«Էնդեմիկցիների տաք գույներն ու մանկական պարզության դրսևորումը»

Հայաստանի նկարիչների միությունում Կայացավ «Էնդեմիկ» արվեստի կենտրոնի տարվա ամփոփիչ ցուցահանդեսը, որտեղ ներկայացված են կենտրոնի 4-ից մինչև 20 տարեկան 43 սաների սիրողական և պրոֆեսիոնալ նկարների և խեցեգործության ցուցահանդեսը։ Ցուցասրահում ներկայացված են 51 նկար և 50-ից 60 խեցեգործության աշխատանքներ։

«Էնդեմիկը» հիմնադրել է նկարչուհի Սուսաննա Գալստյանը 2016 թվականին՝ Արտաշատում։

— Ցանկացանք մարզի և քաղաքի երեխաներին կապել միմյանց, դրա համար էլ արվեստի կենտրոն ունեցանք և՛ Արտաշատում և Երևանում՝ ՀԱԹ թաղամասում,— ասաց նկարչուհին։

Արվեստի կենտրոնում դասավանդվում է նկարչություն, խեցեգործություն և կիթառի դասընթացներ։

Կենտրոնի փոքրիկ  սաները նկարում են այն՝ ինչն այդ պահին մտածում են, անկաշկանդ մթնոլորտը «ստիպում» է էնդեմիկցի փոքրիկներին, ինչպես նաև դեռահաս սաներին ստեղծագործել ջերմեռանդությամբ և մեծ աշխատասիրությամբ։

— Մեծ որախությամբ են ասում, որ «էնդեմիկցի» են, դե էնդեմիկը յուրատեսակ է, նմանը չունեցող, իմ սաներն էլ հենց այդպիսինն են, 5-ից մինչև 7 տարեկան երեխաները ստեղծագործելու խնդիր չունեն, իրենց միտքն ավելի ակտիվ է քան տեխնիկան, դա իրենց հնարավորություն է տալիս անկաշկանդ ստեղծագործելու,— նշեց նկարչուհի, «Էնդեմիկ» արվեստի կենտրոնի հիմնադիր Սուսաննա Գալստյանը։ Կենտրոնում տարիքային սահմանափակում չկա,— եղել է դեպք, որ 40-անց սան եմ ունեցել,-նշում է նկարչուհին, ավելացնելով, որ այս շրջանում  իր սաների շարքը երկու արցախցի փոքրիկներ են համալրել, որոնցից մեկը ցուցահանդեսին ներկայացրել է Արցախի թեմատիկայով  երկու նկար,— Բոլոր սաները առաջին հերթին մտերիմ ընկերներ են, հաճախ օգնում են միմյանց, փոքր տարիքի երեխաները ամենաանկեղծն են ու շատ ջերմ նկարչական ձեռագիր ունեն,— հավելեց նկարչուհին։

Անժելա Սեդրակյան

photoupload

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝