ԶԱՐ­ՄԱՆՔ

Ա­վաղ, այժ­մյան ու­շագ­րավ ի­րա­դար­ձու­թյու­նը գլխա­վոր գե­րա­գույն դա­վա­ճա­նի ա­սու­լիսն է: Քա­ղա­քա­գի­տու­թյան դոկ­տոր ՀՐԱ­ՉՅԱ ԱՐ­ԶՈՒ­ՄԱ­ՆՅԱ­ՆԸ, ում դժվար է, ՔՊ-ական­նե­րի ա­սած, «ռո­բա­սեր­ժա­դաշ­նակ» հա­մա­րել, զար­մա­նա­լի դե­տալ­ներ է նկա­տել. «Քա­ղա­քա­կան գոր­ծիչ և մարդ, ո­րի ոչ մի խոս­քին չի կա­րե­լի վստա­հել, ում հետ գործ ու­նե­նալ չի կա­րե­լի: Խու­սա­փե­լով և խու­սա­նա­վե­լով  ուղ­ղա­կի­ո­րեն ա­ռա­ջադր­ված հար­ցե­րի պա­տաս­խան­նե­րից՝ նա ոչ մե­կին չպա­տաս­խա­նեց, պետք է ա­սեմ: Բո­լոր հար­ցե­րը, բա­ցա­ռու­թյամբ Ե­րև­ա­նի ընտ­րու­թյուն­նե­րի հար­ցի, վե­րա­բե­րում է­ին Ար­ցա­խին: Ի՞նչ նո­րու­թյուն կա: Ես տե­սա վա­խե­ցած և ան­կյուն քշված մար­դու՝ մե­ջը վախ կար, և սա հու­սադ­րող է: Բայց դրա հա­մար չէ, որ գրում եմ. այս ա­մե­նը սպա­սե­լի է: Ցան­կա­նում եմ կիս­վել իմ տպա­վո­րու­թյուն­նե­րով հայ լրագ­րող­նե­րի աշ­խա­տան­քի մա­սին, ո­րոնց «սահ­մա­նադ­րա­կան մե­ծա­մաս­նու­թյու­նը» ե­րի­տա­սարդ աղ­ջիկ­ներ ու կա­նայք է­ին: Ես զար­մա­ցա և ու­րա­խա­ցա՝ տես­նե­լով, թե ինչ­պես է «ցե­ղը» վար­չա­պե­տի որս ա­նում՝ նի­զակ­նե­րի հար­ված­նե­րով նրան քշե­լով մի ան­կյուն: Դա ստի­պեց գռմռալ՝ ցույց տա­լով իր իս­կա­կան է­ու­թյու­նը՝ չա­րու­թյուն, ա­նօգ­նա­կա­նու­թյուն, կեղ­ծա­վո­րու­թյուն և խա­բե­ու­թյուն»: Իսկ ընդ­հա­նուր առ­մամբ, Նի­կո­լի խոս­քը նող­կա­լի էր` տե­սանք ցած­րա­ծա­գում չհայ ռա­մի­կի հո­գու ողջ այ­լան­դա­կու­թյու­նը:

Է­ռա­տո ԱՆ­ՆԱ ՀԱ­ԿՈ­ԲՅԱՆՆ էլ տա­րօ­րի­նակ, զար­մա­նա­լի կո­չով դի­մեց ար­ցախ­ցի­նե­րին. «Հա­յաս­տա­նում ապ­րող­նե­րը քիչ չե՛ն տա­ռա­պել: Մե­ծա­հո­գի՛ ե­ղեք, որ նրանք այժմ փա­ռա­տոն­նե­րի են մաս­նակ­ցում»: Ին­չև­է, այդ տա­րօ­րի­նակ գրառ­ման մեջ հե­տաքր­քիր բան է հայտ­նա­բե­րել ՀՀԿ ե­րի­տա­սար­դա­կան կա­ռույ­ցի ներ­կա­յա­ցու­ցիչ Տա­թև Թա­դև­ո­սյա­նը. «Նի­կո­լի ա­սու­լի­սից հե­տո, Ան­նա Հա­կո­բյա­նը մի հե­տաքր­քիր ստա­տուս է գրել` ուղղ­ված ար­ցախ­ցի­նե­րին: Ակն­հայ­տո­րեն փոր­ձել է ա­մուս­նու դուրս տված վի­րա­վո­րա­կան մտքե­րը սվա­ղել ու նե­րո­ղու­թյան նման մի բան խնդրել ար­ցա­խա­հա­յու­թյու­նից: Բազ­մա­թիվ լո­լո­նե­րի կող­քին, զար­մա­նա­լի­ո­րեն մի շատ ճիշտ բան է գրել տի­կին Ան­նան, ա­սե­լով. «Քա­ղա­քա­կան մա­նի­պու­լա­ցի­ա­նե­րի մի՛ տրվեք»: Փաս­տո­րեն Ան­նա Հա­կո­բյանն էլ է կար­ծում, որ իր ազ­գա­կոր­ծան պա­տու­հա­սը, ա­սու­լի­սում զբաղ­վել է քա­ղա­քա­կան մա­նի­պու­լյա­ցի­ա­նե­րով»: Դե ինչ, սա­տա­նա­յա­կան հո­տա­ռու­թյամբ զգա­ցել է, որ Նի­կոլն ար­դեն լրիվ «յուղ է վա­ռում», սա­կայն հո­ղա­տուն հասց­րել է հա­կա­ար­ցա­խյան ա­տե­լու­թյան այն­պի­սի դո­զա­ներ ար­տա­նե­տել, որ «սվա­ղե­լը» ա­ռա­վել քան ուշ է: Մնում է այդ հրե­շին մաղ­թել, որ իր կյան­քի լսած վեր­ջին խոս­քը լի­նի Ար­ցա­խի բար­բա­ռով նրա բան­տա­յին հսկի­չի ա­սած խոս­քը:

Չզար­մա­նաք, ե­թե մի օր լսեք, որ Ար­մեն Ա­շո­տյա­նին և մյուս քաղ­բան­տար­կյալ­նե­րին բռնել են «նախ­կին­նե­րը»: «Դուք լրիվ Սպար­տա­կի թվի պատ­մու­թյուն եք պատ­մում: Բո­լոր նրանք, ով­քեր կա­լա­նա­վոր­վել են, ես ի՞նչ կապ ու­նեմ դրանց հետ: Մա­մի­կոն Աս­լա­նյա­նը, Ար­մեն Ա­շո­տյա­նը կա­լա­նա­վոր­վել են, ես դրանց հետ ի՞նչ կապ ու­նեմ»,-  լրագ­րո­ղի հար­ցին, թե ձեր կա­ռա­վար­ման օ­րոք են այս մար­դիկ կա­լա­նա­վոր­վել, այս­պես պա­տաս­խա­նեց Նի­կո­լը: Նա նա­և ե­ր­ես­պաշ­տո­րեն շնոր­հա­վո­րեց Ար­մեն Ա­շո­տյա­նի տա­րե­դար­ձը: Իսկ հի­մա պինդ բռնվեք: Երբ լրագ­րո­ղը հա­վե­լեց, որ քա­ղա­քա­կան մո­տիվ­նե­ով են կա­լա­նա­վոր­վել թե՛ Ա­շո­տյա­նը, թե՛ Աս­լա­նյա­նը, թե՛ ԳՐԻ­ԳՈ­ՐԻ ԽԱ­ՉԱ­ՏՈՒ­ՐՈ­ՎԸ, գլխա­վոր գե­րա­գույն դա­վա­ճա­նը ո՛չ ա­վել, ո՛չ պա­կաս բար­բա­ջեց. «Ձեր նշած գոր­ծե­րի հետ կապ­ված մեկ­նա­բա­նու­թյուն չու­նեմ, բայց 2020 թվա­կա­նի նո­յեմ­բե­րի 9-ից հե­տո քա­ղա­քա­կան շատ շրջա­նակ­ներ ինձ մե­ղադ­րում է­ին Շու­շին հանձ­նե­լու մեջ: Ես էլ ա­սում է­ի Շու­շի­ի հանձն­ման դրվա­գը պետք է քննվի: Քննու­թյու­նը ե­կավ-հա­սավ ար­դյուն­քի, ե­ղավ կա­լա­նա­վոր­ված անձ: Հե­տո ե­ղան այդ ան­ձին պաշտ­պա­նող­ներ»: Չէ, այս­տեղ նույ­նիսկ «ուրիշ մաս­նա­գետն» է ան­զոր:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝