Հայաստանում տեղի ունեցավ աննախադեպ «թատրոն», որի նմանն աշխարհի որեւէ երկրում որեւէ ժողովուրդ չէր տեսել. Գայանե Ներսիսյան

«Իրավունքի» հետ զրույցում ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ անդրադարձել է հեռուստաեթերով Նիկոլ Փաշինյանի ութուկես ժամ տեւած հարցուպատասխանին:

- Մի քանի օր առաջ Հայաստանում տեղի ունեցավ աննախադեպ «թատրոն», որի նմանն աշխարհի որեւէ երկրում որեւէ ժողովուրդ չէր տեսել: Վարչապետի աթոռին սոսնձվածը որոշեց գերազանցել աշխարհի բոլոր ղեկավարներին՝ ցույց տալով իր «զարմանահրաշ բառապաշարը» եւ «մտքերի փայլատակումները»: Ութուկես ժամ հնչեցված բառերի կույտը եւ նախադասությունները ոչ ոք չհասկացավ: Իսկ հարց տվողները նախապես կազմակերպված եւ թելադրված նախադասությունները մեկը մյուսի հետեւից ներկայացնում էին վարչապետ կոչեցյալին: Օրինակ, գյումրեցի մի կնոջ հնչեցրած «ազգային կարեւորություն ունեցող» հարցը վերաբերում էր Գյումրիում թափառող շներին…

Իսկ միգուցե որեւէ մեկի մտքով կանցնե՞ր հարցնել վարչապետի աթոռին սոսնձվածին, թե ո՞ր իրավունքով Բրյուսելում Արցախը հայտարարեց Ադրբեջանի կազմում:

Իսկ որեւէ մեկի մտքով չանցա՞վ հարցնել վարչապետ կոչեցյալին՝ երկու ամիս տված գերիների վերադարձի ժամկետը դեռ չի՞ լրացել:

Իսկ որեւէ մեկի մտքով չանցա՞վ հարցնել, թե ինչպե՞ս 15 հայ երիտասարդ մոխիր դարձան:

Իսկ որեւէ մեկի մտքով չանցավ հարցնել, թե ինչպե՞ս ադրբեջանցիները մտան սուվերեն Հայաստանի տարածքը:

Իսկ որեւէ մեկի մտքով չանցա՞վ, թե ինչպես մտածված հանձնեցին Արցախը:

Ժողովո՛ւրդ, իսկ միգուցե դո՞ւ կտաս այս հարցերը վարչապետի աթոռին սոսնձվածին:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝