Շնիկով տիկինը». առաջնախաղ՝ Ռուսական թատրոնի Փոքր բեմում
ՄշակութայինԿ. Ստանիսլավսկու անվան ռուսական դրամատիկական թատրոնի Փոքր բեմի խաղացանկը համալրեց ըստ Ա. Չեխովի «Շնիկով տիկինը» պատմվածքի ներկայացումը։
Այս ներկայացումը համատեղ նախագիծ է Ստանիսլավսկու թատրոնի և Ռուսաստանի թատերական արվեստի ինստիտուտի (ԳԻՏԻՍ) միջև:
Ներկայացման բեմադրիչ Յարոսլավ Ժևներովը և նկարչուհի Եկատերինա Էրդենին Ռուսաստանի Թատերական արվեստի ինստիտուտի (ԳԻՏԻՍ) շրջանավարտներ են։
Ներկայացման դերակատարներն են Իվան Ստեպանովը, Հռիփսիմե Նահապետյանը, Անաստասիա Ֆաերտագը:
Սյուժեի առանցքում կուրորտային սիրավեպ է և դրա հետևանքները: Պատմվածքի հերոսները հայտնվել են անելանելի վիճակում․ նրանք որևէ վճռական քայլի չեն դիմում իրենց սերը պաշտպանելու համար, քանի որ համոզված են, որ հանրությունը կդատապարտի իրենց։ Սակայն հայտնի է, որ սերն ունակ է փոխելու մարդուն: Փոխվեցին նաև ստեղծագործության հերոսները՝ Գուրովը և Աննա Սերգեևնան: Արդյո՞ք նրանք կկարողանան անտեսել պայմանականությունները և գտնել իրենց երջանկությունը:
Ներկայացումը նախատեսված է 16+ անձանց համար:
Հավանեցի՞ր հոդվածը, կիսվիր ընկերներիդ հետ՝