Որքան են կազմելու կարմիր գծերի տուգանքները
Սպառողի անկյուն
Հունվարի 1-ից Երեւանի` կարմիր գծանշումներով ավտոկայանատեղիներում կայանելու համար սահմանվել են նոր դրույքաչափեր, որոնք այսուհետ կհաշվարկվեն ըստ գոտիների: «Ա» գոտում կայանման մեկ ժամի համար սահմանված է 300 դրամ, մեկ օրվա համար` 2 հազար դրամ, մեկ շաբաթվա համար` 5 հազար դրամ, մեկ ամսվա համար՝ 18 հազար դրամ, իսկ մեկ տարվա համար` 160 հազար:
«Ա» գոտին ներառում է.
Երևանի Սուրբ Գրիգոր Լուսավորիչ, Ագաթանգեղոս, Խանջյան, Ալեք Մանուկյան, Չարենց, Կորյուն, Աբովյանի պուրակ, Իսահակյան, Մոսկովյան, Սարյան և Լեոյի փողոցների շրջանակը՝ մասնավորապես Արամի, Ամիրյան, Բուզանդի, Գևորգ Քոչարի, Զաքյան, Զորյան, Թումանյան, Իտալիայի, Լեոյի, Կարեն Դեմիրճյան, Կողբացու, Հանրապետության, Մելիք Ադամյան, Մհեր Մկրտչյան /Տիգրան Մեծի պողոտայից մինչև Խորենացու փողոց /Հանրապետության փողոցի մի հատվածը/, Պուշկին, Սարյան, Վազգեն Սարգսյան, Տպագրիչների, Իսահակյան, Մովսես Խորենացու /Մաշտոցի պողոտայից մինչև Ագաթանգեղոսի փողոց հատված/, Մոսկովյան, Նալբանդյան, Վարդանանց /Սախարովի հրապարակից մինչև Խանջյան փողոց/, Տերյան, Ալեք Մանուկյան, Աբովյան, Չարենցի, Կորյունի, Ագաթանգեղոսի, Սուրբ Գրիգոր Լուսավորիչ, Բեյրութի, Խանջյան, Պարոնյան փողոցները, Բաղրամյան /Մաշտոցի պողոտայից մինչև Իսահակյան փողոց/, Մաշտոցի, Սայաթ Նովայի, Տիգրան Մեծի /Հանրապետության հրապարակից մինչև Ագաթանգեղոս փողոց հատված/ պողոտաները, Շահումյան և Սախարովի հրապարակները):
Արդյո՞ք բարձրանալու է նաեւ ավտոկայանատեղիներից օգտվելու համար տուգանքների չափը: Խոսքն այն մասին է, որ սահմանված գումարը չվճարած տրանսպորտային միջոցի սեփականատերն ինչքան տուգանք է վճարելու` սահմանված վճարը չմուծելու դեպքում: Երևանի քաղաքապետարանի մամուլի ծառայությունից պատասխանել են․
«Տուգանքների չափերի փոփոխություն մինչ այս պահը չկա, գործելու է գործող կարգը։ Այսպիսով, այն վարորդները, ովքեր կխուսափեն վճարել կայանատեղիի համար նախատեսված գումարը կտուգանվեն՝ 5000 դրամ։ Որքան որ գրանցվի խախտումը, այդքան անգամ տուգանվելու են վարորդները, օրինակ, կարող են լինել քաղաքացիներ, որ օրվա մեջ 5 անգամ խախտեն օրենքը՝ կայանելուց 15 րոպե առաջ չկատարեն վճարումը, այդ վարորդները տուգանվելու են 5 անգամ` 5000 դրամով»։
Մենք տեղեկացանք, որ տուգանքների վճարումը սահմանվում է Վարչական իրավախախտումների մասին օրենքով, իսկ այն հինն տարբերակն է` փոփոխություններ չի կրել, ուստի տուգանքների չափերն էլ նախկինն են: Բայց կարող ենք ենթադրել, որ աստղաբաշխական գումարներ գանձող, քաղաքացուն որպես «տուգանքի մատերիալ» ընկալող իշխանությունները հետագայում նաեւ տուգանքների չափերի փոփոխություն կանեն, որ բյուջեն լցնեն եւ իրենց պարգեւավճարներն ապահովեն:
1
23803 դիտում
2
3593 դիտում
3
2579 դիտում
4
1744 դիտում
5
1553 դիտում
1
40762 դիտում
3
8965 դիտում
4
8133 դիտում
5
5024 դիտում
3
16906 դիտում
4
10520 դիտում
5
9901 դիտում
