Չի կարելի նման մարմնավաճառի տրամաբանությամբ երկիր պահել, ամաչում եմ. Նորատ Տեր-Գրիգորյանց

 «Արցախի միակ փրկությունը Ռուաստանից քաղաքացիություն խնդրելն է, ռուսական անձնագրեր ստանալն է, հակառակ պարագայում Արցախին սպասվում է 1915թվական ցեղասպանությունը կամ ադրբեջանականացում»-անդրադառնալով Արցախի շուրջ օր-օրի սեղմվող օղակին»,-«Իրավունքի»-ի հետ զրույցում ասաց  ՀՀ ՊՆ Գլխավոր շտաբի նախկին պետ, պաշտպանության նախարարի պաշտոնակատար, գեներալ-լեյտենանտ Նորատ Տեր-Գրիգորյանցը։

ՉՆԱՅԱԾ ԱԴՐԲԵՋԱՆՆ ՈՒ ԹՈՒՐՔԻԱՆ ՌՈՒՍԱՍՏԱՆԻ ՆԿԱՏՄԱՄԲ ԵՐԿԵՐԵՍԱՆԻ ՔԱՂԱՔԱԿԱՆՈՒԹՅՈՒՆ ԵՆ ՎԱՐՈՒՄ

-Պարոն Գրիգորյանց, վերը նշվածի հետ կապված հնչում են տարբեր տեսակետներ, այդ թվում` արդյո՞ք ՌԴ-ն պատրաստ է ընդունել Արցախն ու արցախցիներին:

-Գիտեք ես դա չեմ կարող ասել, բայց հաշվի առնելով այստեղ առկա տրամադրությունները չեմ կարծում, թե դիմելու դեպքում կարող են մերժվել: Ամեն դեպքում, թող դիմեն, եթե անգամ մերժվեն, ուրեմն խիղչբերը հանգիստ կարող են ասել, որ դիմել ենու մերժվել են: Թող դիմելուց առաջ հանրաքվե անցկացնեն, մարդկանց տեսակետները հարցնեն, ըստ այդմ դիմեն: Թե չէ հիմա գիտեք ծիծաղելու է տարբեր պատճառաբանություններով, անգամ մտահոգություններով այդ հարցին չանդրադառնալ, երբ այս իրավիճակում միակ ստրատեգիական դաշնակիցը ՌԴ-ն է, եթե այդպես չէ, թող ցույց տան մեկ ուրիշին ու ես ներողություն կխնդրեմ:

Ես շատ վրդովված եմ հայերիս վերաբերմունքից ՌԴ-ի նկատմամբ, մի օր ՌԴ-ին համարում են բարեկամ, մյուս օրը` Արեւմուտքն է իրենց լավագույն ընկերը, չի կարելի նման մարմնավաճառի քաղաքականությամբ երկիր պահել, ամաչում եմ:

Ինչ վերաբերում է Արցախին ու թշնամու կողմից իրականացվող սադրանքներին, ապա կան այնպիսի տվյալներ, որ քանի որ Ռուսաստանը զբաղված է Ուկրաինայով, ապա այնտեղ կարելի է  սադրանքների դիմել։ Եթե դա այդպես է, ապա իրենք խորապես սխալվում են։ Ռուսաստանը կարող է աշխատել ու պատերազմել միանգամից մի քանի ճակատներով։ Ուստի եթե Ադրբեջանը նման քայլեր է անում, թող մի անգամ լավ մտածի։ Չնայած Ադրբեջանն ու Թուրքիան Ռուսաստանի նկատմամբ երկերեսանի քաղաքականություն են վարում, երեսին ծիծաղում են, իսկ թիկունքին անում են այն, ինչ անում են։

ՍՈՎԵՏԱԿԱՆ ԺՈՂՈՎՈՒՐԴՆ ԱՊՐԵԼ Է ՀԱՄԱՇԽԱՐՀԱՅԻՆ ՄԵԾ ՊԱՏԵՐԱԶՄԻՑ ՀԵՏՈ, ՀԱՑ ԷԼ ՉԿԱՐ, ՈՉԻՆՉ ՉԿԱՐ, ՀԻՄԱ ԷԼ ԿԱՊՐԵՆՔ

-Բայց Ռուսաստանն էլ դրանից համապատասխան հետևություններ չի անում։

-Ամեն դեպքում իրենք սխալ են գործում։ Հիմա ամբողջ Արևմուտքը՝ ԱՄՆ-ի գլխավորությամբ ատում է ռուս ժողովրդին, առհասարակ սլավոնական ժողովուրդներին։ Նայեք ինչքան լաբորատորիաներ ունեն, իմիջայլոց Հայաստանում ևս կան այդպիսի լաբորատորիաներ՝ հայ ազգի ոչնչացման համար։ Ձեր ղեկավարությունը այսօր դրան ուշադրություն չեն դարձնում, բայց դա շատ կարևոր է։ Ամբողջ աշխարհում կա 300 այդպիսի լաբորատորիա, ձեր ղեկավարությունը պետք է այդ լաբորատորիան դուրս բերի երկրից։ Դրան կենսաքիմիական զենք են  պատրաստում՝ ելնելով ամեն  երկրի ազգային առանձնահատկություններից։ Կովկասի հետ  կապված վտանգներն առնչվում են Վրաստանին ու Հայաստանին ու ժամանակը կգա, որ հայերն ու վրացիները կսկսեն ոչնչանալ։

Ինչ  վերաբերում է Ադրբեջանին, ապա  այդ պետությունը հիմա դավաճանում է անգամ Ռուսաստանին՝ նման քայլեր ձեռնարկելով։ Թուրքիան Բայրաքթարներ է տալիս Ուկրաինային, որ ոչնչացնեն Դոնբասի ռուս  ժողովրդին։ Իրենց մարդիկ են  այնտեղ կռվում, ռադիկալ իսլամիստներին են ներգրավվում։ ելնելով աշխարհում ստեղծված իրավիճակից խիստ հրամայական է, որ Հայաստանն էլ ունենա այնպիսի Զինված ուժեր, որ նման սադրանքներին համապատասխան արձագանք տրվի։ Ով ուժեղ է, նա էլ ճիշտ է։ Ալիևը ինքը  մշտապես հայտարարում էր՝ ով ուժեղ է, նա էլ ճիշտ է։ Եվ դրանից հետո հարձակվեց Արցախի վրա, վիրավորելով մեր ազգային արժանապատվությունը։  Հիմա Հայաստանն ի՞նչ է անում բանակի մարտունակություն ուժեղացնելու համար։ Մի անգամ կրակում են, պետք է կրկնակի պատասխան տաս, կյանքն է այդպիսին։ Ռուսաստանն այսքան տարի դիմացավ, բայց գնա  վա-բանկ։ Հիմա գիտեք, որ տարատեսակ պատժամիջոցներ են սահմանվում, բայց ջհանդամ թե չեն սահմանվում։ Սովետական ժողովուրդն ապրել է Համաշխարհային Մեծ պատերազմից հետո, հաց էլ չկար, ոչինչ չկար։ Հիմա էլ կապրենք։ Պետք է պարզապես շատ աչալուրջ լինենք։ Ադրբեջանն ամբողջ կյանքում այդ սադրանքներին դիմել է։ Նույնիսկ 1994 թվականի հրադադարի պայմանագիրը նա խախտում էր, բայց բղավում, թե հայերն են դա արել։

-Իրադարձությունների ֆոնին  տեսակետներ են հնչում, թե Ռուսաստանը կարող է Արցախից դուրս բերել իր խաղաղապահ զորքերը՝ հայտարարելով, որ նրանց կարիքն ավելի շատ Ուկրաինայում կա։ Դուք նման սցենարը հնարավոր համարու՞մ եք։

-Ոչ մի նման բան չի լինի։ Ընդհակառակը՝ ինչպես ասացի ես համարում եմ, որ ինչպես Դոնբասում, այնպես էլ Արցախում մարդկանց պետք է ռուսական անձնագրեր տան։ Աշխարհն է այսօր այդպիսին։ Ընդհանրապես՝ Հայաստանը չի կարող ապրել առանց Ռուսաստանի հետ դաշնակցության։ Չե՞ք հասկանում այն պարզ բանը, որ ձեր կողքը թուրքերն են։ Իսկ Հայաստանի արևմտամետ վարչապետը վերացրեց սփյուռքի նախարարությունը ու կապը մեզ հետ։ Նույն բանն է անում, ինչ Ուկրաինայի նախագահն իր ժողովրդի հետ։