SOS.Միայնակ կանանց փորձում են խաբել՝ ներկայանալով որպես ամերիկացի գեներալ կամ գնդապետ․ Կիբեռհանցագործության կենտրում են հայտնվել բոլորը

Համացանցային խաբեությունները վերջին շրջանում կտրուկ աճել են , քանի որ ֆիզիկական շփումը երկրորդ պլան է մղվել՝ դիրքը զիջելով առցանց տարբերակին: Հանցագործների թակարդը չընկնելու հաստատուն բանաձև չկա, խաբեության մեխանիզմներն անընդհատ կատարելագործվում են: Տեղեկատվական անվտանգության փորձագետ Սամվել Մարտիրոսյանը խորհուրդ է տալիս համացանցում տեղի ունեցող ամեն ինչ պրոյեկտել իրական կյանքի վրա․

-Մտել ենք մի փուլ, երբ թիրախ հանդիսանում են բոլորը, որովհետեւ այսօր համացանցային հանցագործների տարբեր խմբեր են ձեւավորված, որոնցից յուրաքանչյուրն ունի իր թիրախային խմբերը։ Կան խմբեր, որոնց թիրախում տարիքով, միայնակ կանայք են, որոնց փորձում են խաբել՝ ներկայանալով որպես ամերիկացի գեներալ կամ գնդապետ, ով իբր սիրահարված է եւ ուզում է «զոհին» տանել Ամերիկա միասին ծերությունը վայելելու։ Կան խմբեր, որոնք աշխատում են կոնկրետ list.am-ի վրա։ Անձնական տվյալները, եթե մեծ քանակի մարդկանց է հասանելի դառնում, ապա կարելի է ամփոփ պատկեր ստեղծել և օրինակ՝ հանցագործը կարող է հանցավոր նպատակներով օգտագործել։

Փորձագետը տեղեկացնում է նաեւ․

-Խոջսափել ինտերնետային շահում- ծուղակներից, որոնք թույլ են տալիս հաքերներին խաբել եւ գողանալ մարդկանց գաղտնաբառերը կամ փող տանել բանկային քարտից։ Սակայն բացի դրանից սա թույլ է տալիս հայտնաբերել մարդկանց, որոնց ավելի հեշտ է խաբել, կոտրել։ Եվ Ադրբեջանի հատուկ ծառայությունները օգտագործում են նման շահումների էջերը, որպեսզի հայտնագործել նման մարդկանց։ Ադրբեջանական հաքերները հետո փորձում են այդ մարդկանց կոտրել եւ օգտահաշիվները օգտագործել Հայաստանի դեմ։ Այսինքն մեծ հաշվով բոլորը այսօր թիրախ են, չկա պաշտպանված խումբ համացանցային հանցագործներից։ 

Անդրադառնալով թշնամական երկրի կողմից հաքերային հաձակումներին Մարտիրոսյանը ընդգծում է․

-Կիբերանվտանգության և տեղեկատվական պատերազմի հարցերում Հայաստանը և Ադրբեջանն ամենամեծ վտանգն են ներկայացնում միմյանց համար: Դա արտահայտվում է կիբերհարձակումներով, ֆեյքային լուրերով՝ հակառակ կողմին վարկաբեկման կամ ապատեղեկատվության նպատակով: կիբերպատերազմներում նույնպես օգտագործում են վարձկանների: <ԱՊՀ տարածքում, նաև ամբողջ աշխարհում բազմաթիվ հակերային խմբեր կան, որոնց կարելի է վճարել, և նրանք կկազմակերպեն ցանկացած գրոհ: Պարբերաբար թե մենք, թե դուք բախվել եք նման DDos հարձակումների, որոնք այստեղից չեն գալիս: Վերջին 5-6 տարում զանգվածային DDos հարձակումներ են տեղի ունեցել Հայաստանի և Ադրբեջանի պետական կայքերի վրա, որոնք ակնհայտորեն երրորդ կողմից են բխել։ Դրանք կարող են լինել ինչ-որ լուրջ հակերային խմբերը, որոնք «մարզվում են» թույլ պաշտպանված կայքերի վրա: Աշխարհում կան նաև հայտնի հակերային խմբեր, որոնց հետևում կոնկրետ երկրներ կամ դրանց պետական կառույցներն են կանգնած:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝