ՍԱՍ-ի Արտակի ֆինանսական շահերը Ավինյանի համար ավելի թանկ են

Երեւանում խցանումները դարձել են սովորական առօրյա երեւույթ: Մեքենաների հոսքը դարձել է անյպիսին, որ մայրաքաղաքում տեղաշարժվելը լուրջ խնդիր է: Բնականաբար, քաղաքային իշխանությունները  որեւէ ծրագիր  Երեւանի երթեւեկության  կարգավորման եւ բեռնաթափման առումով չունեն: Կան նաեւ  խցանումների առաջացման այնպիսի հաճախ հանդիպող երեւույթներ ինչպիսիք են վթարները, մեքենաների երկրորդ, իսկ երբեմն նաեւ երրորդ շարքերում կայանելը եւ ճանապարհային կանոնների խախտման հետ կապված այլ  պատճառներ: Եվ կրկին հարցը գալիս է հասնում է նրան, որ քաղաքային իշխանությունները  եւ իրեն  քաղաքապետ երեւակայող Տիգրան Ավինյանը անձամբ որեւէ կերպ չեն զբաղվում վերոհիշյալ հարցերով: Երեւանի փողոցների մեծ մասը չունի գծանշում, ասվալտի շերտը քայքայված է եւ այդ ամենը նույնպես ստեղծում է վթարների ու խցանումների համար նախադրյալներ:

Կան նաեւ մշտական խցանված հատվածներ, օրինակ` Բարեկամություն մետրոյի հրապարակից մինչեւ Կամոյի դպրոցի կանգառ Բաղրամյան պողոտայի հատվածը: Այստեղ հիմնական խոչընդոտը Բաղրամյանի ՍԱՍ սուպերմարկետն է, որի առջեւ մեքենաները կայանվում են ոչ թե փողոցին զուգահեռ, այլ թեք, որպեսզի ավելի շատ մեքենա տեղավորվի «ՍԱՍ»-ի Արտակի խանութի դիմաց: Տարիներ առաջ, երբ «ՍԱՍ»-ի Արտակը ձեռք բերեց  Բարղրամյանի  վրա գտնվող այդ խանութի տարածքը, նրան թույալտրվեց «կոտորել» խանութի դիմաց  տասնամյակներ աճող կաղնու ծառերը եւ կառուցել  իր համար  ավոտկայանատեղի: Այն ժամանակ «ՍԱՍ»-ի Արտակը «Հանրապետական» խմբակցության անդամ էր եւ օգտվելով իր օլիգարխիկ պատգամավորական դիրքերից  ստացավ թույլտվություն նախ ծառերը հատելու եւ ապա` մեքենաների թեք կայանման համար:

Այդ կայանատեղին լուրջ խնդիրներ է առաջացնում եւ դարձել է Բաղրամյան պողոտայի այդ հատվածում խցանման հիմնական պատճառը: Բանն այն է, որ այդ հատվածում Բաղրամյան մտնող չորս գիծը  վեր է ածվում երեքի: Սակայն այդ երեքից երկուսը  չեն կարոդղ նորմալ  գործել, քանի որ մեկը զբաղված է «ՍԱՍ»-ի Արտակի ավտոկայանատեղիով, իսկ երկրորդ գծով երեւեկությունը այնընդհատ խափանվում է թեք կանգնած մեքենաների  կայանատեղիից դուրս գալու, ինչպես նաեւ խանութի դիմաց երկորդ շարք կայանված մեքենաների պատճառով: Հասկանալի է, որ չորս շարքը մեկ շարքի վերածելուց առաջանում է խցանում: Բայց դե այն ժամանակ ՍԱՍ-ի Արտակը իշխանական օլիգարխ  էր եւ իրեն բան ասող չկար:

Սակայն Նիկոլի «թավշյա հեղափոխությունից» հետո երոհիշյալ հարցունմ որեւէ փոփոխություն տեղի չունեցավ: Բանն այն է, որ ՍԱՍ-ի Արտակը շատ արագ կողմնորոշվեց  եւ  2018թ.-ի մայիսին, երբ ԱԺ-ում քվեարկվում էր  Նիկոլի հարցը  վերջինիս վարչապետ կարգելու վերաբերյալ «ՍԱՍ»-ի Արտակը  մի շարք այլ  «Հանրապետական» օլիգարխների հետ միասին  արագորեն  կերպարանափոխվեցին եւ անցան Նիկոլի կողմը: Նա ոչ միայն կողմ քվեարկեց Նիկոլի վարչապետ լինելու, այլ առատորեն  ֆինանսավորում էր ՆԻկոլի այս կամ այն  նախաձեռնությունը: Բանականաբար, Նիկոլի օրոք «ՍԱՍ»-ի Արտակը նույնպես շարունակեց մնալ անձեռնմխելի, թեեւ դադարեց լինել պատգամավոր: Ինչից, անկեղծ ասենք, Հայաստանի օրենսդրական մարմինը առանձնապես չտուժեց:

Նշենք նաեւ, որ խանութը շուրջօրյա է, գտնվում է բանկելի շենքի առաջին հարկում, շրջապատված է բազմաթիվ այլ բնակելի շենքներով եւ հասկանալի է, որ այդ խանութը ցերեկային ժամենրին խացանում ստեղծելու հետ միասին գիշերային ժամերին դառնում է աղմուկի ու եռուզեռի կենտրոն, խանգարելով  մոտակա շենքերի բնակիչների հանգիստը: Բազմաթիվ են դեպքերը, երբ խանութի մոտ կայանվող մեքենաներից ղժում է բարձր երաժշտությունը, լսվում են հայհոյանքներ, պատահում են վեճեր ու կռիվներ, սակայն ինչպես արդեն ասվեց «ՍԱՍ»-ի Արտակը ու իր ֆինանսական շահերը շարունակում են մնալ անձեռնմխելի եւ թքած, թե ինչպես է դա անդրադառնու, շարքային երեւանցիների վրա:

Ա. Հովհաննիսյան

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝