ԶԱՐՄԱՆՔ

­Մեզ շա­րու­նա­կում է զար­մաց­նել ի­րեն լուրջ-լուրջ Ե­րե­ւա­նի քա­ղա­քա­պե­տի տեղ դրած ՏԻԳՐԱՆ ԱՎԻՆՅԱՆԸ: Նա այդ­պես էլ չկա­րո­ղա­ցավ կազ­մա­կեր­պել ձյան մաքր­ման աշ­խա­տանք­նե­րը, ու քա­ղա­քը կաթ­վա­ծա­հար է լի­նում, հենց որ Ե­րե­ւա­նում ձյուն է տե­ղում: Ձ­յունն էլ թար­սի պես հա գա­լիս ու գա­լիս է, ոնց որ Տիգ­րան­չի­կին հա­կա­ռակ: Սա­կայն ա­վե­լի զար­մա­նա­լի էր նրա ա­ռա­ջար­կը`թե­նի­սի կոր­տե­րը «Մայր Հա­յաս­տան» հու­շար­ձա­նի կող­քին գտնվող ավ­տո­կա­յա­նի տե­ղում կա­ռու­ցե­լու վե­րա­բեր­յալ: Լավ, կոր­տե­րը այդ­տեղ կա­ռու­ցե­ցիք, բա ավ­տո­կա­յա­նը որ­տե՞ղ է լի­նե­լու: Այդ հար­ցը զար­մա­նա­լիո­րեն Տիգ­րան Ա­վին­յա­նին չի հե­տաքրք­րում:

­Թե­նի­սի կոր­տե­րի վե­րա­բեր­յալ զար­մա­նա­լիո­րեն լռում է ընդ­դի­մա­դիր «ՀԱՅԱՍՏԱՆ» դա­շին­քը, ո­րի ան­դամ­նե­րին Նի­կո­լը մե­ղադ­րել է պե­տա­կան բազ­մա­մի­լիար­դա­նոց սե­փա­կա­նութ­յու­նը, ըստ էութ­յան, գրպա­նե­լու մեջ: Դե ա­րի, սրա­նից հե­տո փոր­ձիր հա­վա­տալ, որ Ռո­բերտ Քո­չար­յա­նի շրջա­պա­տում ա­մեն ինչ ար­դար ու մա­քուր էր:

­Մեզ շա­րու­նա­կում է զար­մաց­նել նաեւ «ԶԱՐԹՈՆՔ» կու­սակ­ցութ­յու­նը, ո­րի` Գ­յում­րիի ա­վա­գա­նու խմբակ­ցութ­յան ղե­կա­վա­րը դուրս է ե­կել խմբակ­ցութ­յու­նից: Սա­կայն կու­սակ­ցութ­յու­նը ո­րե­ւէ կերպ չի փոր­ձում բա­ցատ­րել ընտ­րող­նե­րին, թե ինչ է կա­տար­վում, եւ ին­չու է կու­սակ­ցութ­յու­նը ներ­կա­յաց­րել ընտ­րող­նե­րին այն­պի­սի մար­դու, այն էլ` որ­պես խմբակ­ցութ­յան ղե­կա­վար, ո­րը այս­քան հեշ­տութ­յամբ փո­խում է իր սկզբունք­նե­րը: Դե, սրա­նից հե­տո ընդ­դի­մա­դիր տրա­մադր­ված ընտ­րող­նե­րին ինչ­պե՞ս հա­մո­զես, որ մաս­նակ­ցեն ընտ­րութ­յուն­նե­րին ու ձայ­նե­րը տան ընդ­դի­մութ­յա­նը:

­Մեզ շա­րու­նա­կում է զար­մաց­նել Ուկ­րաի­նա­յի նա­խա­գահ ԶԵԼԵՆՍԿԻՆ: Նա, լի­նե­լով էթ­նիկ հրեա, հրա­մա­նա­գիր է տվել Ռու­սաս­տա­նում էթ­նիկ ուկ­րաի­նա­ցի­նե­րի ազ­գա­յին ինք­նութ­յու­նը պահ­պա­նե­լու վե­րա­բեր­յալ մի­ջո­ցա­ռում­նե­րի մա­սին: Միա­ժա­մա­նակ, Զե­լենս­կու քա­ղա­քա­կա­նութ­յան արդ­յուն­քում ար­դեն իսկ զոհ­վել է կես մի­լիոն ուկ­րաի­նա­ցի, իսկ շուրջ վեց մի­լիո­նը լքել է եր­կի­րը: Եվ այդ ա­մե­նը Զե­լենս­կու սե­ւե­ռուն նպա­տա­կի պատ­ճա­ռով` Ուկ­րաի­նան ՆԱՏՕ-ի ան­դամ դարձ­նե­լու հա­մար:

Իսկ ՆԱՏՕ-ի ան­դամ ար­դեն դար­ձած Մերձ­բալթ­յան երկր­նե­րի վի­ճա­կը մեզ նույն­պես զար­մաց­նում է: ՆԱՏՕ-ի ա­վագ ըն­կեր­նե­րը կար­ծես թե նրանց կար­ծի­քը չեն էլ հարց­նում, երբ տե­ղա­կա­յում են այդ­տեղ ի­րենց զոր­քե­րը: Բա­ցի ա­մե­րի­կա­ցի­նե­րից, հի­մա էլ գեր­մա­նա­ցի­նե­րը ո­րո­շել են Մերձ­բալթ­յան հան­րա­պե­տութ­յուն­նե­րը վե­րադարձ­նել ի­րենց վե­րահս­կո­ղութ­յան տակ: ԳՖՀ պաշտ­պա­նութ­յան նա­խա­րար ՊԻՍՏՈՐԻՈՒՍԸ հայ­տա­րա­րեց, որ` «Մերձ­բալ­թիկա­յում անհ­րա­ժեշտ է ձե­ւա­վո­րել գեր­մա­նա­կան զո­րա­խումբ»: Ա­հա այս­պի­սի զար­մա­նա­լի ա­զատ, ան­կախ եւ ին­քնիշ­խան Մերձ­բալ­թի­կա:

Եվ վեր­ջա­պես մեզ զար­մաց­րեց ՆԱՏՕ-ի «պա­պան»`ԱՄՆ-ն: Վեր­ջինս ա­մբողջ աշ­խար­հում իրա­կա­նաց­նե­լով գու­նա­վոր հե­ղաշր­ջում­ներ ու շուրջ տա­սը երկր­նե­րում ուղ­ղա­կի կամ ա­նուղ­ղա­կի մաս­նակ­ցե­լով պա­տե­րազմ­նե­րի, զար­մա­նա­լիո­րեն իր ներ­սում հայտն­վեց բա­վա­կա­նին ծանր ի­րա­վի­ճա­կի մեջ, երբ իր նա­հանգ­նե­րից ՏԵԽԱՍԸ ո­րո­շեց չեն­թարկ­վել Վա­շինգ­տո­նին: Ամ­բողջ աշ­խար­հով մեկ ու­րիշ­նե­րի հա­մար փոս փո­րող ԱՄՆ-ն զար­մա­նա­լիո­րեն հայտն­վեց այս­պի­սի մի փո­սում: Ինչ­պես ա­սում են` ու­րի­շի համար փոս փո­րո­ղը…

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝