Դիմում եմ ԱԱԾ-ին կան բարձրաստիճան պաշտոնյաններ, ովքեր ուզում են փախնեն. (ԱՆՈՆՍ)

«Ես կուզենայի, որ հասարակությունը մի բան հասկանար, որ Արցախի հայաթափումը ծրագրավորված էր: Այ՛ո, այդ պրոցեսը սկսվել էր դեռ օգոստոսին»,-«Իրավունք TV»-ի եթերում անդրադառնալով հանրությանը սեպտեմբերի 19-ից մինչ օրս  այդպես հանելուկ մնացած հարցին, թե ինչպես իր հողին կառչած արցախցին, 10 ամիս շրջափակմանը դիմանալով ընդամենը մեկ օրում բռնի տեղահանվեց, ասաց արցախյան հասրակական գործիչ, իրավաբան ԳԵՒՈՐԳ  ԱՌՈՒՍՏԱՄՅԱՆԸ, մանրամասնելով.

 -Մենք թիմով նստած մտածում էինք, որ այս ամենը իզուր չի կատարվում, տեղի է ունենում հանձման պրոցես: Մենք նույնիսկ երկու տարբերակ էինք քննարկում, որ կամ ադրբեջանական անձնագրեր կտան կամ Արցախը հանձնվելու է եւ մենք պետք է ստիված լքենք այն: Եվ երկորդ տարբերակը  ավելի հավանական էր ճանաչելով իմ ազգին, իմ արմատներին, ես գիտեի, որ արցախցին չի կարող այլ երկրի կազմում ապրել: Իսկ Եվլախ գնալ-գալը դրանք լրիվ ձեւական բնույթ էին կրում: Ինչպե՞ս կարող ենք  25 տարվա սխալների մեջ բեկումներ մտցնել, դա ուղղակի աբսուրդ է դրան հավատալը:

-Պարոն Առուստամյան, հիմա Արցախը լուծարվա՞ծ է, թե՞ ոչ, որովհետեւ ինքը Շահրամանյանը եւս իրար հակասող հայտարարություններ է անում:

-Գիտեք, ես ամենամեծ ցավն եմ ապրում այս հարցից, բայց եկեք ռեալ նայենք, նախ Արցախը մեկ որոշմամբ չի լուծարվում, բայց եթե Ադրբեջանի զորքը լրիվությամբ գտնվում է Արցախում, որտեղ մի շնչավոր հայ չկա, էլ չեմ խոսում զինվորի մասին, բա ի՞նչ անուն դնենք էս երեւույթին:

-Լավ, ինչպե՞ս ստացվեց, որ ընդամենը երկու օրվա մեջ Արայիկ Հարությունյանը հրաժարական տվեց, պատճառաբանելով, որ չի վայելու արցախցիների վստահությունը եւ ճնշումների ներքո էստաֆետը հանձնում է Շահրամանյանին: Ո՞վ ստիպեց Արայիկ Հարությունյանին հրաժարական տալ:

-Լավ հարց էր, ով ստիպեց. Արայիկին եւ  մնացած քաղաքական պաշտոնյանները ստիպելով չեն այս պաշտոնից մյուսը գնացել, նրանց կոնկրետ հրահանգն են տալիս արտաքին ուժերը, մնացածը, թե ճնշումներիներքո, հանրության վստահություն եւ այլն, չկա նման բան: Կոնկրետ այդ օրը, այդ օրերին որեւէ մեկը նրանից հրաժարական չէր պահանջում,  այնպես որ Արայիկ Հարությունյանի հրաժարականը եւ նրան փոխարինողի անունը հրահանգված էր շատ հզոր արտաքին ուժերից կողմերից, որոնց մասին անվտանգային խնդիրներից ելնելով չեմ բարձրաձայնի:

Հ.Գ. Արցախցիների ներկա ապրումների, բենզինի պահեստի առեղծվախային պայթյունի եւ արցախցիների` աապագային միտված տեսլականի մասին եւ ոչ միայն ամբողջական զրույցը դիտեք «Իրավունք TV»-ի եթերում քիչ անց:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝