Չփորձել խաղալ կրակի հետ, հակառակ պարագայում այդ կրակը կվերածվի անմրցելի հրաբխի․Իրանի հայ պատգամավորը բացառիկ մանրամասներ ներկայացնում

<<Իրավունքի>> զրուցակիցն է Իրանի իսլամական հանրապետության խորհրդարանի հայազգի պատգամավոր ՌՈԲԵՐՏ ԲԵԳԼԱՐՅԱՆԸ։

-Նախ շնորհակալ եմ հարցազրույցի համար: Նախ գիտեք, որ, նման ծրագիր, նման հոխորտանքները նորություն չեն վերջապես անցած երեք տարվա ընթացքի 44-օրյա պատերազմից հետո տարբեր առիթներով ադրբեջանական և թուրք պաշտոնյաները տարբեր առիթներով ուզում են իրար հիշեցնել, թե չեն մոռացել իրենց ծրագրերը:Ես կարող եմ վստահ ասել, որ  որևիցե սահմանային փոփոխություն, որը տարածաշրջանի երկրների սահմանները փոխի (բնականաբար նկատի ունի այս պահին Հայաստանինը և Իրանինը-Հեղ․-) չի հանդուրժվելու Իրանի կողմից: Ներկա իրավիճակում ես կարծում եմ, որ Իրանի համար չափազանց կարևոր է Իրան-Հայաստանի հետ իր սահմանի պահպանումը: Եվ ինչպես միշտ ընդգծել ենք , որ սահմանագիծը ինքնստինքյան առանց Հայաստանի հողային ամբողջականության և Սյունիքի՝ որևիցե արժեք իրենից չի ներկայացնում: Ակնհայտ է նաե այն, թե ինչ արտաքին գործոններ, արտաքին ուժեր մեր տարածաշրջանում փորձում են Իրանին ներքաշել պատերազմի մեջ, սակայն Իրանը կարծում եմ, որ մինչև վերջ կփորձի դիվանագիտական միջոցներով և ուրիշ հնարավորություններով միջոցներով խուսափի պատերազմից։

-Իհարկե, ես իբրև Խորհրդարանի պատգամավոր ունեմ իմ ստույգ տեղեկությունները, որնք հանրայնացման եդնթակա չեն։ Բնականաբար ես անմիջական կապի մեջ եմ Գլխավոր շտաբի անվտանգության խորհրդի հետ եւ կարող եմ միայն մի բան հստակ ասել, Իրանը իր դիրքորոշման մեջ դեռ անհողդողդ է: Եվ չի հանդուրժելու որևէ ոտնձգություն բնականաբար իր սահմանին: Իրանը քաջ գիտակցում է, որ եթե թույլ տա նման միջանցք առանց Հայաստանի սուվերենության ձևակերպման․ ապա անցած հարյուր տարվա ընթացքի ամենաբարդագույն և պատմական մեծ սխալ թույլ կտա, ըստ այդմ Իրանը զգուշացրել է դերակատարներին՝ չփորձել խաղալ կրակի հետ, հակառակ պարագայում այդ կրակը կվերածվի անմրցելի հրաբխի։

-Ես այդ ուղղությամբ այդպես հստակ որեւէ տեղեկության չեմ տիրապետում։Ես նույնիսկ հիմա հայկական որոշ լրատվամիջոցներից լսել եմ, որ թե երկու օր առաջ, երբ Շոյգոն այստեղ է եղել, Իրանի հրամանատար զորավարը հրավիրել էր նաեև հայկական կողմի ներկայացուցիչներին ներկա լինելու այդ հանդիպմանը: Բայց իրենք մերժել են: Ես չգիտեմ, թե դա իսկապես ապատեղեկատվություն է, թե՞ իրականություն։ Բայց համենայն դեպս եթե նման առաջարկ եղել է ու հայկական կողմից մերժվել է, ես  իսկապես ես չգիտեմ ինչ տրամաբանությամբ է մերժվել։