Ուզում էիք, որ Արցախից հնչող ձայներն ասեին ճիշտ ե՞ք անում, որ կործանում եք Հայաստանը. Արտակ Զաքարյանը` ՔՊ–ականներին
Թեմա
Իշխանական որոշ քարոզիչներ նեղվել են Արցախի ԱԺ պատգամավոր Նելա Գրիգորյանի այսօրվա ելույթից: Իսկ ի՞նչ ելույթ էիք սպասում համբերատար պայքարող, իսկ հիմա էլ ձեր քաղաքականության պատճառով սովահարության ու աղետի մեջ հայտնված Արցախահայերից, երբ հպարտորեն հայտարարում և մեկդ մյուսին հերթ չտալով պատրասատակամություն եք հայտնում ճանաչել Արցախը Ադրբեջանի կազմում: Ուզում էիք, որ ասեին կեցցե՛ք, լավ եք արել, որ թշնամուն եք հանձնել և հանձնում հայության անքակտելի մասնիկը, հայոց հազարամյա պատմության, մշակույթի, ինքնության ու արժեքների ամենաընդգծված ազգային տարածքը: Ուզում էիք, որ Արցախից հնչող ձայներն ասեին ճիշտ ե՞ք անում, որ կործանում եք Հայաստանը:
Այո՛, առանց Արցախի չի լինելու նաև Հայաստանի Հանրապետությունը և հակառակը՝ առանց Հայաստանի Հանրապետության, չի լինելու նաև հայկական Արցախը: Սա պետք է Աստվածաշնչյան ճշմարտության պես անգիր անենք ու միշտ հիշենք:
ՔՊ պատգամավորներ և բարձրաստիճան պաշտոնյաներ, ձեր վերջին շրջանի հրապարակային ադրբեջանահաճո ուրացումները ոչ միայն Արցախում, այլ նաև Հայաստանի ու Սփյուռքի ճնշող մեծամասնության մոտ հակակրանք են առաջացնում: Մի պայքարեք համազգային ճշմարտության դեմ: Սովորեք լսել հայ ժողովրդի ձայնը և ընդունել այն, որքան էլ որ կոշտ ու դաժան լինի (գուցե նաև անընդունելի վիրավորական): Եվ եթե կարող եք՝ ապացուցեք, որ դուք արժանի չեք կոշտ քննադատության ու դադարեցրեք հայ ժողովրդին "վախեցնել" ձեր ազգակործան թեզերով:
Այսօր արդեն շատերի կարծիքով, գուցե մենք սխալ ենք արել, որ հեռացել ենք իշխանությունից, բայց որքան էլ, որ դժվար լիներ՝ ՀՀ օրինական ընտրված վարչապետ Սերժ Սարգսյանը որոշումը կայացրել էր ժողովրդի ձայնը հարգելով ու պահանջն ընդունելով: Մեր իշխանության բոլոր թերություններով հանդերձ, մենք թողել ենք ամուր պետություն, անվտանգ միջավայր, արտաքին քաղաքական վստահելի հարաբերություններ, համախմբված հասարակություն և ինչպես դուք էիք սիրում ասել՝ հպարտ քաղաքացիներ: Դու՞ք ինչ եք թողնում ձեզանից հետո, մտածե՞լ եք այդ մասին:
Մի գեղեցիկ օր դուք էլ ստիպված եք լինելու լսել ու կատարել ժողովրդի պահանջները, բայց գոնե տեղ թողեք հայ հասարակության մեջ ձեզ վերագտնելու համար: Այս օրհասական պահին մի շարունակեք պառակտել հայ հասարակությանը: Այն այլևս ձեր շահերից չի բխում:
Բաժանորդագրվե՛ք https://t.me/iravunk
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
1
47582 դիտում
2
16578 դիտում
3
7171 դիտում
4
3735 դիտում
5
3042 դիտում
2
25969 դիտում
4
9936 դիտում
5
9097 դիտում
3
23665 դիտում
5
15207 դիտում
