Ալեքսին՝ Ալեքսանդր Թամանյանին` Շուրիկին՝ մահապարտների գաղտնի X ջոկատի հրամանատարին. Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ԱԼԵՔՍԻՆ՝ ԱԼԵՔՍԱՆԴՐ ԹԱՄԱՆՅԱՆԻՆ`ՇՈՒՐԻԿԻՆ՝ ՄԱՀԱՊԱՐՏՆԵՐԻ ԳԱՂՏՆԻ X ՋՈԿԱՏԻ ՀՐԱՄԱՆԱՏԱՐԻՆ...

Զգացմունքներս խեղդելով` քո պատկերն եմ ես տեսնում...

Ջինջ հայացքիդ նայելով՝ Վանա ծովն մտաբերում...

Եւ ժպիտդ կենսուրախ, եւ ժպիտդ հուսադրող

Ինձ հուշում է. «Կպարենք Վանա ծովի ափերին»….

Կապույտ երազանք` երազ դարձար...

Կապույտ երկնքին դու միացար...

Ազատ Հայաստանի երկնքում,

Արծիվ, միայնակ ես սավառնում...

Եւ նայելով վերեւից դժգոհում ես ակամա…

Ի վերուստ հրաման տալիս եւ սպասում ես կատարման.

«Տղերք, հողերը ետ բերեք եւ մի մեծ շուրջ-պար կազմեք,

Արարատի լանջերին իմ տեղն էլ մի լա՜վ պարեք»:

Շուրջ-պա՜ր` Արարատի լանջերին...

Շուրջ-պա՜ր` Նեմրութի վեհ գագաթին...

Շուրջ-պա՜ր` Արածանու ափերին...

Շուրջ-պա՜ր` Մշո դաշտի կանաչին….

Եւ դարերի խորքերից հոգիները սավառնող

Սլանում-հասնում են մեզ` շուրջ-պարի են բռնվում...

Եվ թնդում է յուրովի մեր շուրջ-պարը հայերի`

Մեծ ու փոքր խառնվել` շուրջ-պարի են բռնվել….

Շուրջ-պա՜ր` Հայաստանն է ողջ թնդում….

Շուրջ-պա՜ր` հաղթանակն ենք մեր տոնում….

Շուրջ-պա՜ր`պապերի հետ միասին`

Շուրջ-պա՜ր` պապերի շիրիմներին….

Եւ «Բերդ-պար»-ը, յուրովի, մեր Հայաստան աշխարհի`

Պապը թոռան շալակին` արցունքները աչքերին….

Պապերի արցունքներով եւ թոռների քրտինքով

Հողն հայոց հղիացած` նոր սերունդներ կծնի….

Հայոց դյուցազուն նոր հերոսներ...

Հայոց արժանի նոր զավակներ...

Երազ` իրականություն դարձած...

Կապույտ աչքերդ բավարարված….

Շուրջ-պա՜ր` դարերով միշտ կպարենք...

Շուրջ-պա՜ր` զուռնա-դհոլ կթնդացնենք...

Հայի տխուր, թախծոտ աչքերում

Նորից արեգակն է շողշողում….

Շուրջ-պա՜ր` Հայաստանն է ողջ պարում….

Շուրջ-պա՜ր` ձեր փափագն ենք կատարում….

Շուրջ-պա՜ր`արծիվներն են մեզ նայում  

Շուրջ-պա՜ր` ծովից-ծով Հայաստանում:

ԱԼԼԱ ՀԱԿՈԲՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝