Պետք են ավարտական դատավճիռներ. եվրոպական կառույցները փորձում են փրկել Նիկոլի դեմքը

«Իրավունքի» հետ զրույցում «Անվտանգություն եւ ժողովրդավարություն» իրավապաշտպան կազմակերպության նախագահ ՆԱԻՐԱ ԶՈՀՐԱԲՅԱՆՆ ուշագրավ փակագծեր է բացել, թե ինչ է իրականում այս օրերին տեղի ունենում դատական համակարգում:

— Իմ տեղեկություններով` եվրոպական կառույցները քննարկումների ժամանակ Նիկոլ Փաշինյանին ուղիղ ասել են, որ շատ եք ձգձգում դատական նիստերի քննությունը, ինչն արդեն խնդրահարույց է դառնում իրենց համար: Նաեւ գիտեմ, որ Վենետիկի հանձնաժողովն է փակ քննարկումների ժամանակ նման խնդիր բարձրացրել: Ասում են` կա՛մ գործերը կարճեք, կա՛մ արագացրեք, մեղադրական վճիռներ հրապարակեք, որպեսզի կարողանանք միջազգային ատյաններում ձեր դեմքը փրկենք: Սա ձեզ ասում է մարդ, ով վերջերս է վերադարձել եվրոպական կառույցներից: Այդ տեղեկատվությունն ինձ փոխանցեցին եւ ասացին` այո՛, իրենց  մտահոգում է ամիսներով ձգձգվող դատական գործերը, եւ իրենց պետք են կայացված դատավճիռներ, որպեսզի կարողանան ասել, թե Նիկոլ Փաշինյանը հասարակությանը տվել է ամբողջական դատավճիռներ: Եվ նախորդ շաբաթ կառավարության նիստի ժամանակ Նիկոլ Փաշինյանի արված հայտարարությունը դատական գործերի վերաբերյալ` ուղերձ էր դատական համակարգին, թե` արագացրե՛ք, ինձ տվեք ավարտական դատական վճիռներ:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝