Գա­զա­զած ոհ­մակ հար­ձակ­վեց վրաս, 7 մի­լի­մետր խո­րու­թյամբ վնաս­ված­քներ են հասց­րել. Լուսանկարներ

Վաղ ա­ռա­վո­տյան աշ­խա­տան­քի, դա­սի գնա­լիս կամ ե­րե­կո­յան ուշ վե­րա­դառ­նա­լիս շատ ե­րե­ւան­ցի­նե­րի մտա­հո­գու­թյու­նը ճա­նա­պար­հին թա­փա­ռող շնե­րի ոհ­մա­կին չհան­դի­պելն է: Բնա­կիչ­ներն ա­հա­զան­գում են, որ քա­ղա­քում նկատ­վում է թա­փա­ռող շնե­րի խմբե­րի աճ: Պատ­մում են շնե­րի ագ­րե­սիվ պահ­ված­քի եւ ո­րոշ դեպ­քե­րում նա­եւ մարդ­կանց վրա հար­ձակ­ման դեպ­քե­րի մա­սին:

Շնե­րի կծոց­ներ, կա­տա­ղախտ, լոպ­տոս­պի­րոզ, կատ­վի բակ­տե­րի­ալ վա­րակ, այս բո­լոր հի­վան­դու­թյու­ննե­րը ռիս­կա­յին են այն մարդ­կանց հա­մար, ում բնա­կու­թյան վայ­րում առ­կա են թա­փա­ռող կեն­դա­նի­նե­րի մեծ խմբեր: Խնդրա­հա­րույց են նա­եւ տա­րածք­նե­րի հա­մար կռիվ տվող փո­ղո­ցա­յին շնե­րի հա­չոց­նե­րը, ո­րոնք նույն­պես ան­հար­մա­րու­թյուն են ստեղ­ծում տե­ղի բնա­կիչ­նե­րի հա­մար:

2019թ.-ից կեն­դա­նի­նե­րի նկատ­մամբ դա­ժան վե­րա­բեր­մուն­քի հա­մար օ­րեն­քով քրե­ա­կան պա­տիժ է սահ­ման­վել. հի­մա թա­փա­ռող շնե­րին այ­լեւս չեն վե­րաց­նում, ստեր­ջաց­նում են ու վնա­սա­զեր­ծում: Մի­այն թե այդ պրակ­տի­կան մինչ օրս շա­րու­նա­կա­բար կի­րառ­վում է մի­այն մայ­րա­քա­ղա­քում, այն էլ, փաս­տո­րեն, հաշ­վի առ­նե­լով ա­հա­զան­գե­րը: Մար­զե­րում հաս­տատ­ված կա­նո­նա­կարգ ու գու­մար չու­նեն: Ար­դյուն­քում, մար­զե­րի բնա­կիչ­նե­րի կյանքն ու ա­ռող­ջու­թյու­նը ակն­հայտ վտանգ­վում են:

Ա­սենք, մայ­րա­քա­ղա­քում էլ, թե­եւ կարգ կա, վի­ճա­կը ա­վե­լի լավ չէ: Թե­եւ տա­րի­ներ շա­րու­նա­կ խո­սում են ստեր­ջա­ցու­մից, սա­կայն թափ­ա­ռող շնե­րի թվա­քա­նա­կի ակն­հայտ ա­ճը վկա­յում է, որ այդ պրակ­տի­կան հիմ­նա­կա­նում ձե­ւի հա­մար է, այ­սինքն` թա­լա­նե­լու մի­ջոց: Ընդ ո­րում, քիչ չեն դեպ­քե­րը, երբ հան­դի­պում ես ա­կան­ջը «դակ­ված» շան` ձա­գե­րի հետ:

Որ­պես­զի այս ա­մե­նը մեր­կա­պա­րա­նոց չհնչի, Ձեզ ենք ներ­կա­յաց­նում խմբագ­րու­թյուն ա­հա­զան­գած քա­ղա­քա­ցի­ներ բո­ղոք­նե­րից մի քա­նի­սը: Եվ այս­պես, Ա­ջափ­նյա­կի բնա­կիչ տի­կին Լու­սի­նեն, ում 10-ամյա որ­դին հայտն­վել է գա­զա­զած շան թի­րա­խում, պատ­մում է.

«10-ամյա ե­րե­խաս սար­սա­փած է ստեր­ջաց­ված թա­փա­ռող շնե­րի ոհ­մակ­նե­րից: Իսկ նման շնե­րի կա­րե­լի է տես­նել խա­նութ­նե­րի, բազ­մաբ­նա­կա­րան շեն­քե­րի շքա­մուտ­քե­րի մոտ, որ­տեղ դրանք, բա­ռի բուն ի­մաս­տով, վա­խի մթնո­լոր­տում են պա­հում ե­րե­խա­նե­րին: Այս շնե­րը ոհ­մա­կով վա­զում են ան­ցորդ­նե­րի հե­տե­ւից, հա­չում ու սար­սափ տա­րա­ծում շրջա­պա­տում գտնվող մարդ­կանց շրջա­նում: Շնե­րի ոհ­մակ­նե­րը հիմ­նա­կա­նում շրջում են մար­դա­շատ վայ­րե­րում, որ­տեղ կան դպրոց­ներ, ման­կա­պար­տեզ­ներ եւ հա­սա­րա­կա­կան օ­բյեկտ­ներ: Փոք­րիկս էլ, հենց լո­ղի գնա­լիս է դար­ձել շան թի­րա­խը: Ըն­կե­րոջ հետ քայ­լե­լիս` գա­զա­զած շու­նը հար­ձակ­վել է, չորս տե­ղից կծել: Զան­գել ենք թա­ղա­­պե­տա­րան, ա­սել են` կզբաղ­վենք խնդրով, հա­մար են խնդրել, որ գան, ու մենք նրանց ցույց տանք շնե­րի հա­վաք­ման վայ­րը, բայց ոչ ե­կան, ոչ էլ զան­գե­ցի­ն:

Նա­խօ­րե­ին էլ որ­դիս ա­կա­նա­տես է ե­ղել, թե ինչ­պես է մեկ այլ շուն հար­ձակ­վում մի աղ­ջ­կա վրա: Այն­քան էր տպա­վոր­վել, որ հա մտքին է, թե ինչ ե­ղավ այդ աղ­ջի­կը: Շու­նը լուրջ վնաս­վածք չի հասց­րել, բայց հո­գե­բա­նա­կան մեծ տրավ­մա է տղա­յիս հա­մար, վա­խե­նում է շուն տես­նե­լիս: Այս խնդրին պետք է հա­մա­կար­գա­յին լու­ծում տրվի: Տե­ղա­կան իշ­խա­նու­թյուն­նե­րը պետք է օ­րա­կարգ մտցնեն հա­մայն­քի բնա­կիչ­նե­րի անվ­տան­գու­թյան հար­ցը եւ մի­ջոց­ներ ձեռ­նար­կեն թա­փա­ռող շնե­րի խնդի­րը կար­գա­վո­րե­լու ուղ­ղու­թյամբ»:

Մեկ այլ քա­ղա­քա­ցի էլ` պա­րոն Անդ­րա­նի­կը, հե­ծա­նի­վով եր­թե­ւե­կե­լիս է ե­ղել, երբ թա­փա­ռող շնե­րի ոհ­մա­կը հար­ձակ­վել է, մի քա­նի տե­ղից կծել է տղա­մար­դուն. «Դեպ­քը տե­ղի է ու­նե­ցել Տիգ­րան Մեծ փո­ղո­ցում: Հե­ծա­նիվ վա­րե­լիս շնե­րի մի ամ­բողջ գա­զա­զած ոհ­մակ հար­ձակ­վեց վրաս, 7 մի­լի­մետր խո­րու­թյամբ վնաս­ված­քներ են հասց­րել (տե՛ս լու­սան­կա­րում): Մի­ան­գա­մից շտա­պօգ­նու­թյու­նում եմ կան­չել, ու բժիշկ­նե­րը պատ­մե­ցին, որ ար­դեն հոգ­նել են նույն դեպ­քե­րով կան­չե­րից: Զան­գել եմ 911, բայց մինչ այս պա­հը զրո ար­ձա­գանք, էս մար­դիկ թքած ու­նեն, թե օ­րը քա­նի մարդ կդառ­նա գա­զա­զած շան բա­ժին: Շնե­րին հար­վա­ծե­լու հա­մար օ­րենք են հա­նել, այ­սինքն՝ ստաց­վում է, էս երկ­րում ա­մե­նա­պաշտ­պան­վա­ծը գա­զա­զած շներն են, իսկ թե քա­ղա­քա­ցի­նե­րը ինչ տե­սակ վնաս­ներ կկրեն գա­զա­զած շնե­րի` Ե­րե­ւա­նում վխտող ոհ­մակ­նե­րից, ուղ­ղա­կի թքած ու­նեն»,- վրդով­ված պատ­մեց մեր զրու­ցա­կի­ցը:

Հատ­կան­շա­կան է, որ նույն ան­ձի վրա ձմռանն էլ թա­փա­ռող շուն է հար­ձակ­վել եւ պատ­ռել բաճ­կո­նը ոչ ա­վել, ոչ պա­կաս Հյու­սի­սա­յին պո­ղո­տա­յում, ու կրկին ե­ղել է զրո ար­ձա­գանք:

Մենք հար­ցում ենք ու­ղար­կել քա­ղա­քա­պե­տա­րան, թե, ի վեր­ջո, ինչ է ա­նում քա­ղա­քա­յին իշ­խա­նու­թյու­նը վեր­ջա­պես այս խնդրին լու­ծում տա­լու հա­մար: Իսկ ա­վե­լի ճիշտ, հե­տաքրքր­վել ենք, թե ինչ­պե՞ս քա­ղա­քա­ցին պետք է պաշտ­պան­վի թա­փա­ռող, սո­ված շնե­րի ոհ­մա­կից: Ի վեր­ջո, ե­թե դի­մադ­րի եւ հար­վա­ծի, հե­տո պետք է գնա, ա­պա­ցու­ցի, որ «անհրա­ժեշտ ինք­նա­պաշտ­պա­նու­թյուն» էր: «Մեն­թերն» էլ, հա­զիվ թե «ցե­ղա­կից­նե­րին գցեն»` ինչ-որ ան­ցոր­դի պաշտ­պա­նե­լու հա­մար: Համ էլ մի քա­նի կո­պեկ կա­րող է գալ:

Մի խոս­քով, այս թե­մա­յով դեռ ե­րկար կզբաղ­վենք:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝