այսօր կան այլ նորարարական հորմոնալ կանխող համակարգեր՝ միջադիների տիպի համակարգերի, հեշտոցային օղակի և այլնի տեսքով։ Բայց այս ամենն ընտրվում է անհատապես։

4. Սեռական զուգընկերների հաճախակի փոփոխություն

Շատ «անվնաս» վարակներ անտեսված վիճակում կարող են լուրջ բարդություններ առաջացնել վերարտադրողական համակարգի և այլ ներքին օրգանների վրա: Բացի այդ, կան տարբեր հիվանդություններ, որոնք առանց ախտանիշների են, օրինակ՝ մարդու պապիլոմավիրուսը (ՄՊՎ): Այն չունի բնորոշ նշաններ կամ ախտանիշներ, և մարդկանց մեծամասնությունը չգիտի, որ վարակված է կամ կրում է այն: Այնուամենայնիվ, սեռական ակտիվ երիտասարդների մինչև 70%-ը վարակվում է դրանով իրենց կյանքի ընթացքում, ինչը կազմում է աշխարհի ընդհանուր բնակչության մոտ 13%-ը։ Ավելին, գրեթե 100% դեպքերում ՄՊՎ -ն հանդիսանում է այնպիսի լուրջ հիվանդության պատճառ, ինչպիսին արգանդի վզիկի քաղցկեղն է։

Փորձագիտական մեկնաբանություն. ՄՊՎ վարակն ավելի տարածված է երիտասարդների և աղջիկների շրջանում, ովքեր անկանոն սեռական կյանք են վարում և հաճախ են փոխում զուգընկերներին: Նման մարդկանց մոտ ՄՊՎ -ով վարակվելու վտանգը բազմապատիկ ավելանում է յուրաքանչյուր նոր սեռական զուգընկերոջ հետ։

5. Հղիության բացակայություն

Հղիության բացակայությունը կանոնավոր անպաշտպան սեռական հարաբերությունների մեկնարկից հետո 12 ամսվա ընթացքում ցույց է տալիս, որ անհրաժեշտ է գինեկոլոգի մոտ հետազոտություն անցնել՝ պաթոլոգիաները բացահայտելու համար:

Փորձագիտական մեկնաբանություն. 6-8 ամիս կանոնավոր անպաշտպան սեռական կյանքի պարագայում հղիության բացակայությունը պետք է անհանգստացնի կնոջը և դառնա գինեկոլոգի հետ կապ հաստատելու պատճառ:

6. Գինեկոլոգի մոտ պլանավորված հետազոտություն

Բժշկի պետք է դիմել ոչ թե այն ժամանակ, երբ խնդիրներն արդեն առաջացել են, այլ երբ դրանք նոր են սկսվում։ Հիշու՞մ եք, թե վերջին անգամ երբ եք այցելել գինեկոլոգի։ Շատ հիվանդություններ ասիմպտոմատիկ են, և կինն իրեն բացարձակ առողջ է զգում, մինչդեռ գոյություն ունեցող հիվանդությունները կարող են անցնել քրոնիկ փուլի, որը շատ ավելի դժվար և երկարատև է բուժվում։ Օրինակ, արգանդի վզիկի քաղցկեղն առավել հաճախ հայտնաբերվում է այն կանանց մոտ, ովքեր անտեսել են գինեկոլոգի կողմից հետազոտությունը:
Ուստի վեց ամիսը մեկ անգամ մի ծուլացեք գինեկոլոգի մոտ կանխարգելիչ հետազոտություն անցնել։

Փորձագիտական մեկնաբանություն. Ամենից հաճախ կանայք բժշկի են դիմում ցավոտ ախտանիշների կամ խանգարումների ի հայտ գալուց հետո։ Առողջության հետ կապված նման «անփութության» ամենալուրջ հետևանքները վերարտադրողական համակարգի քրոնիկական բորբոքային պրոցեսներն են, որոնք հաճախ հանգեցնում են անպտղության, բայց ամենավտանգավորը քաղցկեղն է։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝