Խզմալյանի «հագով կարած» костюм-ը շատ թանկ կնստի ողջ ազգի ու նրա գանձ՝ Մատենադարանի վրա. Ալլա Հակոբյան

Մատենադարան... Դրսի տեխնոլոգները լա՜վ գիտեին, թե ՀԱՅ մարդու վրա ի՜նչ ազդեցություն ունի Մարկ Գրիգորյանի նախագծով կառուցված այդ հոյակերտ ՏԱՃԱՐԸ... Եվ զուր չէր, որ Լեւոնին ցույցերի ընթացքում կանգնեցնում էին հե՛նց Մատենադարանի առջեւ տեղադրված մեր մեծերի արձանների ֆոնին... Մովսես Խորենացու, Անանիա Շիրակացու, Մխիթար Գոշի, Թորոս Ռոսլինի, Ֆրիկի, Գրիգոր Տաթեւացու «շրջապատում» ներքեւում կանգնած մարդկանց համար մի մեծություն էլ ինքն էր թվում՝ մութ ու ցուրտ տարիների մենեջեր Լեւոն Տեր Պետրոսյանը, ով Սովետական տարիների 1982-1988 թ.թ. «Հայ եկեղեցական մատենագրություն» առարկան է դասավանդել Մայր Աթոռ Սուրբ Էջմիածնի հոգեւոր ճեմարանում։ Սակայն դա չխանգարեց իր հոգեւոր զավակ Նիկոլ Փաշինյանի օրոք ազատ անկախ Հայաստանում Հայ Եկեղեցու Պատմություն առարկան հանել ՀԱՅԿԱԿԱՆ դպրոցներից:

ՔՊ-ական ճտերից մեկն էլ Արա Խզմալյանն է... Հիշենք, ՔՊ-ականները զավթեցին իշխանությունը ՆԱԽԿԻՆՆԵՐԻՆ մերժելու կարգախոսով... Սակայն այդ նույն Արա Խզմալյանը երբ ՆԱԽԿԻՆ մշակույթի նախարար Հասմիկ Պողոսյանն այցելում էր Մատենադարան, ստորաքարշ շողոքորթությամբ խոնարհվում էր մինչեւ նրա կոշիկները, ճանապարհին հասցնելով լպստել տիկին նախարարի հայտնի юбка-ների փեշերը... Ըստ օդում կախված լուրերի, ՀՀ ՆԱԽԿԻՆ առաջին նախագահի օրոք, մեղմ ասած, Մատենադարանում վատ բաներ են տեղի ունեցել... Այսօր ԲԱՑԱՀԱՅՏ ԳԱՐՇԱՀՈՏ է գալիս այն հանգամանքից, որ կանոնադրության մեջ ՀԱՏՈՒԿ փոփոխություններ են արվել եւ ա՛յն աստիճանի է ՁՈՂԸ ԻՋԵՑՎԵԼ, որ Մատենադարանի տնօրեն կարող է դառնալ ընդամենը մի գիտությունների թեկնածու...

ՔՊ-ականները Հայոց Բանակը կազմաքանդեցին նույն ձեւով... Աստված մի արասցե, որ խոնարհումների շնորհիվ կարիերա արած անձը ԶԱՎԹԻ նաեւ ՄԱՏԵՆԱԴԱՐԱՆԻ տնօրենի պատվավոր պաշտոնը... Արա Խզմալյանի «հագով կարած» костюм-ը շատ թանկ կնստի ողջ ազգի ու նրա գանձ՝ Մատենադարանի վրա...

Գրող, հրապարակախոս

ԱԼԼԱ ՀԱԿՈԲՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝