Ինձնից ազատվելը հեշտ չէր լինի, եթե չլինեին դավաճաններ թատրոնի ներսում. ՄՀԵՐ ՄԿՐՏՉՅԱՆ

«Իրավունքը»  զրուցել է «Մհեր Մկրտչյան» արտիստական թատրոնի նախկին գեղարվեստական ղեկավար, ռեժիսոր ՄՀԵՐ ՄԿՐՏՉՅԱՆԻ հետ:

— Պարոն Մկրտչյան, «Մհեր Մկրտչյան» արտիստական թատրոնի հետ կապված դատական պրոցեսների մեջ եք, կմանրամասնե՞ք։

— Շատ անհամբեր սպասում ենք, երբ կնշանակվի առաջին նիստը:

— Քաղաքապետարանին` հասկանալի է, իսկ «Մհեր Մկրտչյան» արտիստական թատրոնի դեմ ինչո՞ւ եք դատական հայց ներկայացրել։

— Ինձնից ազատվելը հեշտ չէր լինի, եթե չլինեին դավաճաններ թատրոնի ներսում: Ավինյանին շատ օգնել է ներկայիս թատրոնի տնօրենի ԺՊ Մակիչ Մարգարյանը: Կգա ժամանակը, ես անպայման կանդրադառնամ այս թեմային: Իսկ հիմա ուղղակի սպասում ենք նրանց դատարանում:

— Ի՞նչ եք կարծում՝ թատրոնի գեղարվեստական ղեկավարի հաստիքի կրճատման պատճառը Ձեր քաղաքական հայացքնե՞րն էին։

— Դե 2 տարի է` թատրոնը կանգնած էր վերանորոգման, չէր աշխատում: Ի՞նչ կատարվեց, որ որոշեցին լուծարել Մհեր Մկրտչյանի հաստիքը: Ավինյանը վատ երա՞զ տեսավ:

— Ինչպե՞ս կմեկնաբանեք թատրոնի տնօրենի պաշտոնում դերասան Սոս Ջանիբեկյանի թեկնածության մասին լուրերեը։

— Չէի ուզենա, որ Սոսին օգտագործեն կեղտոտ խաղերի մեջ: Սրանք մի օր գնալու են, Սոսը դրա հետ ապրի: Այսքանը...

— Ի՞նչ նոր ծրագրեր ունեք։

— Ապրել այնպես, որ իմ փոքրիկ ներդրումը ունենամ երկիր պահպանելու, երկիր ունենալու մեջ:

ՆՈՒՆԵ ԶԱՔԱՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝