Զարմանալի կին, մայր, անկրկնելի հայուհի. տիկին Ժորժետտան բոլորեց 85-ամյակը
ՄշակութայինՀայուհու կերպար... Այսօր, վստահ եմ` առաջինն Իլյիչ Գուրգենիչն է շնորհավորել իր նվիրյալ կեսին, ում հետ միասին ազգին ընծայեցին մի գանձ՝ Անդրանիկ Զորավարի թանգարանը...
Տիկին Ժորժետտա, Ձեր Իլյիչն ամեն վայրկյան Ձեր կողքին է՝ թանգարանի համար ձեռք բերված ամեն էքսպոնատի պատմության ու հուշի մեջ... Ես չեմ կարող Ձեր տարեդարձը շնորհավորել՝ առանց Իլյիչ Գուրգենիչին հիշատակելու... Ձեր զույգը՝ Աստծո նվեր էր ողջ ազգի համար... Միայն Ձեզ պես հայուհին կարող էր ոգեշնչել այդ ուժեղ տղամարդուն անել այն ամենն, ինչ հասցրեց անել եւ դիմանալ բոլոր այն փորձություններին, որոնք բաժին էին ընկել Ձեր զարմանալի զույգին...
Շնորհավոր Ձեր 85-ամյա տարեդարձը... Դեռ երկար-երկար տարիներ շարունակեք զարմացնել մեզ Ձեր նվիրյալ անխոնջ աշխատանքով... Շարունակեք դաստիարակել հայ ազգի նոր հայրենասեր սերունդներ... Ապրեք առողջ ու երջանիկ Զորավար Անդրանիկի՛ երազած Հայաստանում...
Զարմանալի կին, մայր, անկրկնելի հայուհի... Դեռ շատ բան ունենք սովորելու Ձեզնից, մեր օրինակելի տիկին Ժորժետտա... Լույս սփռող՝ հոգով, դեմքով, գործերով... Որտե՞ղից այդքան լույս մեկ մարդու մեջ... Խորհելու տեղիք է տալիս... Խորհելու եւ ձգտելու գեթ մի փոքր նմանվել Ձեզ... Եվ հասցնել անել մի աննշան փշուր Ձեր ու Իլյիչ Գուրգենիչ Բեգլարյանի արած գործերից...
Գրող, հրապարակախոս
ԱԼԼԱ ՀԱԿՈԲՅԱՆ
