Երեխաներին գերեվարում են, գցում՝ կապիկների վանդակը ու հմայվում, թե ինչպես են երեխաները կենդանիների բաժին դառնում․ Իսրայելն այսօր

Նախօրեին առավոտյան պաղեստինյան ՀԱՄԱՍ խմբավորումը հրթիռային հարվածներ է հասցրել Իսրայելին։ Իսրայելական կողմը հայտնել է նաև իր տարածք ՀԱՄԱՍ-ի հարյուրավոր զինյալների ներթափանցման մասին։ Ստեղծված իրավիճակի հետ կապված՝ Իսրայելը հայտարարել է «Երկաթե սրեր» գործողության մեկնարկի մասին։ Իր հերթին ՀԱՄԱՍ-ը հայտարարել է «Ալ-Աքսա Ջրհեղեղ» գործողություն սկսելու մասին։ Խմբավորումն իր գործողությունները բացատրել է իսրայելական ուժերի կողմից շարունակվող ագրեսիայով և օկուպացմամբ, ինչպես նաև պաղեստինյան սուրբ Ալ-Աքսա մզկիթի դեմ շարունակվող սադրանքներով։

Արդյո՞ք Իսրայել-Պաղեստին հակամարտությունը կարող է ընդարձակել պատերազմական գործողությունների աշխարհագրությունը Պետախ Տիկվայի «Նաիրի» միության նախագահ, «Իսրայելահայեր» թերթի գլխավոր խմբագիր Արտյոմ Չերնամորյանից, ով ուշագրավ փակագծեր բացեց. 
-Շնորհակալ եմ նման հարցի համար, որովհետեւ խնդիրը այստեղ շատ ավելի լուրջ է, բազմակողմանի եւ հիրավի անհրաժեշտ վերլուծությանը։ Նախ տեսեք, ՀԱՄԱՍ-ը ֆիննանսավորվում է Իրանի կողմից, այսօր Լիբանանից հարձակում է տեղի ոնեցել Իսրայելի հյուսիսային սահամանների վրա, որոնց արդյունքում տեղի մի քանի բնակավայրերից մարդիկ տեղահանվում են։ Անհամարժեք, ծանր գին են վճարել  «Հեզբոլլահի» մարտիկները Լիբանանից Իսրայելի տարածքը ականանետներով ռմբահարելու համար։ Բայց սա չի նշանակում է, որ  «Հեզբոլլահը» ՀԱՄԱՍ-ի հետ միառժամանակ Իրանի դրդմամբ չի մտնում պատերազմի մեջ։ Այժմ երկու սցենար ունենք․ եթե Իրանը «Հեզբոլլահին» մտցնի խաղի մեջ, սա նշանակում է, որ լիբանանահայերի համար ցանկացած սցենար շատ դաժան հետեւանքներ կարող է ունենալ։ Եթե  «Հեզբոլլահը» մտավ խաղի մեջ երկրորդ լիբանանյան պատերազմը կարող է ընդամենը մանրուք երեւալ ընդհանուր Լիբանանի պատմության մեջ։ Տեսեք էստեղ ինչ պարադոքս Է․ Լիբանանում կա պետական համակարգ, եւ դրան զոգահեռ կա առանձին ահաբեկչական  «Հեզբոլլահը», որը  զինվում է իրանյան հրթիռներով, եւ առհասարակ իրանական զենքերով։ Եվ այս պայմաններում  «Հեզբոլլահի» խաղի մեջ մտնելը ծանր իրադրություն կստեղծի ինչպես Իսրայելի, այնպես էլ Լիբանանի հայերի համար։ Ու հենց այստեղ Իսրայելը կներդնի ողջ դիվանագիտական եւ ռազմական զինանոցը։ Չի բացառվում է, որ Իսրայելը դիմի Ադրբեջանին Արցախից գրավված տարածքներում ռազմաբազաներ տեղադրելու՝ Իրանին հարվածներ հասցնելու համար, իսկ այդ տարածքներից լավագույնը Ֆիզուլիի օդանավակայանն է, որտեղից կարող է անմիջական հարվածներ հասցվեն հենց Իրանի միջուկային ռեակտորային ծրագրերին, ինչը կարող է պայթենել ողջ տարածաշրջանը։ 

Ապա անդրադառնալով բուն պատերազմական գործողություններին եւ, թե ինչպես հասկացան, որ այլեւս պատերազմական իրավիճակում են մեր զրուցակիցը նկատում է․

-Յուրաքանչյուրս ունենք ինտերնետային հավելվածներ, երբ Իսրայելի կամ Գազայի տարածքում սկսում են հրթիռահարումներն, այդ կարմիր տագնապը հնչում է, և տեսնում ենք, թե որ հատվածներն են հրթիռակոծության ենթարկվում։ Երբ տեսա, որ հրթիռակոծությունը մոտենում է Թել Ավիվին, երեխաներին արթնացրի, եղբորս երեխաները նույնպես մեր տանն էին։ Երեխաները նույնիսկ չհասցրին հագնվել, ոտաբոբիկ իջանք ռմբապաստարան։ Ես էլ, բարեբարխտաբար, մեր շենքի համատիրության ղեկավարն եմ և ռմբապաստարանի բանալիները ինձ մոտ են։ Երբ հրթիռահարության մասին տեղեկություններ ստացանք, անմիջապես մտանք ռմբապաստարան։ Երբ շչակը հնչում է, մենք 45 վայրկյան ունենք ռմբասպաստարան մտնելու։ Այդ ընթացքում պետք է երեխաներին առանց խուճապի այդտեղ հասցնել։

Անդրադառնալով տեղի հայ համայնքինմեր հայրենակիցը նկատում է․

-Իսրայելի կենտրոնական քաղաքներում 3 հազարից ավել հայ կա։ Հարավային շրջանում մենք հայ բնակչություն չունենք, մի քանի ընտանիք կա միայն Սդերոտ քաղաքում։ Իրենցից տեղեկություն չունեմ, որովհետև կապ չկա։ Կենտրոնական քաղաքաների հայ բնակչության հետ, սակայն, ինտերնետով գրեթե բոլորի հետ կապի մեջ եմ։ Հիմա մեր վիճակն էլ է նույնը, ինչ Իսրայելի բնակչության։ Հայերը հիմա պատսպարված են ապաստարաններում։ Բոլորից տեղեկություն ունեմ, այս պահի դրությամբ հայերի շրջանում տուժածներ չկան։ Ցավոք սրտի, Իսրայելում խաղաղ բնակչության շրջանում արդեն կան տասնյակ զոհեր և վիրավորներ։ Ներթափանցել են մարդկանց տները, նրանց են մորթել։ Վիճակը ծանր է, նրանք այնպիսի հրեշություններ են անում, որոնք բառերով նկարագրելու չէ,  ահաբեկիչներ են առանց սիրտ ու հոգի։ 4-5 տարեկան երեխաներին գերեւավարում են, գցում է կապիկների վանդակը ու հմայվում, թե ինչպես են երեխաները կենդանիների բաժին դառնում։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝