Իմ կյանքի հույս. Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ԻՄ ԿՅԱՆՔԻ ՀՈՒՅՍ, ՀԻՍՈ՜ՒՍ...

Ամբողջ կյանքում պատրաստ եմ ես ստվերում մնալ...

Խաչս վերցրած դեպի Քեզ, Տէր իմ, գալ...

Միայն թե Քո Լույսին արժանանալ,

Իմ Տէ՜ր...

Անգիտակից, դատարկ կյանքում

Ինչ-որ բաներ էի երազում,

Ունայնության մութ խավարում

Լույս որոնում…

Ինչպես սառցի վրա միշտ սայթաքում...

Բացի ինձնից մեղավորներ փնտրում...

Բայց գոնե լավ է ուժ գտնում

Ոտքի կանգնում…

Եւ վարագույրը ինձ բացվեց`

Մի նոր աշխարհ ինձ պարգեւեց`

Լույսի աշխարհ, սիրո աշխարհ

Ինձ ողողեց…

Եւ խաղաղված, խոնարհ հոգով`

Ողորմությունդ հայցելով,

Տաճարներում ծնկի գալով,

Աղոթելով ·

«Հիսուս Քրիստո՜ս,

Դու ինձ ների՜ր,

Մեղքերի ծանր բեռից արձակի՜ր,

Արժանացրու կյանքիս վերջին պահին

Քեզ շշնջալ · «Իմ Տէ՜ր…» ...

«Տէր իմ, Քրիստոս,

Դու իմ Փարոս,

Դու Միակ Լույս`

Հիսո՜ւս…»

Չկա խավար...

Կա միայն Լույս...

«Իմ կյանքի Հույս,

Հիսո՜ւս…»

«Հիսո՜ւս Քրիստոս,

Դու ինձ ների՜ր,

Մեղքերի ծանր բեռից արձակի~ր,

Արժանացրու կյանքիս վերջին պահին

Քեզ շշնջալ · «Իմ Հո՜ւյս…»...

ԱԼԼԱ ՀԱԿՈԲՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝