Ընենց մենք մեզ դարձանք հոգեկան հիվանդ ու ինչ կար տարանք տվեցինք իրենց հա՞. ԱՀ պատգամավորի պատասխանը Սամվել Բաբայանի հնչեցրած մեղադրանքներին
Հանդիպում
Լաչինի ադրբեջանական անցակետն անխոչընդոտ հատած Բաբայանը Երևան հասնելուն պես իրավապահներին հորդորել է քրեական գործ բացել Արցախի իշխանությունների դեմ՝ այդ թվում Շահրամանյանին ընտրած 22 ատգամավորների դեմ, «Լեռնային Ղարաբաղը հանձնելու համար»։
Այսօր արդեն հայտնի դարձավ, որ Բաբայանի հաղորդման հիման վրա քրեական վարույթ է հարուցվել: Ճիշտ է, դեռ մեղադրյալներ չկան, սակայն, հաշվի առնելով, որ 22 պատգամավորներից մեկը, օրինակ ԱՀ անկախ պատգամավոր Կարեն Հովհաննիսյանն է, փորձեցինք պատգամավորից հետաքրքրվել արդյո՞ք մտավախություն չունի, որ կարող է առաջիկայում հայտվել հնարավոր մեղադրյալների ցանկում: Եվ ահա պատգամավորը նկատում է.
-Բացարձակ որեւէ մտավախություն չունեմ, երբեւիցէ չեմ էլ ունեցել: Ճիշտն ասած ես շատ վաղուց եմ ծանոթ այն օրենսդրական կարգավորմանը, որը իրավունք է տալիս իրավապահ համակարգին, այս դեպքում ՀՀ դատախազությանը՝ վարույթ սկսել ռադիոյով, մամուլով, հեռուստատեսությամբ և այլ հարթակներում հնչեցված նախնականորեն հանցագործության հատկանիշներ պարունակող հայտարարության հիման վրա։ Ուղղակի ծանոթ լինելով նաև ՀՀ քրեական դատավարության նորմերին գիտեմ, որ պարոն Բաբայանը ստիպված է լինելու ներկայացնելու փաստական հիմքեր, և եթե կան այդպիսիք, ապա ես միայն ուրախ կլինեմ որ մեղավորները պատժվեն, նաև զրպարտությամբ զբաղվողները։ Իսկ իմ մասով բացարձակ երևէ մտավախություն չունեմ, քանի որ իմ գործողություններով քայլերով ( չհաշված ՃԵԿ մի քանի վարույթները) և առհասարակ առիթ չեն հանդիսացել իմ վրա քրեական գործեր հարուցելու, իսկ թե յուրաքանչյուր պատգամավոր ինչպիսի լիազորություններ ունի, ապա խորհուրդ կտամ «անչափ շատ, ամենա շատ, ծովից ծով մեծության հայրենասերներին» կամ կրկին կարդալ Սահմանադրությունը և հետադարձ հայացք քցեն իրենց հանրային֊քաղաքական և կամ պատգամավորական գործունեության, հետո նոր փորձեն բոլորին և ամեն ինչում մեղադրել։ Նախ անհրաժեշտ է հայելու մեջ նայել, որպեսզի տեսնեն սեփական աչքի գերանը։
Պատգամավորը փաստում է.
-Ի լրումն ասեմ, որ ՀՀ դատախազությանը կողմից հարուցված վարույթը ունի կոնկրետ հոդվածներ և ժամանակը ցույց կտա կա՞ր արդյոք հանցակազմ , թե՞ չկա։ Սրանից դուրս մնացածը քաղաքականության պրիզմայով է անհրաժեշտ նայել այն էլ բազմաստառ և կեղտոտ քաղաքականության պրիզմայով։ Ավելացնելու բան շատ կա , բայց դեռևս ժամանակը չէ, որովհետև հիմա մեր հայրենակիցների բազմաթիվ խնդիրները լուծելու պահն է , ու եթե բոլորը հիմա մեղավոր են, ապա ո՞ւր մնաց Ադրբեջանի ղեկավարության գործողությունները և պահանջները, ընենց մենք մեզ դարձանք հոգեկան հիվանդ ու ինչ կար տարանք տվեցինք իրենց հա՞։
1
25750 դիտում
2
3868 դիտում
3
2323 դիտում
4
2175 դիտում
5
2022 դիտում
1
42103 դիտում
3
8977 դիտում
4
8133 դիտում
5
5104 դիտում
3
18194 դիտում
4
10537 դիտում
5
9925 դիտում
