Խաչմերուկներում սովորաբար կանգնում են անբարո կանայք. Եսայան

«Իրավունք TV»-ի տաղավարում անդրադառնալով Նիկոլ Փաշինյանի առաջ քաշած «խաղաղության խաչմերուկ» կոնցեպտին` ՀՀԿ Գործադիր մարմնի անդամ ՄԱՐԳԱՐԻՏ ԵՍԱՅԱՆԸ նշեց, որ դրա հետ կապված շատ տխուր մտորումներ ունի:

— Անկեղծ ասած, ամբողջ աշխարհում` ե՛ւ եվրոպական, ե՛ւ ամերիկյան երկրներում, ե՛ւ նաեւ Հայաստանում խաչմերուկներում սովորաբար կանգնում են անբարո կանայք, անբարո «գունավորները»: Առնվազն զարմանալի է ու զայրացնող, որ Հայաստանի այսօրվա իշխանությունը փորձում է մեր երկիրը դարձնել խաչմերուկ: Սա լինելու է մեր պետության ոչնչացման վերջին կետը: Դրանց հաստագլուխ ուղեղներին այդպես էլ հասու չեղավ, որ Հայաստանը եւ Արցախը հանրապետություններ են, պետականություն են, եւ չի կարող որեւէ պետություն լինել խաչմերուկ: Պետությունը պետք է լինի տեր ու տիրական իր հողին, իր սահմաններին, հարեւանների հետ հարաբերություններում, այլ ոչ թե լինի խաչմերուկ: Այս իշխանությունն իր անբարո բարքերով ու հակահայ քայլերով զավթելով իշխանությունը Հայաստանում` այսօր տանում է կործանման մի ամբողջ կայացած պետություն, որը 30 տարի շարունակ բոլոր իշխանությունների ժամանակ տաժանակիր եւ դժվարին փորձություններով անցնելով, լինելով շրջապատված այս հարեւաններով` շատ կարեւոր տարածաշրջանում մնացել է կանգնուն եւ արժանապատիվ: Ու այսօր մի ամբողջ պետություն սրանք սարքում են խաչմերո՞ւկ: «Խաչմերուկ» բառի մեջ նաեւ «խաչ» բառը կա, եւ ես հույս ունեմ, որ Աստծո եւ խաչի զորությամբ մենք կկարողանանք այս սատանայական իշխանությանը դուրս մղել մեր երկրից: Եվ սա ընդգծված հավատացյալի էմոցիոնալ ու ռոմանտիկ խոսք մի դիտեք, երբեք չեմ եղել ընդգծված հավատացյալ, բայց ես անընդհատ մտածում եմ այն մասին, որ երբ ժողովուրդը դարեր առաջ Քրիստոսին խաչել եւ Բարաբային ազատել է, լուրջ իմաստ ունի: Այսօր մենք այդ նույն երկմտության առաջ ենք եւ մեր ժողովուրդն ինքը պետք է որոշի` Քրիստոսին ազատել, թե խաչել կրկին:

ՀՐԱՆՏ ՍԱՐԱՖՅԱՆ

Հ.Գ.–Հարցազրույցն ամբողջությամբ դիտե՛ք տեսանյութում.

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝