ԶԱՐՄԱՆՔ

­Վա՛յ, սա­քունց ըլ­նեմ` պարզ­վում է, որ «Պա­տիվ ու­նեմ» խմբակ­ցութ­յան ղե­կա­վար Հայկ Մա­մի­ջան­յա­նին հար­ցաքն­նութ­յան էին կան­չել, քա­նի որ նրա վրա «գործ էր տվել» ԱՐԹՈՒՐ ՍԱՔՈՒՆՑԸ: «Չ­գի­տեի, որ ինքն իմ «ար­վես­տի» մեծ ֆա­նատն է, թող շա­րու­նա­կի նա­յել, լսել իմ ա­սած­նե­րը, կա­րող է մի օ­գուտ տա ի­րեն։ Հայ­րե­նա­սի­րութ­յուն բա­ռը, հա­վա­նա­բար, Սա­քուն­ցը չի սի­րում, ա­մեն ան­գամ նյար­դա­յին բա­ներ է ու­նե­նում այդ բա­ռը լսե­լուց»,–­ ա­սաց Մա­մի­ջան­յա­նը։ Նա նաև նշեց, որ ե­թե Նի­կոլ Փա­շին­յա­նը ո­րո­շել է ի­րենց փոր­ձել վա­խեց­նել քրեա­կան գոր­ծե­րով կամ ո­րոշ ըն­կեր­նե­րի պա­րա­գա­յում ա­զա­տութ­յու­նից զրկե­լով, ա­պա «ինքն իր ար­շի­նով է մեզ չա­փում»։ «Այս­տեղ դրա­նից վա­խե­ցող չկա»,–­ ա­սաց ընդ­դի­մա­դիր գոր­ծի­չը։ Հի­շեց­նենք, որ Հայկ Մա­մի­ջան­յա­նին կան­չել էին քննչա­կան կո­մի­տե հար­ցաքն­նութ­յան՝ ՀՀ քրեա­կան օ­րենսգր­քի 330–րդ հոդ­վա­ծի (Բռ­նութ­յուն գոր­ծադ­րե­լու հրա­պա­րա­կա­յին կո­չե­րը, բռնութ­յու­նը հրա­պա­րա­կայ­նո­րեն ար­դա­րաց­նե­լը կամ քա­րո­զե­լը, ինչ­պես նաև այդ նպա­տա­կով նյու­թեր կամ ա­ռար­կա­ներ տա­րա­ծե­լը) 1–ին մա­սի հատ­կա­նիշ­նե­րով նա­խա­ձեռն­ված քրեա­կան վա­րույ­թի շրջա­նա­կում: Վա­րույ­թի նա­խա­ձեռն­ման հիմ­քում դրվել է այս տար­վա սեպ­տեմ­բե­րի 12–ին Ազ­գա­յին ժո­ղո­վում Մա­մի­ջան­յա­նի տված ճե­պազ­րույ­ցի և­ ե­լույ­թի ժա­մա­նակ ար­տա­հայ­տած խոս­քե­րը։ Կարճ ա­սած, լրիվ սա­քունց վա­րույթ է:

ԱԳ նա­խա­րա­րի տե­ղա­կալ Մ­ՆԱ­ՑԱ­ԿԱՆ ՍԱ­ՖԱՐ­ՅԱ­ՆԻ խոս­քով բա­նակ­ցութ­յուն­նե­րում ադր­բե­ջան­ցի­նե­րի Հա­յաս­տան վե­րա­դար­ձի հարց չկա: «Մենք բազ­միցս նշել ենք, որ այս խնդի­րը Ադր­բե­ջա­նի կող­մից ոչ կա­ռու­ցո­ղա­կան մո­տե­ցում­նե­րի շար­քին է վե­րա­բե­րում»,–հայ­տա­րա­րեց փոխ­նա­խա­րա­րը։ Ի­յա՜, ի­րո՞ք... զար­մա­նա­լի է, ախր նրա տի­րոջ տեր Ա­լի­ևն ա­սում է, որ կա, նրա տեր կա­պի­տուլ­յանտ Նի­կո­լից էլ հստակ ժխտում լսող չի ե­ղել: Իսկ ՀԱՊԿ­–ի հար­ցում կրկին «Շ­րե­դին­գե­րի կատ­վի» վի­ճակ է` միա­ժա­մա­նակ հա՛մ կանք, հա՛մ չկանք: «Աշ­խա­տան­քա­յին հա­րա­բե­րութ­յուն­ներ են, բնա­կա­նա­բար կան տա­րա­ձայ­նութ­յուն­ներ ինչ­-որ հար­ցե­րի շուրջ, շա­րու­նա­կում ենք աշ­խա­տանք­նե­րը՝ դրանց անդ­րա­դառ­նա­լու, ար­ձա­գան­քե­լու ուղ­ղութ­յամբ»,– խորհր­դա­րա­նում լրագ­րող­նե­րի հետ զրույ­ցում հայ­տա­րա­րեց Մ­նա­ցա­կան Սա­ֆար­յա­նը՝ ար­ձա­գան­քե­լով ՌԴ Պետ­դու­մա­յի պատ­գա­մա­վոր Կոնս­տան­տին Զա­տու­լի­նի հայ­տա­րա­րութ­յա­նը, թե հնա­րա­վոր է Հա­յաս­տա­նից դուրս հան­վի ռու­սա­կան 102–րդ ռազ­մա­բա­զան, և ՀՀ–ն դուրս գա ՀԱՊԿ­–ից: Լավ, ձեր բե­րան­նե­րում ընդ­հան­րա­պես դուզ խոսք կա՞...

Իսկ տխրահռ­չակ ԳՌԶՈՆ զար­մա­նա­լիո­րեն ա­մե­նու­րեք է ներ­կա: Ինչ­պես գրում է ա­վա­գա­նու ան­դամ Սո­նա Ա­ղեկ­յա­նը. «2018 թվա­կա­նի գար­նա­նը Նի­կոլ Փա­շին­յա­նը հայ­տա­րա­րում էր, որ յու­րա­յին օ­լի­գարխ­ներ չեն լի­նե­լու, ա­սում էր՝ խնա­մի–­ծա­նոթ–­բա­րե­կամ այլևս չի լի­նե­լու պե­տա­կան հա­մա­կար­գում, նրանք որ­ևէ ար­տո­նութ­յուն չեն ու­նե­նա­լու, բայց կյան­քը ցույց տվեց, որ ՔՊԿ­–ա­կան իշ­խա­նութ­յան բո­լոր յու­րա­յին օ­լի­գարխ­նե­րը կա՛մ ՀՀ ԱԺ­–ում պատ­գա­մա­վոր են աշ­խա­տում, կա՛մ ա­ռա­ջա­նում են նոր օ­լի­գարխ­ներ: Հի­մա ՔՊԿ­–ին կից մար­դիկ են մի­լիո­նա­տեր դառ­նում, կամ էլ հին օ­լի­գարխ­նե­րից ո­մանք դար­ձել են օր­վա իշ­խա­նութ­յուն­նե­րի սրտի օ­լի­գարխ­նե­րը: ...Ու­զում եմ տե­ղե­կաց­նել, որ Եր­ևա­նի ա­վա­գա­նու նիս­տե­րի դահ­լի­ճում սե­ղան­նե­րին ՔՊԿ­–ա­կան օ­լի­գարխ–­պատ­գա­մա­վոր, հան­րութ­յա­նը Գռ­զո մա­կա­նու­նով հայտ­նի Խա­չա­տուր Սու­քիաս­յա­նին պատ­կա­նող Սիլ ֆիր­մա­յի ջրերն են դրված: Հարց է ա­ռա­ջա­նում, թե ինչ­պե՞ս է ստաց­վել, որ ջուր մա­տա­կա­րա­րող տար­բեր կազ­մա­կեր­պութ­յուն­նե­րից հենց Սիլ-ն է ընտր­վել: Ե­ղե՞լ է արդ­յոք մրցույթ, ի՞նչ չա­փա­նիշ­նե­րով է Սիլ­-ը հաղ­թել, ե­թե, ի­հար­կե, մրցույթ է ե­ղել»: Բա հո ոչ յու­րա­յին Բջ­նի կամ Նոյ չէին դնի:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝