100 ու ավելի կիլոմետր ճանապարհ ամբողջովին անցնելու է Ադրբեջանի միջով.Աղդամով հումանիտար բեռը հասցնելու անդառնալի հետեւանքը
Հանդիպում
Ադրբեջանի նախագահը շարունակում է պնդել, թե պատրաստ է Արցախ հումանիտար օգնություն հասցնել, բայց միայն Աղդամի ճանապարհով, ի՞նչ է ենթադրում սա, իրականում ինչ երթուղի է այն, որով պետք է Հայաստանից օգնությունը Ալիևի ասած ճանապարհով մտնի Ստեփանակերտ, հարցի պատասխանը փորձել ենք ստանալ քարտեզագետ Ռուբեն Գալիչյանից, ով ներկայացրեց հետեւյալ պատկերը.
- Երթուղին պետք է հարյուր կիլոմետրից անցնի Ադրբեջանի տարածքով, այսինքն՝ Արցախից դուրս է գալիս, գնում է Աղդամով Ադրբեջան, Ադրբեջանի տարածքով իջնում է մինչև հարավ՝ մինչև Արաքս գետի մոտերը, այնտեղ Հորադիզից պտտվում է, գալիս ու միանում է այսօրվա անցակետին, որը տեղադրված է Կոռնիձորում: Այսինքն՝ 100 ու ավելի կիլոմետր ճանապարհ ամբողջովին անցնելու է Ադրբեջանի միջով:
Իրենց ասածն այն է, որ Ադրբեջանն է օգնությունը տալու, այլ ոչ թե Հայաստանը, իհարկե այդ օգնությունը տալու համար իրենք պայման կդնեն, որ արցախահայերը միանան իրենց ու Ադրբեջանի մաս կազմեն: Սա հնարավոր բան չէ, շատ երկար ու անուղղակի ճանապարհ է, եղած ճանապարհն օգտագործելու փոխարեն իրենք ուզում են ցույց տալ, որ ամբողջ ճանապարհն իրենց վերահսկողության տակ անցնի:
-Այսինքն՝ այդ բեռնատարները, որոնք Կոռնիձորում են, պետք է շրջանցեն Լաչինի միջանցքը, Հակարիի կամուրջը, մտնեն Ադրբեջան, հետո ձեր ասած ճանապարհով հասնեն Ստեփանակե՞րտ, ճիշտ հասկացանք։
– Այդ կամրջով պետք է ներս մտնեն, հետո գնան Ադրբեջանի ներքին ճանապարհներով, պտտվեն ամբողջ Արցախի շուրջ, բարձրանան դեպի հյուսիս ու արևելյան կողմից մտնեն Արցախ: Ինչը նշանակելու է հանձնվել Ադրբեջանին, որովհետև նրա հսկողությանն ես հանձնում ճանապարհդ ու ամեն ինչդ, դա հնարավոր բան չէ: Այդ օրվանից կնշանակի Արցախի ճանապարհը կտրել աշխարհից ու ճանապարհ բացել դեպի Ադրբեջան, ինչը իրենք են ուզում: Առաջին անգամ, երբ լսեցի Աղդամի ճանապարհի գաղափարը, ասացի՝ ինչպե՛ս կարելի է, փոխանակ ձեռքդ ուղիղ բերանդ տանես, ձեռքդ տանում ես գլխիդ հետևը, մյուս կողմից աշխատում հասցնել բերանիդ: Ադրբեջանի ցանկությունն է միայն ամեն ինչ իր հսկողության տակ առնել:
1
25769 դիտում
2
3875 դիտում
3
2323 դիտում
4
2175 դիտում
5
2022 դիտում
1
42163 դիտում
3
8977 դիտում
4
8133 դիտում
5
5104 դիտում
3
18230 դիտում
4
10537 դիտում
5
9925 դիտում
