ՔՊ-ականները հիմա էլ մեղադրում են ներկաններին
Թեմա
Յուրաքանչյուր ՀՀ քաղաքացի` լինի իշխանական թեւին հարող, թե` պարզապես մարդ, ով կարող է գնահատականներ տալ ներկա իշխանությանը, կարող է ձեզ հավաստիացնել, որ իշխանությունը շարունակում է այսքան ավերներից հետո մնալ պետական աթոռներին, որովհետեւ իրենց հաջողվել է կործանման եզրին հասցնել Հայաստանը` շնորհիվ իրենց մեղքը նախկինների վրա բարդելու: Օրինակ` «լավ բանակ չունեինք», «Շուշին դժգույն էր», կրթական համակարգը քաղաքականացված էր, բանակը՝ կոոռումպացված, իշխանությունները` թալանչի…
Այս շարքը շատ երկար է, կարելի է նաեւ հիշել, որ ասում էին` Հրայր Թովմասյանին ՍԴ նախագահի պաշտոնից կհանենք, նորմալ կապրենք, Եկեղեցու փոխարեն աղանդները կգան` բոլորդ հավատացյալ կդառնաք։ Ու այսպես ղեկավարելով Հայաստանը` պարզվեց, որ իրենք այնքան են մարդկանց վրա մեղք գցել, որ էլ տեղ չկա, որովհետեւ իրենք քիչ-քիչ դառնում են նախկին, ու հիմա հարկավոր է ապագային քննադատել կամ ներկաններին: Որտեղ իրենք չեն, այնտեղ բոլորը մեղավոր են, որտեղ իրենք կան, ուրեմն գործում է «թողեք թող աշխատեն» սկզբունքը: Գոռազաբանության այս թեզի գլխավոր պահապաններից մեկը, ըստ էության, ՎԱՀԱԳՆ ԱԼԵՔՍԱՆՅԱՆՆ է, ով ԱԺ-ում ընդդիմությանը մեղադրեց Արցախը հանձնելու մեջ, մինչդեռ իրենք արի ու տես, որ այս հարցում ահագին մաքուր են, Փաշինյանի Գրանադա այցը հերթական մի բան է, իսկ 4 օր կառավարության գլուխ եկած Արցախի նորանշանակ նախագահը` «կապիտուլյանտ»։
Իհարկե, եթե այս պատմությունը պատմենք ոչ Հայաստանում գտնվող մի օտար քաղաքացու, նա կծիծաղեր պատմողի վրա ու կասեր, որ մի բան այն չէ այս պատմության մեջ: Եվ, իսկապես, մոռանալ չի կարելի, որ այս պատմության մեջ ՔՊ-ականները մեղադրելու էլի հենակետեր ունեն, այս հարցում դժվար իրենց կաշին կփրկեին, եթե չլինեին ռուս խաղապահները, որոնց Փաշինյանի ստորագրած փաստաթղթով ինքն է հաստատել Արցախում: Բայց այս մասին Ալեքսանյան Վահագնը ոչինչ չի ասում։ «Թղթում գրված է, ուրեմն` արեք». սա է իշխանության պատասխանը Ռուսաստանին: Սակայն այն, որ Սահմանադրության մեջ էլ գրված է, որ Հայաստանը Արցախի անվտանգության երաշխավորն է, ոչ ոք այլեւս չի խոսում այդ մասին։
ՀՐԱՆՏ ՍԱՐԱՖՅԱՆ
Քոչարյանը դժգոհ է մնացել Արթիկի շտաբի աշխատակիցների կազմակերպած հանդիպումից. ԲԱՄԲԱՍԱՆՔ 
Թրամփը չգիտի չինարեն, իսկ նախագահ Սին` անգլերեն. բա այդ ինչպե՞ս են իրար հետ խոսում (Տեսանյութ) 
Այսքանից հետո էլ ավելի են խորանում կասկածները. ԶԱՐՄԱՆՔ 
Մեր վեհափառին թիրախավորում են, քահանաներին` բանտարկում` հայրենասիրության պատճառով. Շպռոտ 
Առաջվա ոգեւորությունը չկա նախագահին տեսնելիս. ԲԱՄԲԱՍԱՆՔ 
1
3070 դիտում
2
2433 դիտում
3
2145 դիտում
4
2095 դիտում
5
2063 դիտում
1
7804 դիտում
2
6509 դիտում
3
5264 դիտում
4
4645 դիտում
5
3425 դիտում
1
31643 դիտում
2
23331 դիտում
3
14989 դիտում
4
10570 դիտում
5
10368 դիտում
