Չընկնե՛լ այդ հրեշավոր ցանցի մեջ եւ մասնակից չդառնալ ազգադավ գործընթացների. ՀՀ վաստակավոր արտիստի կոչը հայրենակիցներին

ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ «Իրավունքի» հետ զրույցում անդրադարձել է օրակարգային կարեւորության խնդրի՝ կոչ անելով հայրենակիցներին մասնակից չդառնալ ազգադավ գործընթացների:

- 90-ական թվականներին դեռեւս նոր անկախություն ձեռքբերած Հայաստան ներխուժեցին աշխարհի համար չարիք դարձած գլոբալիզացիայի գործիքակազմերից ամենազազրելին՝ աղանդավորական շարժումները: Ի դեպ, այդ աղանդավորական շարժումներն աշխարհի 25 երկրներում արգելված էին: Իսկ Հայաստան ներխուժեցին տարբեր անունների անվան տակ, որոնց մասին հայ ժողովուրդը երբեւէ չէր էլ լսել եւ չէր էլ պատկերացնում նրանց կազմակերպիչների իրական նպատակներն ինչ էին, որն էր այդ ցանցերի մեջ ընկած ամեն հայի դարձնել անդեմ, զուրկ հայի դիմագծից, որոնք պետք է չունենային Հայրենիքը պաշտպանելու, Հայոց բանակում ծառայելու եւ որեւէ ազգային զգացողություն: Եվ, իհարկե, ունեին հայ մարդուն Հայոց եկեղեցուց հեռացնելու հեռահար նպատակ: Դրանք ունենալով միեւնույն նպատակը հանդես էին գալիս տարբեր անուններով՝ հայ մարդուն շփոթության մեջ գցելու համար: Դրանք էին եհովաները, Կյանքի խոսքը, մորմոնները եւ այլն: Դրանց կազմակերպիչները, որոնք հանդես էին գալիս տարբեր հասարակական կազմակերպություններում, իրենց չար գործն իրականացնելու համար գումարներ էին ստանում Արեւմուտքից: Դրանք աշխատում էին հիմնականում չքավոր խավի եւ թույլ ուղեղների վրա, գցելով մարդկանց իրենց ցանցը՝ նպատակ ունեին գաղափարապես բաժան-բաժան անել հայ ժողովրդին, ինչի արդյունքը մենք հիմա տեսնում ենք:

Մինչեւ 2018 թվականի մայիսը՝ սրանք ստիպված էին իրենց ավելի չափավոր պահել, բայց 2018-ի մայիսից սկսած՝ սրանց գործունեությունը թափ առավ եւ ավելի ինտենսիվ շարունակեցին իրենց գործը՝ ապահովելով իրենց շարքերը գլխաքանակով: Մենք բոլորս ենք տեսել, թե ինչպես հիմար ժպիտները դեմքներին, զգուշորեն մոտենում են հերթական զոհին, որպեսզի գցեն իրենց ցանցը: Սրանց բոլորի գործունեությունն ուղված է միեւնույն նպատակի՝ հայ ժողովրդին բաժան-բաժան անել, քանդել Հայոց պետականության հիմքերը, եւ այս ամենը դեմոկրատիայի եւ մարդու իրավունքների անվան տակ:

Ես ցանկանում եմ դիմել իմ հայրենակիցներին՝ այլեւս չընկնե՛լ այդ հրեշավոր ցանցի մեջ եւ մասնակից չդառնալ այդ ազգադավ գործընթացներին, հատկապես խնդում եմ մեր արցախցիներին, որոնք այսօր դժվար վիճակում են՝ չընկնե՛լ այդ ցանցը եւ չնպատաստե՛լ այսօրվա մահաբեր իշխանության գործունեության շարունակությանը:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝