«Աշունն ու բնությունը կտավներում»

«Փյունիկ» ցուցասրահում կայացավ նկարիչ՝ Վահե Բաղումյանի (Վաբաղ) «Աշնանային խոհեր» խորագիրը կրող նկարների անհատական ցուցահանդեսը։
Վահե Բաղումյանը ծնվել է Աբովյան քաղաքում, մասնագիտական կրթությունը ստացել է Աբովյանի գեղարվեստի դպրոցում, ապա՝ Փանոս Թերլեմեզյանի անվան գեղարվեստի քոլեջում, հետո՝ Երևանի Գեղարվեստի ակադեմիայի գրաֆիկայի բաժնում, այժմ դասավանդում է Նոր Գեղիի և Ավետ Տերտերյանի անվան արվեստի դպրոցներում։ 
Նկարչության մեջ ունի երկու ուղղություն՝ գրաֆիկ-նկարչություն և գեղանկարչություն։ Ցուցահանդեսներ է ունեցել Հայաստանի նկարիչների միությունում, երկրից դուրս՝ ԱՄՆ-ում, Ֆրանսիայում և Ռուսաստանում։ Նկարիչն ունի 2000-ից ավելի կտավ, ցուցասրահում ներկայացված են 50 աշխատանքներ՝ բնության թեմատիկայով, կտավներում գերիշխում է հիմնականում դեղին, կանաչ և կարմիր գույները, որը ամբողջացնում է հայրենի բնաշխարհը՝ ներկայացված իր ողջ գունապնակով։ 
Նկարներից ամենաշատն առանձնացնում է «Հայաստան» վերնագրով նկարը.
— Նկարը նկարեցի վերջերս Արցախում տեղի ունեցող իրադարձություններից հետո, այն ավարտեցի մի քանի ժամում, նկարում երեք նուռ է պատկերված, դրանցից ամեն մեկը իր նշանակությունն ունի, երկու ամբողջական նռները իրար կողքի՝ Հայաստան աշխարհն ու Սփյուռքն են, մեջտեղում՝ կիսված նուռը Արցախ աշխարհն է, որը ցավոք սրտի հայաթափվեց, վերևի ձախ անկյունի կանաչ ճյուղը խորհրդանշում է կյանքի շարունակական վերածնունդը, կապույտը՝ խաղաղությունը, ես հավատում եմ դրական տեղաշարժին, ռևանշ լինելու է,— նշեց նկարիչը։ 
Նա նշեց, որ իր ստեղծագործելու ոգեշնչման շարժառիթը բնությունն է, առաջին քննադատը՝ մայրը, սերը բնության, արվեստի, երաժշտության հանդեպ։ 
Վահե Բաղումյանը մասնակցել է 2016 թվականի Քառօրյա պատերազմին, նույն ժամանակահատվածում չի դադարել ստեղծագործելը, նկարներից մեկը, որը պատկերում է Տատիկին՝ ադեին, որի շուրջը գրաված Շուշիի մատույցներում զենքերով պարող հայ զինվորներ են այժմ գտնվում է Շուշիի արվեստի թանգարանում, մեկը՝ Պաշտպանության նախարարության շենքում, պատկերում է հայերի գաղթի ճանապարհը՝ տատիկի պատկերման միջոցով, ով փրկում է ցեղասպանությունից մազապուրծ եղած փոքրիկին։ 
Ապագա բոլոր նկարիչներին Վահե Բաղումյանը խորհուրդ է տալիս սիրել Հայոց աշխարհը՝ Հայաստանը, բնությունը, չմոռանալով միշտ ունենալ մարդկային բարձր արժեքներ՝ ձևավորելով անհատի բարձր արժեհամակարգ։ 
Վահե Բաղումյանի նկարիչ դառնալու մեծ ավանդը ունեցել է իր վարպետը՝ ժողովրդական նկարիչ Հրանտ Թադևոսյանը (Թաթոս)։ 
— Երախտապարտ եմ վարպետիս որպես նկարիչ կայանլուս գործում, նա սովորեցրել է ինձ սիրել հայոց աշխարհը, ունենալ մարդկային բարձր արժեքներ, հավատալ Աստծուն, հոգևոր հավատքը ամենակարևոր գործոնն է յուրաքանչյուր գործում, եթե հավատում ես ուրեմն կարող ես ամենաանհավանականն հնարավոր դարձնել։ 
Ցուցահանդեսը կգործի մինչև նոյեմբերի 25-ը։

Անժելա Սեդրակյան

screenshot program windows

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝