Որտե՞ղ եք դուք, երբ Արցախում մարդիկ սովամահ են լինում. Նարեկ Մութաֆյան

«Մի խումբ արվեստագետներ դիմել են գլխավոր դատախազին` Սերգեյ Սմբատյանի խափանման միջոցը փոխելու խնդրանքով։ Կարդացի դիմումի տակ ստորագրածների անուններն ու հասկացա, որ այս երկրի դժբախտությունները ոչ թե նախկինների կամ ներկաների պատճառով է, ոչ թե դավաճան կամ թալանչի գեներալների ու թվացյալ 5-րդ շարասյան պատճառով է, այլ հենց այս տեսակ հանրային ճանաչում ու հարգանք վայելող արվեստագետների ու մշակութային գործիչների պատճառով է։ Այդ դիմումի տակ ստորագրածների հետ ժամանակին ունեցել եմ մտերիմ ընկերական հարաբերություններ, շատերի հետ աշխատել եմ, իսկ շատերին նայել եմ ակնածանքով, հարգանքով, հաճախ ինձ լավ եմ զգացել, երբ կարողացել եմ շփվել այդ մեծությունների հետ, բայց հիմա զգում եմ, թե ինչքան էժան է ամեն ինչ։ Լավ է, որ դուք ուզում եք ինչ֊որ բան անել ձեր ընկերոջ կամ ընկերոջ տղայի համար, բայց ո՞ւր էիք կամ ո՞ւր եք միշտ դուք կորում, երբ հարցը վերաբերվում է երկրին, պետությանը։ Որտե՞ղ եք դուք, երբ Արցախում մարդիկ սովամահ են լինում։ Ստորեւ գրում եմ այդ մարդկանց անուններն ու կոչումները եւ անկեղծ սպասում նրանց պատասխաններին։