Ո՞վ եք դուք` ձեր արյունով… հաստատապես հայ չեք. Գայանե Ներսիսյան

«Իրավունքի» հետ զրույցում ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆՆ անդրադարձել է Հանրային հեռուստատեսության եթերում հեռարձակված ԱԺ «Քաղաքացիական պայմանագիր» խմբակցության ղեկավար Հայկ Կոնջորյանի հարցազրույցին:

— Օրերս Պետրոս կոչեցյալի մոտ հարցազրույց էր տալիս ոմն ՔՊ-ական եւ փորձում էր ապացուցել, որ Հայոց պատմությունը մահացած է: ՔՊ-ականն ամեն տեսակի ջիգ գործադրում էր, որ 5 հազար տարուց ավելի հայոց փառահեղ պատմությունը, հավանաբար, հավասարեցներ ՔՊ-ականների տիրոջ` Ալիեւի` Ադրբեջանի գոյության ժամկետին:

Ո՞վ եք դուք` ձեր արյունով, ձեր վարած ստոր գործունեությամբ, բայց, իհարկե, հաստատապես հայ չեք: Դուք բոլորդ պարզապես կենսագրություն չունեցող քաջնազարների ու ուստիանների գործակալների ցանց եք, ովքեր 2018 թվականին լցվեցին գլխավոր Քաջ Նազարի ցանցը` հույս ունենալով բախտի բերմամբ, թե պատահմամբ ձեռք գցել որեւէ մի պաշտոն: Որքա՜ն ծիծաղելի, ողորմելի եւ խղճալի եք դուք` անկախ ձեր աթոռներին սոսնձված լինելուց:

Վեց տարի շարունակ ուղեղային կենտրոններից թելադրված ամեն ինչ անում եք, որպեսզի գլխավոր ազգադավ պատուհասը կատարի Թուրքիայի եւ Ադրբեջանի բոլոր պահանջները:

Այնուամենայնիվ, ներսի եւ դրսի թուրքե՛ր, շատ մի ընկեք երազանքների գիրկը, հայ ժողովուրդը նորից կվերականգնի իր հայրենիքը եւ արժանապատվությունը, ինչպես ձեր կողմից անընդհատ շրջանառության մեջ դրվող «նախկիններ» բառը , որոնց ժամանակ հայ ժողովուրդը արժանապատիվ եւ երջանիկ էր:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝