Ճանաչված թավջութակահար, կոմպոզիտոր Յան Մաքսինը կրկին Երեւանում է

Ճանաչված թավջութակահար, կոմպոզիտոր Յան Մաքսինը (ԱՄՆ) կրկին Երեւանում է: Միայն փետրվարի 3-ին եւ 4-ին, ժամը՝ 19:00, Արամ Խաչատրյանի տուն-թանգարանի հյուրընկալ համերգասրահում տեղի կունենա “Music of Wandering Cello” խորագիրը կրող հրաշալի համերգային երեկոնները: Կախարդական ճամփորդություն ժամանակից եւ տարածությունից դուրս՝ ԱՄՆ-ից հայտնի թավջութակահարի, կոմպոզիտորի եւ 30 լեզուներով երգող վոկալիստի հետ:

Համաշխարհային համերգային շրջագայության շրջանակներում՝ նվիրված իր նոր ալբոմի` «Սիրո վերածնունդը» թողարկմանը, Յան Մաքսինը կրկին կայցելի Երեւան։ «Amor Renatus»-ը, որը ոգեշնչված է Վիվալդիի, Մոցարտի, Պիացոլլայի ստեղծագործություններով՝ Աֆրիկայի, Մերձավոր Արեւելքի եւ Բալկանների ժողովրդական երաժշտության տարրերով, ունկնդրին տանում է երաժշտական ճանապարհորդության դեպի նոր աշխարհ: Բացի նոր ալբոմում տեղ գտած ստեղծագործություններից, Յ.Մաքսինը կկատարի նաեւ այլ գեղեցիկ գործիքային ստեղծագործություններ, ինչպես նաև հեղինակային երգեր: Յ. Մաքսինը ունի ավելի քան 200 երգ՝ 30 լեզուներով, այդ թվում՝ հայերեն, ռուսերեն, ուկրաիներեն, պարսկերեն, իսպաներեն, ֆրանսերեն, իտալերեն եւ այլն։

Համաշխարհային ճանաչում ունեցող թավջութակահարը ստեղծել է իր ուրույն ոճը՝ համադրելով տարբեր ժանրերն ու ժողովրդական երաժշտության տարրերն ամբողջ աշխարհից՝ օգտագործելով թավջութակը որպես հիմնական միավորող ուժ։ Նա օգտագործում է նաեւ պտտվող ոտնակ եւ այլ էլեկտրոնային սարքեր՝ թավջութակի ձայնը ընդլայնելու եւ այն վիրտուալ նվագախմբի վերածելու համար։

Յան Մաքսինը թողարկել է մի քանի ալբոմներ թավջութակի համար՝ ոգեշնչված իր շուրջերկրյա ճանապարհորդություններով եւ ժողովրդական երաժիշտների հետ համագործակցությամբ։ 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝