Օգնեք մեզ փրկվել թշնամու գնդակներից. Արցախցի կինը դիմում է ՀՀ իշխանություններին

«Արցախն ամբողջությամբ ռմբակոծվում է, բոլորս գտնվում ենք ներքնահարկերում, երեք ամսական երեխան գրկիս է, իսկ մյուսը` մանկապարտեզում, գիտեմ ոնց հասնեմ երեխայիս: լայնամաշտաբ հարձակում է, ադրբեջանցին չի հանգստանում, չգիտենք ինչ անենք, ոնց փրկենք մեր էրեխեքին: Պատրաստ էինք առանց հաց, առանց ջուր մեր հողում գոյատեւել, բայց ադրբեջանցին չի հանգստանում, ռմաբակոծում են ամբողջ Արցախը, չենք կարողանում ապաստարաններից դուրս գալ: Երեխաները լացում են, բղավում են՝ մայրիկ, հայրիկ, չենք ուզում մեռնել, ծերերը չեն կարողանում արագ տեղաշարժվել, սովամահ ենք լինում հերիք չի, հիմա էլ ռումբերի տակ են պահում, չգիտենք ինչ անենք: Ձեր միջոցով դիմում ենք Հայաստանի իշխանություններին, օգնեք մեզ, հասարակ ժողովրդին են կոտորում, օգնեք մեզ փրկվել թշնամու գնդակներից: Սովին կդիմանանք էլի, բայց ռումբերի ու արկերի պայթյուններին դիմանալ չի լինում, փրկեք մեզ»,-ադրադառնալով Աչցախում առկա պատերազմական իրավիճակին «Իրավունքի» հետ զրույցում ասաց արցախցի կինը` տիկին Սլիվան, ով նորածին թոռնիկի հետնկուղում էր, իսկ աղջիկը խելակորույս ռումբերի պայթյունների տակ` վազում էր մանկապարտեզ երեխային տուն բերելու:

Մեր զրուցակցի խոսքերով.

-Միանշանակ լայնածավալ պատերազմ է: Մարտական գործողություններ են շփման գծի ողջ երկայնքով: Եվ՛ ռազմական, եւ՛ քաղաքացիական տարբեր օբյեկտներ թիրախավորվել են հրետանիով, անօդաչու թչռող սարքերով, որոշակի հրթիռային համակարգերով:

Արցախցի Անին էլ սարսափահար պատմեց.

-Կրակոցներ են, չգիտենք՝ ինչ անել, երեխաներս հիմա հարեւանների նկուղում են, հարեւաններով մի տեղ ենք հավաքվել: Մեր տնից ձորն է, ձորից վերեւ մի հատ տուն հողին հավասարեցրին: Չենք կարողանում մեկս մյուսին զանգենք, կապը շատ վատ է:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝