Ինչպես ընտրել շրջապատ

Շրջապատ ընտրելու մի ռազմավարություն, որն սկզբունքորեն սխալ է` դա դուք չպետք է անեք փողի միջոցով:

Ըստ հոգեբանների՝ դա և հարուստների ու հաջողակների հետ ընկերություն անելու տխրահռչակ փորձն է, և մարդուն հարստությամբ գնահատելու եղանակը։ Բայց կա կարևոր մի հանգամամք. մարդու ֆինանսական հարստությունը խոսում է միայն մեկ բանի մասին՝ ֆինանսական հարստության: Այն չի խոսում նրա արժեքների, բնավորության, նույնիսկ՝ վճռականության, աշխատասիրության ու հնարամտության մասին, ինչպես շատերն են կարծում։ Որովհետև երբեք հաստատ չեք իմանա՝ արդյոք մարդն ազնվորեն է վաստակել իր կարողությունը, ինքն է դա արել, ինչպես է արել։

Հարց է ծագում՝ իսկ ինչպե՞ս ընտրել ճիշտ ընկերական շրջապատ։ Ըստ հոգեբանների՝ դա պետք է արվի՝ ելնելով արժեքներից։ Եվ ահա թե ինչու․ երբ ընտրեք նման արժեքներով միջավայր, ձեզ հարմարավետ կզգաք։ Խոսելու բան կունենաք, ավելի հեշտ կլինի պահպանել շփումը, նույնիսկ զարգանալ այս մարդկանց կողքին։ Իհարկե, ոչ բոլորի հետ կարելի է ընկերանալ միայն այս հիմքի վրա: Բայց եթե համանման արժեքներով գտնեք ընկերներ, ամուսին, գործընկերներ, այդ մարդիկ ձեզ շատ ավելի լավ կհասկանան ձեզ: Դուք էլ՝ նրանց: Օրինակ՝ դուք հավատարիմ եք ընտանեկան արժեքներին։ Այդ դեպքում, ի՞նչպես վարվեք ձեր այն միայնակ ընկերներուհիների հետ, ովքեր սիրում են երեկույթներ կազմակերպել և քննարկել իրենց սիրեկանների հետ ունեցած հարաբորությունները: Ձեզ համար կարևոր է մասնագիտորեն զարգանալը, հմտությունները կատարելագործելը և ձեր ոլորտում լավագույնը դառնալը: Այդ դեպքում ձեզ հարկավո՞ր է ընկեր, ով 20 տարի նստած է նույն տեղում և աշխատում է մի վայրում, որն անգամ իրեն դուր չի գալիս։

Վերլուծեք ձեր շրջապատը: Ինչպե՞ս են ձեր և նրանց արժեքները համընկնում: Մտածեք այն մասին, թե որտե՞ղ կարող եք հանդիպել նմանատիպ արժեքներ ունեցող մարդկանց: Մասնագիտական դասընթացներում, ընկերների շրջանում, հետաքրքրությունների խմբերում։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝