Ուկրաինան ներքին պայթյունից հինգ պակաս

Ա­մեն դեպ­քում, քա­նի դեռ ներ­կա աշ­խար­հա­քա­ղա­քա­կան ի­րա­վի­ճա­կում գլո­բալ փո­փո­խութ­յուն­ներ չեն ե­ղել, Ա­լիե­ւը հա­զիվ թե ո­րո­շի վե­րա­դառ­նալ ա­րեւմտ­յան բա­նակ­ցա­յին հար­թակ (Տե´ս նաեւ https://iravunk.com/?p=274436&l=am): Մինչ­դեռ ներ­կա զար­գա­ցում­նե­րը գա­լիս են նո­րից ու նո­րից հու­շե­լու, որ նման փո­փո­խութ­յուն­նե­րի դեռ պետք չէ սպա­սել:

Սկ­սենք ա­մե­րի­կա­ցի­նե­րից, ո­րոնց մոտ, հայտ­նի բան է, ներ­քին եւ ար­տա­քին բո­լոր գոր­ծըն­թաց­նե­րի շար­ժիչ ու­ժը սպաս­վող նա­խա­գա­հա­կան ընտ­րութ­յու­ններն են: Եվ ա­հա, ի հայտ ե­կան ի­րո­ղութ­յուն­ներ, ո­րոնք հաս­տա­տում են, որ Բայ­դե­նի նա­խընտ­րա­կան գոր­ծե­րի հետ կապ­ված, բո­լոր վատ­թա­րա­գույն մտա­վա­խութ­յու­ններն ի­րա­կա­նութ­յուն են դառ­նում: Գոր­ծող Ս­պի­տակ տու­նը, ըստ ա­մե­նայ­նի, այն հա­մոզ­մունքն ու­նի, որ Թ­րամ­փի դեմ պայ­քա­րում Բայ­դե­նը գրե­թե շան­սեր չու­նի: Ու­ստիեւ, հաղ­թե­լու հա­մար պետք է ա­մեն ինչ ա­նել, որ Թ­րամ­փը չմաս­նակ­ցի ընտ­րութ­յուն­նե­րին: Ու թեեւ դրան միտ­ված ա­մեն քայ­լի դի­մե­ցին, սա­կայն կա այս ի­րո­ղութ­յու­նը: Հան­րա­պե­տա­կան­նե­րը մինչ այժմ փրայ­մե­րիզ (ներ­կու­սակ­ցա­կան ընտ­րութ­յու­ններ՝ թեկ­նա­ծու ա­ռա­ջադ­րե­լու հա­մար) են անց­կաց­րել միայն մեկ նա­հան­գում՝ Ա­յո­վա նա­հան­գում, որ­տեղ Թ­րամ­փը հա­վա­քեց ձայ­նե­րի կե­սից ա­վե­լին եւ դար­ձավ մրցա­վազ­քի ան­վի­ճե­լի ա­ռա­ջա­տա­րը: Բա­ռա­ցիո­րեն ան­մի­ջա­պես չոր­րորդ տե­ղը զբա­ղեց­րած թեկ­նա­ծուն դուրս ե­կավ մրցա­վազ­քից՝ Թ­րամ­փի օգ­տին: Ա­մե­նա­կա­րե­ւո­րը՝ ե­րեկ Թ­րամ­փի օգ­տին պայ­քա­րից հրա­ժար­վեց նաեւ հիմ­նա­կան մրցա­կի­ցը՝ քսա­նից ա­վել տո­կո­սով երկ­րորդ տե­ղը զբա­ղեց­րած Ֆ­լո­րի­դա­յի նա­հան­գա­պետ Ռոն Դե­սան­տի­սը: Այս­պի­սով, հան­րա­պե­տա­կա­նի նախ­նա­կան ընտ­րութ­յուն­նե­րը, ըստ էութ­յան, ա­վարտ­վել են դեռ չսկսած՝ Թ­րամ­փի բա­ցար­ձակ հաղ­թա­նա­կով: Ու նման ի­րա­վի­ճա­կում նրան նա­խա­գա­հա­կան ընտ­րութ­յուն­նե­րից ար­հես­տա­կա­նո­րեն դուրս թող­նե­լը ԱՄՆ-ի հա­մար ընդ­հուպ կա­րող է նշա­նա­կել քա­ղա­քա­ցիա­կան պա­տե­րազմ:

­Թե ինչ ա­վարտ կու­նե­նա Բայ­դեն-Թ­րամփ պայ­քա­րը, կամ արդ­յոք Բայ­դե­նը կմտնի՞ այդ պայ­քա­րի մեջ, դա հե­տո­յի հարցեր են: Այս պա­հին պար­զա­պես ի­րո­ղութ­յունն այն է, որ այն թե­զե­րը, ո­րոնք Թ­րամ­փը դնում է կամ դնե­լու է նա­խընտ­րա­կան քա­ղա­քա­կա­նութ­յան հիմ­քում, սկսե­լու են շատ ա­վե­լի կոշտ կեր­պով գոր­ծել: Բ­նա­կա­նա­բար, խոս­քը նաեւ Ուկ­րաի­նա­յին ֆի­նան­սա­վո­րել-չֆի­նան­սա­վո­րե­լու` Կ­ոնգ­րե­սի հայտ­նի ար­գել­քի մա­սին է:

­Թե­րեւս, հաշ­վար­կե­լով նման զար­գա­ցու­մը, Բ­րի­տա­նիան, որ մինչ այս Ուկ­րաի­նա­յին ֆի­նան­սա­վո­րե­լու եւ պա­տե­րազ­մը եր­կա­րաձ­գե­լու ողջ հոգ­սը թո­ղել էր Վա­շինգ­տո­նի վրա, հի­մա կա´մ­ այդ ծրագ­րե­րից պետք է հրա­ժար­վի, կա´մ­ իր վրա վերց­նի ֆի­նան­սա­վոր­ման հար­ցը: Այդ թե­ման նաեւ Դա­վո­սի վեր­ջին ֆո­րու­մի օ­րա­կար­գի ստվե­րա­յին հատ­վա­ծի հիմ­նա­կան բա­ղադ­րիչ­նե­րից էր: Եվ ա­հա The New York Post-ը ե­րեկ հաս­տա­տեց, որ հար­ցը Դա­վո­սում չի լուծ­վել: Այ­սինքն, Զե­լենս­կու՝ Ռու­սաս­տա­նի հետ բա­նակ­ցութ­յուն­նե­րից հրա­ժար­վե­լու պատ­ճա­ռով. «Ո­ւոլ Սթ­րի­թի ֆի­նան­սիստ­նե­րը հե­տաքրք­րութ­յուն են ցու­ցա­բե­րել Ուկ­րաի­նա­յում ի­րենց գու­մար­նե­րը ներդ­նե­լու հար­ցում: Խն­դի­րը սա է. ներդ­րող­նե­րը գի­տեն, որ տա­նուլ տված պա­տե­րազ­մը կա­պի­տա­լի վե­րա­դարձ չի ա­պա­հո­վի»: Դա, ըստ աղբ­յու­րի, ըն­դու­նում է նաեւ Զե­լենս­կին՝ հայ­տա­րա­րե­լով. «Ես դա­տար­կա­ձեռն եմ վե­րա­դար­ձել»:

Եվ այն, որ Դա­վո­սից հե­տո ռազ­մա­ճա­կա­տա­յին մի շարք ա­ռանց­քա­յին ուղ­ղութ­յուն­նե­րում կտրուկ սրվեց ռու­սա­կան հար­ձա­կում­նե­րի տեմ­պե­րը, պա­տա­հա­կան չէր: Մոսկ­վա­յում, մի­գու­ցե, սպա­սում էին, որ Զե­լենս­կուն կպար­տադր­վի՝ Մոսկ­վա­յի հա­մար ըն­դու­նե­լի պայ­ման­նե­րով բա­նակ­ցութ­յուն­ներ սկսել: Եվ երբ այդ հույ­սե­րը չար­դա­րա­ցան, կրկին ա­ռա­ջին պլան մղվեց ռազ­մա­կա­նը:

Այս ֆո­նին, թե­րեւս, Ա­րեւ­մուտ­քը կսկսի շատ ա­վե­լի ռեալ մտա­ծել Զե­լենս­կուն հե­ռաց­նե­լու մա­սին: Ու պա­տա­հա­կան չէր, որ ուկ­րաի­նա­կան քա­ջա­տեղ­յակ աղբ­յուր­նե­րից մե­կը փո­խան­ցեց. «Նա­խա­գա­հի օ­ֆի­սի մեր աղբ­յու­րը հայտ­նել է, որ Զե­լենս­կու դեմ մեծ ընդ­դի­մութ­յուն է ձեւա­վոր­վել այն է­լի­տա­նե­րից, ո­րոնք շա­հագրգռ­ված են թու­լաց­նել նրա իշ­խա­նութ­յու­նը։ Ճա­կա­տում ընդգրկ­ված են օ­լի­գարխ­ներ, գոր­ծա­րար­ներ եւ քա­ղա­քա­կան ա­ռաջ­նորդ­նե­րի մե­ծա­մաս­նութ­յու­նը, ով­քեր կար­ծում են, որ Զե­լենս­կին պետք է հե­ռա­նա 01.31.24-ից հե­տո»:

Իսկ ա­հա Զե­լենս­կին, որ­պես կան­խար­գե­լիչ քայլ, թե­րեւս ար­դեն վերջ­նա­կա­նա­պես ո­րո­շել է պաշ­տո­նանկ ա­նել Ուկ­րաի­նա­յի գլխա­վոր հրա­մա­նա­տար Վա­լե­րի Զա­լուժ­նիին, Գլ­խա­վոր շտա­բի պետ Սեր­գեյ Շապ­տա­լա­յին, Ուկ­րաի­նա­յի զին­ված ու­ժե­րի միաց­յալ ու­ժե­րի հրա­մա­նա­տար Սեր­գեյ Նաե­ւին ու մի­գու­ցե նաեւ ՆԳՆ ղե­կա­վար Ի­գոր Կ­լի­մեն­կո­յին կփո­խա­րի­նի ՈւԱԽ-ի ղե­կա­վար Վա­սի­լի Մալ­յու­կը։ Ե­թե այս պաշ­տո­նան­կութ­յուն­նե­րը տե­ղի ու­նե­նան, ըստ փոր­ձա­գետ­ների, շատ մեծ է հա­վա­նա­կա­նութ­յու­նը, որ ռազ­մա­կան թե­ւը կփոր­ձի, ի պա­տաս­խան, հե­ռաց­նել Զե­լենս­կուն: Ու թե դա ին­չով կա­վարտ­վի, դժվար է ա­սել:

­Կարճ ա­սած, Ուկ­րաի­նան ներ­քին պայթ­յու­նից 5 պա­կաս վի­ճա­կում է: Ս­րա­նից բխող հնա­րա­վոր զար­գա­ցում­նե­րին, ի­հար­կե, կա­րե­լի է անդ­րա­դառ­նալ: Սա­կայն միայն ընդգ­ծենք բուն փաս­տը. ցան­կա­ցած տար­բե­րակ էա­պես ամ­րապն­դում է ռու­սա­կան դիր­քե­րը: Ու ոչ միայն ուկ­րաի­նա­կան խա­ղա­տախ­տա­կին, այլ ընդ­հա­նուր: Հենց սա է, որ Ա­լիե­ւը հաս­տատ հաշ­վարկ­նե­րից չի հա­նի: Իսկ ա­հա Նի­կո­լը՝ ով ի­մա­նա:

ՔԵՐՈԲ ՍԱՐԳՍՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝