Դավիթ Ղարիբյանը դարձել է «Իմ կյանքի շոուն» նեդյալկովյան մրցանակաբաշխության մրցանակակիր

Ծնունդով Բուրգասից, բայց Վառնայում ստեղծագործող բուլղարացի հայտնի դիզայներ Կրասիմիր Նեդյալկովը շուտով կբոլորի 60-ամյակը: Լինելով հեղինակավոր նորաձեւության գործակալության ղեկավար եւ գեղեցկության մի շարք մրցույթների կազմակերպիչ՝ նա իր հոբելյանը վերածել է միջազգային մրցանակաբաշխության:

«Իմ կյանքի շոուն» խորագրի ներքո՝  Կ. Նեդյալկովը նախ սկսել է ցուցադրությունների շարք երկրի տարբեր քաղաքներում, ապա կազմակերպել մրցանակաբաշխություն՝ արվեստագետների, դիզայներների, գործընկերների համար, որոնց հետ տարիների ընթացքում աշխատել եւ համագործակցել է՝ իր ստեղծագործական նախագծերի ժամանակ:

Պարզվում է՝ բուլղարացի դիզայների այս յուրատեսակ մրցանակաբաշխությանը Հայաստանից ներկա է եղել  Օպերայի եւ բալետի ազգային ակադեմիական թատրոնի դերասան, մոդել, պրոդյուսեր  Դավիթ Ղարիբյանը: Այս մրցանակով ականավոր դիզայներն իր երախտագիտությունն է հայտնել Դ. Ղարիբյանին՝  իր ստեղծագործական ուղու ընթացքում համագործակցության համար: Նրան մրցանակը հանձնեց հենց բարձր նորաձեւության սեփական տան՝ Paco Raban-ի հիմնադիր, 1960-ական թվականներին նորաձեւության աշխարհի հեղափոխիչ բասկյան ծագումով ֆրանսիացի մոդելավորող Պակո Ռաբանիի դիզայներ Կրասիմիր Նեդյալկովը եւ «Top International Model of the world» մրցույթի միջազգային տնօրեն Նասկո Լազարովը:

Նշենք, որ «Իմ կյանքի շոուն» մրցանակաբաշխությանը մրցանակների են արժանացել նաեւ փոփ երգչուհի Քրիստինա Դիմիտրովան, օպերային երգչուհի Իլինա Միխայլովան, դիզայներ Ջուլիանա Գանին եւ շատ ուրիշներ։

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝