Մարսելում ամուսինը սպանել է հայ կնոջը․ Անի Հովսեփյանը համայնքի ճանաչված անդամներից էր
Քրեական
Մարսելի Աբովյան հայկական վարժարանը հայտնել է վարժարանի երկարամյա նվիրյալ, հոգաբարձու Անի Հովսեփյանի մահվան մասին: Այդ մասին հայտնում է Լիբանանում գործող «Արեւելք» պարբերականը:
Անի Հովսեփյանը համայնքի ճանաչված անդամներից էր:
Մարսելի հայկական համայնքում քննարկում են նրա ողբերգական մահը: Ֆրանսիայի աղբյուրների համաձայն, Անի Հովսեփյանին սպանել է ամուսինը: Թե ինչ հանգամանքներում է սպանվել նա, հայտնի չէ, սակայն նշվում է, որ դեպքը տեղի է ունեցել գիշերը՝ իրենց բնակարանում:
Անի Հովսեփյանը 73 տարեկան էր, արմատներով պոլսահայ, որ 1980-ականներին Ստամբուլից փոխադրվելով Ֆրանսիա, իբրեւ ուսուցիչ մեծ ներդրում է ունեցել համայնքի կրթական կյանքում: Ստամբուլում նույնպես երկար տարիներ ուսուցչություն է արել հայկական վարժարաններում, եղել է նաեւ Գալֆայան տան տնօրենը:
Մարսելահայ համայնքում Անի Հովսեփյանը ներգրավված էր նաեւ եկեղեցական, ազգային կյանքում, թղթակցում էր հայկական մամուլին:
Նրան հիշում են որպես հայերենի եւ հայ գրականության մեծ նվիրյալ, որ իր գիտելիքները փոխանցում էր Մարսելի հայ երեխաներին: Անի Հովսեփյանը նաեւ մասնակցում էր Մարսելի «Հայոց հիշողության հետազոտման եւ արխիվացման միության» աշխատանքներին:
1
2224 դիտում
2
1606 դիտում
3
1384 դիտում
4
1311 դիտում
5
1310 դիտում
1
11060 դիտում
2
10497 դիտում
3
9089 դիտում
4
8154 դիտում
5
7241 դիտում
1
37648 դիտում
2
36091 դիտում
3
34134 դիտում
4
19032 դիտում
5
18383 դիտում
