Ոճաբանների օգնությունը մերժող դերասանուհիները

Վերջին տասնամյակների ընթացքում ոճաբանները չափազանց պահանջված են ու կարեւոր, քանի որ առանց նրանց ոչ մի խոշոր հանրային միջոցառում հնարավոր չէ պատկերացնել: Հենց նրանց ընտրած հագուստներով են աստղերը հայտնվում կարմիր գորգերին ու քննարկման առարկա դառնում:

Սակայն Bravo.am-ի այսօրվա հերոսուհիները չափազանց շատ են կարեւորում իրենց անհատականությունը, որպեսզի օգտվեն ոճաբանների ծառայություններից:

Օդրի Տոտու

Ոչ բոլորն են ոճի դասեր վերցնում, եւ նախընտրում են իրենց զգեստապահարանում ունենալ միայն սեփական ընտրությամբ հագուստներ: Նրանից մեկը Կոկո Շանելի դերը մարմնավորած Օդրի Տոտուն է:

«Գեղեցիկ զգեստները համարում եմ արվեստի գլուխգործոցներ: Կարող եմ հիանալ դրանցով ու նայել ժամերով: Բայց սեփական զգեստապահարանն ընտրելիս առաջնորդվում եմ հարմարավետության տեսանկյունից: Նորաձեւության թրենդներին չեմ հետեւում, ամսագրեր էլ կարդում եմ, երեւի, միայն վարսահարդարի մոտ: Իսկ հագուստ գնում եմ, քանի որ այն ինձ դուր է գալիս»,- հարցազրույցներից մեկում խոստովանել է Տոտուն:

Նշել է, որ գնումների գնալն իր համար իսկական տանջանք է, ամբողջությամբ դրանով տարվում է միայն այն դեպքում, երբ ոչինչ հագնելու չունի կամ էլ որեւէ բան պետք է ընտրի ֆիլմի պրեմիերայի համար:

«Գուցե, ֆրանսիական էլեգանտության ճիշտ օրինակ չեմ, բայց իմ կարծիքով, կարեւորն այն է, որ ձեր ոճը արտացոլի, թե ով եք դուք իրականում, ոչ թե ձեզնից սարքի ձեւափոխված տիկնիկ: Հենց դրա համար էլ երբեք չեմ աշխատել ոճաբանի հետ: Բոլոր հագուստները՝ անգամ ամենակարեւոր միջոցառումների համար, ինքս եմ ընտրում, որովհետեւ զգեստը հոգու հայելին է: Որոշ լուքերի համար ինձ խիստ քննադատության են ենթարկել, բայց ավելի լավ է ես սխալվեմ, քան կրեմ այն, ինչ գլխիս են կապել: Հենց սխալներն են մեզ իրական մարդ դարձնում»:

Բլեյք Լավլի

Բլեյք Լավլին արժանիորեն համարվում է ամենանորաձեւ ու նրբաճաշակ կանանցից մեկը: Իր բոլոր կերպարները սեփական ընտրության են՝ խիստ կոստյումներ, վառ ու զուսպ զգեստներ, նրա զգեստապահարանում ամեն ինչ կա:

Նորաձեւությունը դերասանուհին օգտագործում է ինքնաարտահայտման համար, ինչպես նրա մարմնավորած Սերենա Վան Դեր Վուդսենը «Բամբասկոտը» սերիալում: Լավլին մեկ անգամ չէ, որ նշել է հերոսուհու հետ միայն մեկ ընդհանրություն ունեն՝ սերը գեղեցիկ հագուստի նկատմամբ:

Նա WWD-ին պատմել է, որ պահում է նորաձեւության ցուցադրությունների ժամանակ իր հավանած կերպարները, ապա միանգամից աշխատում դիզայներների հետ, որոնց մեծ մասն իր ընկերներն են: Նրանք էլ օգնում են ոչ սովորական կերպարներ ստանալ:

«Սիրում եմ ինքս այդ ամենով զբաղվել: Նորաձեւությունն իմ թուլությունն է, հագուստներ ընտրելը շատ ստեղծագործական պրոցես է: Հենց նույն պատճառով էլ սիրում եմ ընկերներիս սանրվածք ու դիմահարդարում անել, կամ էլ պատրաստել խոհանոցում: Ամենուր կարող եք ստեղծագործող լինել»:

Իր ֆիլմի պրոմոտուրի ժամանակ Լավլին մեկ օրվա ընթացքում 7 անգամ զգեստափոխվել է, բայց ամեն հաջորդ կերպարը մյուսից վառ ու տպավորիչ է ստացվել: Նա շարունակում է ապացուցել, որ Հոլիվուդի ամենաոճային կանանցից մեկն է: Պատահական չէ, որ Met Gala-ն այս տարի հենց նրան է ընտրել որպես միջոցառման հաղորդավարներից մեկը: Բլեյքը կրկին հուսախաբ չի արել՝ ներկայանալով անկրկնելի տրանսֆորմեր զգեստով: 

Սիենա Միլլեր

Անհնար է Սիենա Միլլերը ներկա լինի որեւէ միջոցառման ու աննկատ մնա: Դերասանուհուն «ամենավառ թիթեռնիկ» են անվանում ամենատարբեր միջավայրում: Նա միշտ կարողանում է նուրբ ճաշակի ու հագուստ ընտրելու կարողությամբ գրավել մարդկանց ուշադրությունը: Սակայն այդ ամենն անում է ինքնուրույն, ոչ մի մասնագետ ու ոճաբան չի օգնում նրան:

2006 թվականին Միլլերը թողարկել է ջինսե հագուստների սեփական բրենդը: Նա հաճախակի է հայտնվում ամենաոճային աստղերի ցուցակներում: Հատկապես casual ոճի սիրահար է, որում կարողանում է շատ տարբեր ու ռիսկային լուքեր ընտրել: Նրանց ընտանիքում ճաշակի հետ կապված խնդիրներ չկան՝ Սիենայի հարազատ քույրը՝ Սավաննա Միլլերը, դիզայներ

Թիլդա Սուինթոն

Թեեւ ոճաբանները պարզապես երազում են համագործակցել Թիլդա Սուինթոնի հետ, բայց նա իր ընտրությունն արդեն վաղուց է կայացրել: Դերասանուհին չի կարող պատկերացնել, թե ինչպես մեկ ուրիշը կարող է իր փոխարեն որոշել, թե ինչ պետք է կրի:  Չէ՞ որ կարող են սխալ ընտրություն կատարել ու չընդգծել նրա անհատականությունը:

Սուինթոնը թույլ չի տալիս որեւէ մեկն ազդի իր ոճի վրա ու երկար տարիներ բացառապես ինքն է կազմում զգեստապահարանը:

«Կարծում եք որեւէ մեկը կա՞ հյուրանոցային համարում, որպեսզի ձեր հագուստը հանի ճամպրուկից ու կախի: Ամեն ինչ ինքս եմ անում»,- ասել է նա:

Մարիոն Քոտիար

Ֆրանսուհիների ճաշակի մասին լեգենդներ են հյուսում: Քոտիարն ապացուցում է, որ դա բնավ էլ միֆ չէ, պարզապես բավական է նայել նրա լուքերին: Նա կարողանում է դասական հագուստը համադրել նորարարությունների հետ, անգամ ոճաբաններին են հիացնում այդ փորձարկումները:

Երբ նա Dior-ի դեսպանն էր, համագործակցում էր միայն դիզայներների հետ ու նրանցից վերցնում հագուստը, այդ փորձը հետագայում էլ կիրառեց:

Քոտիարն անհավանական լավ է հասկանում բարձր նորաձեւությունից, շարունակում է հարգել ու գովել մարդկանց, ովքեր ստեղծում են իր սիրելի հագուստները:

2021 թ. Կաննի կինոփառատոնում կրեց Chanel, որն ընտրել է կուտյուրի բացառիկ հավաքածուից: Նա Harper's Bazaar-ին ասել է. «Ինձ անչափ հուզել են այս զգեստի կարողների անհավանական էմոցիաներն ու ապրումները, կրելով այն՝ նաեւ նրանց եմ հարգանքի տուրք մատուցել»:

https://bravo.am/news/77536

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝