Նիկոլը նախագահ Սարգսյանին դեմոնիզացման գործընթացի դոզան ուժեղացնում է սեփական վախից, ինչպես լոռեցիներն են սիրում ասել՝ «արջն իրա ահից ա գոռում». Արմեն Հովասափյան

Դեռևս ԱԺ քառօրյայից պարզ դարձավ, որ նիկոլի հանձնարարականով Արցախում տեղի ունեցած ողբերգական իրադարձություններից հետո, ողջ պատասխանատվության վեկտորն ուղղորդվեց դեպի Սամվել Շահրամանյանը։ Ինչպես նախապես և պլանավորել էր նիկոլը, այդ ֆոնին սինխրոն կոշտ քննադատության թիրախ դարձավ և իրավիճակի ողջ պատասխանատվությունը, ոչ մի տրամաբանություն ու բանականություն չպարունակող ֆեյք պնդումներով, դարձան ԱԺ ընդդիմադիր խմբակցությունները, Սերժ Սարգսյանը, Բակո Սահակյանն ու Արկադի Ղուկասյանը։

Քառօրյայում որոշակի ֆարս ստանալուց հետո էլ, ՀՀ գլխավոր հակահայը շարունակում է իր պառակտիչ գործիքակազմի կիրառման քաղաքականությունը՝ արդեն սոցցանցային տիրույթում՝ օգտագործելով տեղեկատվա-քարոզչական ողջ հնարավորությունները։ Ավելին, թեմայի «խուրդումը» ստանձնել են իրենցից ոչ մի արժանիք չներկայացնող ու բարոյականությունը կորցրած ծախուների մի ոհմակ, որոնք պատրաստ են պարկել իրենց ցանկացած վճարողի տակը (տվյալ դեպքում անվանական չեմ նշի, որպեսզի ոչ էջս հարամվի, ոչ էլ դուք նյարդայինանաք)։

Ես հասկանում եմ, որ նիկոլը նախագահ Սարգսյանին դեմոնիզացման գործընթացի դոզան ուժեղացնում է սեփական վախից, ինչպես լոռեցիներն են սիրում ասել՝ «արջն իրա ահից ա գոռում»։ Նա հստակ պատկերացնում է, որ իրեն իշխանությունից զրկելու, ապրիկար քաղաքականությունն ու արատները ճակատին շարողը Սարգսյանի թիմակիցներն են, ովքեր փաստերով ստորացնում են փաշինյանական սուտը։ Ի դեպ օրերս Արմեն Աշոտյանի ապօրինի կալանքի երկարացման հերթական դրվագը նույն օպերայից էր, քանի որ, թերևս ոչ մեկի համար գաղտնիք չէ, որ Աշոտյանը նիկոլական փուչիկի պայթեցման առաջամարտիկն է ողջ քաղաքական սեկտորում։

Ահա այս հանգամանքների համադրությունը նիկոլի նման տեսակ ուենցողի համար լուրջ մտավախությունների ու հոգեբանական տրավմաների առիթ են հանդիսանում և հանգեցնում հասարակության շրջանում Սերժ Սարգսյանի, ՀՀԿ-ի ու ընդհանրապես նախկինների մասին պարբերաբար լղոզվող ապատեղեկատվություններն ու հիմարագույն բանասարկությունների արհեստական տիրաժավորումը։

Ի դեպ՝ չի բացառվում, որ առաջիկայում դեմոնիզացման գործընթացի դոզան ավելանա, քանի որ ներկայումս ստեղծված իրավիճակը և մարզերից եկող բավական հետաքրքիր տեղեկությունները խոսում են, որ նիկոլական էպոխան հասնում է իր անտրամաբանական ավարտին։

Իսկ, այսպես կոչված, նախկինները, ուզեն թե չուզեն` վերադառնալու են: Կարելի է ասել` արդեն վերադառնում են, եթե իհարկե ցանկանում են պետություն ու անվտանգություն ունենալ: