Հա՛յ ժողովուրդ, քո լավագույն զավակներին պահում են բանտերում, բա՛վ է հանդուրժես. ՀՀ վաստակավոր արտիստ

ՀՀ հակակոռուպցիոն դատարանում շարունակվում է քննվել ՀՀԿ փոխնախագահ Արմեն Աշոտյանի դեմ առաջադրված մեղադրանքը: «Իրավունքի» հետ զրույցում վերջին դատական նիստին անդրադարձել է ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆԸ:

— Երբեւէ չէինք պատկերացնի, որ 1937 թվականի ռեպրեսիաները ետ կվերադառնան, երբ ազգի լավագույն զավակները հանիրավի ձեւով ձերբակալվում էին, որպեսզի ժողովուրդը գլխատվեր եւ կործանվեր: Oրերս տեղի ունեցավ մեր ժողովրդի լավագույն զավակներից մեկի՝ Արմեն Աշոտյանի «շոու»-դատավարությունը: Ինչպես միշտ, Արմեն Աշոտյանը կանգնած էր առնական, հպարտ եւ ազատ կեցվածքով եւ, իհարկե, լսողներին հիացնում էր իր բացառիկ ինտելեկտուալ տրամաբանությամբ: Ցավալիորեն, հայ ժողովրդի վառ անհատականությամբ օժտված Արմեն Աշոտյանին շարունակեցին պահել անազատության մեջ, քանի որ այդպես է հրահանգված չարի իշխանության գլխավոր հայակեր վարչապետ կոչվածի կողմից: Հա՛յ ժողովուրդ, այսքան զարհուրելի իրադարձություններից հետո՝  հիմա էլ քանի-քանի քո լավագույն հերոս զավակներին են պահում Հայաստանի բանտերում: Ամո՛թ, բոլոր ստոր արարածներին, իսկ դու՝ հա՛յ ժողովուրդ, բա՛վ է հանդուրժես այս ստորությունները՝ հիմա էլ «խաղաղության խաչմերուկներ»-ում: Ոտքի՛ կանգնիր:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝