ՌԴ Քննչական կոմիտեի նախագահը հանձնարարել է քրեական գործ հարուցել Երևանում «Պաշարված Լենինգրադի երեխաները» հուշարձանը պղծելու դեպքի առթիվ
Քրեական
Ռուսաստանի Դաշնության Քննչական կոմիտեի նախագահ Ալեքսանդր Բաստրիկինը կարգադրել է քրեական գործ հարուցել Երևանում «Պաշարված Լենինգրադի երեխաները» հուշարձանը պղծելու դեպքի առթիվ, հայտնում է գերատեսչության Telegram-ալիքը։
«Ռուսաստանի Քննչական կոմիտեի նախագահը հանձնարարել է քրեական գործ հարուցել Երևանում «Պաշարված Լենինգրադի երեխաները» հուշարձանը պղծելու դեպքի առթիվ և ՌԴ ԱԳՆ-ի հետ համատեղ պարզել կատարվածի բոլոր հանգամանքները», - ասվում է հաղորդագրության մեջ։
Այսօր Հայաստանում Ռուսական տան ղեկավար Վադիմ Ֆեֆիլովը դիմել է Հայաստանի գլխավոր դատախազ Աննա Վարդապետյանին՝ «Պաշարված Լենինգրադի երեխաներին» նվիրված հուշարձանը պղծելու հարցով։
«Մենք անընդունելի ենք համարում այն գործողությունները, որոնք ազգամիջյան ատելություն են հրահրում և այլատյացության վրա հիմնված բռնության կոչ են անում Հայրենական մեծ պատերազմի ժամանակ տեղի ունեցած իրադարձությունների և Ռուսաստանի Դաշնության հասցեին արված հայտարարությունների առնչությամբ»,- նշել է Ֆեֆիլովը։
Նա Հայաստանի գլխավոր դատախազին խնդրել է քննություն անցկացնել և իրավական գնահատական տալ Սամվել Շիրանյանի գործողություններին և քրեական պատասխանատվության ենթարկել նրան։
Հիշեցնենք, որ քաղաքացի Սամվել Շիրանյանը հունվարի 27-ին պատռել և տրորել է Ռուսաստանի դրոշը խորհրդանշող ժապավենները, ծաղկեպսակները շպրտել և այդ ամենը՝ Ռուսաստանի Դաշնության հասցեին վիրավորական մեկնաբանություններով, տեղադրել սոցիալական ցանցում։
Հունվարի 26-ին Հայաստանում Ռուսաստանի դեսպան Սերգեյ Կոպիրկինը, ՌԴ դեսպանատան, «Ռոսսոտրուդնիչեստվոյի» և հասարակական կազմակերպությունների ներկայացուցիչները ծաղկեպսակներ և ծաղիկներ էին դրել պաշարված Լենինգրադի երեխաների հուշարձանին։ Միջոցառումը նվիրված էր ֆաշիստական շրջափակումից քաղաքի ամբողջական ազատագրման 80-ամյակին։
Ավելի ուշ, ոմն քաղաքացի Սամվել Շիրանյան, շպրտել էր ծաղկեպսակներն ու տրորել ռուսական եռագույնի գույներով ժապավենը։ Նա դժգոհություն է հայտնել ՌԴ ԱԳՆ պաշտոնական ներկայացուցիչ Մարիա Զախարովայի խոսքերի առնչությամբ։ Զախարովան ճեպազրույցի ժամանակ անդրադառնալով Ղարաբաղում էթնիկ զտումների մասին պնդումներին, առաջարկել է հղում տրամադրել որևէ միջազգային կազմակերպության, օրինակ՝ ՄԱԿ-ի փաստաթղթին կամ հայտարարությանը, որը վկայում է այն մասին, որ նման էթնիկ զտումներ եղել են։
Շիրանյանն ասել է, թե չկա նաև Լենինգրադի պաշարման մասին փաստաթուղթ։
Այս թեմայով
800 լիտր դիզվառելիք, ծխախոտ ու կեղծ օղի․ ոստիկանության բացահայտումները Արագածում և Դարբնիկում
Երևանում 20-ամյա աղջկա նկատմամբ սեռական բնույթի բռնի գործողություններ կատարելու կասկածանքով ձերբակալվել է 65-ամյա տաքսու վարորդը
ԱՀԱԶԱՆԳ. Թալանել են մեղվաբուծությամբ զբաղվող կնոջ տունը, իսկ քննչական կոմիտեն կարծես արջի քուն է մտել
Դատախազությունը վիճարկում է Գուրգեն Արսենյանի ընկերության ձեռք բերած նախկին մանկապարտեզի աճուրդը. Hetq.am
800 լիտր դիզվառելիք, ծխախոտ ու կեղծ օղի․ ոստիկանության բացահայտումները Արագածում և Դարբնիկում
Երևանում 20-ամյա աղջկա նկատմամբ սեռական բնույթի բռնի գործողություններ կատարելու կասկածանքով ձերբակալվել է 65-ամյա տաքսու վարորդը
ԱՀԱԶԱՆԳ. Թալանել են մեղվաբուծությամբ զբաղվող կնոջ տունը, իսկ քննչական կոմիտեն կարծես արջի քուն է մտել
Դատախազությունը վիճարկում է Գուրգեն Արսենյանի ընկերության ձեռք բերած նախկին մանկապարտեզի աճուրդը. Hetq.am
Հավանեցի՞ր հոդվածը, կիսվիր ընկերներիդ հետ
1
4490 դիտում
2
3026 դիտում
3
1606 դիտում
4
1235 դիտում
5
1014 դիտում
1
31460 դիտում
2
19515 դիտում
3
11458 դիտում
4
11417 դիտում
5
8420 դիտում
3
17759 դիտում
