ՇՏԱՊ. Վատառողջ քաղաքացին խոշտանգման է ենթարկվել.Ահազանգում է աղմկահարույց գործերով փաստաբանը

Աղմկահարույց գործերով հայտնի  փաստաբան Լեվոն Բաղդասարյանը ահազանգում է պետական լիազոր մարմինի, այս դեպքում ԴԱՀԿ -ի անօրինական գործողությունների մասին եւ տեղակացնում, որ ահազանգը ստանալու է նաեւ իրավական ընթացք եւ հասնելու է մինչեւ ՄԻԵԴ։ 

Մասնավորապես հայտնի փաստաբանի խոսքերով.

- Այսօր ԴԱՀԿ ծառայության կողմից պետք է տեղի ունենար քաղաքացու վտարում բնակարանից։ Վերը նշված գործընթացին քաղաքացու ինքնազգացողությունը կտրուկ վատացել է, շտապ հրավիրվել շտապ օգնության բրիգադ, որը արձանագրել է, որ քաղաքացուն այս վիճակում տեղաշարժվել չի կարելի, սակայն դա որեւէ կերպ չի խոչընդոտել ԴԱՀԿ ծառայության աշխատակցին շարունակել վտարման գործընթացը:

Երկու ժամ անց կրկին շտապ օգնություն է հրավիրվել, այս անգամ բժիշկը ցուցում է տվել, որ քաղաքացուն պետք է անհապաղ պատգարակով հիվանդանոց տեղափոխել, քաղաքացին հասկանալի պատճառներով հրաժարվել է, որից հետո բժիշկը զգուշացրել է, որ քաղաքացու տեղարշարժը լի առողջական վտանգներով: Բայց ԴԱՀԿ ծառայողը, մեղմ ասած,թմ թքած ունենալով քաղաքացու առողջության վատթարացման վրա շարունակել է իր գործը, պատճառաբանելով, որ ցուցում ունի վերադասից։ 

Հայտնի փաստաբանը տեղեկացնում է նաեւ.

- Լիազոր մարմնի գործողությունները դիտում եմ որպես ոչ այլ ինչ, քան խոշտանգում։ Ինչի վերաբերյալ առավոտյան դիմելու ենք ինչպես իրավապահ մարմիններին, այնպես էլ ՄԻԵԴ։ 

Հատկանշական է, որ ԴԱՀԿ ծառայությունը տեղեկացված է, որ վերը նշվածով կա դատարանի որոշում, որը ուժի մեջ է մտնելու օրենքով սահմանված հնգօրյա ժամկետում։ 

Վերջում պարոն Բաղդասարյանը նկատում է.

- Օրենքով ինձ վերապահված իրավունքով կանգնելու եմ քաղաքացու ու նրա իրավունքների կողքին։ 

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝