Այլմոլորակայիններ և ԱՄՆ ընտրությունների խափանում. Politico-ն անվանել է 2024 թվականի «սև կարապները»

2024 թվականը կարող է հանկարծակի զարմացնել «թվային ապոկալիպսիսով», աֆրիկյան ազդեցության աճով, ԱՄՆ ընտրությունների խաթարմամբ և «չինական անակնկալով»: Ըստ ամերիկյան Politico թերթի հարցազրույցի` փորձագետները նման «սև կարապները» (դժվար կանխատեսելի և զգալի հետևանքներ ունեցող հազվագյուտ իրադարձություններ) միանգամայն ռեալ են համարում: 

«Անկանխատեսելի, բայց շատ իրակտեսական» կանխատեսումների թվում է նաեւ այլմոլորակայի բանականության բացահայտումը:

«Սա այնքան էլ սպեկուլյատիվ սցենար չէ, որքան դուք կարող եք պատկերացնել: Մեր կյանքի ընթացքում մեկ այլ քաղաքակրթության հետ երկկողմանի հաղորդակցության հնարավորությունը սահմանափակված է մոտավորապես 30 լուսային տարվա հեռավորությամբ: Բայց մենք արդեն գիտենք մոտ մեկ տասնյակ բնակելի էկզոմոլորակներ Երկրից 30 լուսատարի վրա, և մենք տեղյակ ենք, թե ինչ է տեղի ունենում դրանց միայն մի քանի տոկոսի վրա»,- գրել է Galileo նախագծի ղեկավար և Հարվարդի համալսարանի «Սև խոռոչի նախաձեռնության» հիմնադիր տնօրեն Ավի Լեբը:

Փորձագետներն անվանել են այլ «սև կարապները»

ԱՄՆ ընտրությունների խափանում: «Ի՞նչ կլինի, եթե աշխարհի ամենահզոր երկիրը չկարողանա անցկացնել ազատ և արդար ընտրություններ»,- հարցրեց Eurasia Group քաղաքական ռիսկերի խորհրդատվական ընկերության ղեկավար Յան Բրեմմերը:

Նախագահ Ջո Բայդենի կողմնակիցները մտահոգված են «ժողովրդավարությանը սպառնացող վտանգով», նրանց հակառակորդները վախենում են նախկին նախագահ Դոնալդ Թրամփի բանտարկությունից, իսկ ԱՄՆ-ի հակառակորդները ցանկանում են քաոս տեսնել, ինչը մեծացնում է ընտրությունները տապալելու բազմակողմ ջանքերի վտանգը: Առավել եւս, երբ ԱՄՆ նախագահի հանրապետական ​​թեկնածուները բացահայտորեն խոսում են երկիրը ՆԱՏՕ-ից դուրս բերելու ծրագրերի մասին:

Չինական անակնկալ: ԺԴԿ թեկնածու Լայ Չինգ-Տեն հաղթում է Թայվանի ընտրություններում, նա հռչակում է կղզու անկախությունը, որից հետո Չինաստանը սկսում է ռազմական գործողություն։ Միացյալ Նահանգները ռազմական ուժ է կիրառում Թայվանը պաշտպանելու համար, և Բայդենի վստահ գործողությունները ավելացնում են նրա ձայները ընտրություններում, կանխատեսում է Մեթյու Բերոուսը՝ Stimson ռազմավարական կանխատեսումների կենտրոնի ծրագրերի տնօրենը:

Նա կարծում է, որ հնարավոր է, որ Չինաստանը ֆինանսական կոլապս ապրի տնտեսության մեջ առկա խնդիրների պատճառով։

«Թվային ապոկալիպսիս» և շատ ավելին: «2020 թվականին ոչ ոք չէր սպասում գլոբալ համաճարակի, բայց 2024 թվականին մեզ կարող է հարվածել համաշխարհային թվային վիրուսը։ Իսկ ի՞նչ կլինի, եթե համակարգիչները և արբանյակները դադարեն աշխատել գոնե մի քանի օր, հասկանալ կարելիր է: Իսկ եթե վիրուսը հարձակվի համաշխարհային բանկային համակարգի վրա՝ գոլորշիացնելով տրիլիոնավոր դոլարների հարստությունը»,– հարցնում է Bulwark թերթի գլխավոր խմբագիր Չարլի Սայքսը։

Նա նաեւ նախազգուշացրել է «լքված Ուկրաինայի փլուզման» և «համարձակ Չինաստանի կողմից Թայվան հաջորդ ներխուժման» վտանգի մասին:

Հեղափոխություն Ռուսաստանում: Politico Magazine-ի գրող և Washington Monthly-ի քաղաքական խմբագիր Բիլ Շերը խոստովանում է, որ «Պուտինի իշխանության հանկարծակի ավարտը կփոխի շատ քաղաքական հավասարումներ ամբողջ աշխարհում»:

Սակայն նա նշում է, որ վերլուծաբանները Ռուսաստանը համարում են կայում հեղաշրջումների հանդեպ՝ տարբեր մարմինների միջև ռազմական իշխանության բաժանման համակարգի պատճառով։

2000-2004 թվականներին ԿՀՎ տնօրեն և փոխտնօրեն Ջոն ՄաքԼաֆլինը գրում է Պուտինին աջակցության բարձր մակարդակի մասին, բայց նաեւ կարծում է, որ Ռուսաստանում «սև կարապը» կարող է լինել զինվորների մայրերի դժգոհությունը Ուկրաինայում շարունակվող մարտերից, ինչը կարող է փոխել Մոսկվայի դիրքորոշումը:

Հարձակում ԱՄՆ նախագահի թեկնածուի վրա: Թեկնածուն կարող է կրկնել Ջոն Քենեդու ճակատագիրը, հիվանդանալ կամ վիրավորվել, ասում է վերլուծաբան Ջեֆ Գրինֆիլդը։

«Ամեն անգամ, երբ Ջո Բայդենը բեմ է բարձրանում կամ ինքնաթիռից իջնում, նրա կողմնակիցները շունչը պահում են»,- նշում է նա:

ԱՄՆ ընտրությունների մեկ այլ սպառնալիք կարող է լինել համաշխարհային հակամարտությունը, կարծում է Politico-ի հեղինակ Ջոշուա Սեյցը։ Դժվար է կանխատեսել, թե դա ինչպես կանդրադառնա ընտրությունների վրա: Բայդենը կարող է առավելություն ստանալ՝ «հավաքվելով դրոշի շուրջը», կամ Թրամփը կարող է հմտորեն օգտագործել հակապատերազմական քննադատությունը», - ասում է վերլուծաբանը:

Աֆրիկան ​​դիրքավորվում է որպես համաշխարհային խաղացող։ Այս սցենարում ԱՄՆ-ի ազդեցությունն աշխարհի վրա զգալիորեն թուլանում է, ինչը հանգեցնում է գլոբալ կառավարման հանկարծակի վերադասավորման, ասում է Թեմփլ համալսարանի աֆրիկյան և աֆրոամերիկյան ուսումնասիրությունների օգնական Ռեյնալդո Անդերսոնը: Նրա հաշվարկներով՝ պետությունը կամ պետությունների կոալիցիան կարող են հասնել դաշինքների և համաշխարհային տնտեսական հարաբերությունների վերադասավորման։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝