Ծնվել է Նարեկ Մութաֆյանի եւ Մարգարիտա Պետրոսյանի առաջնեկը

Ծնվել է «Խեղափոխություն» եւ ««ՀեղաՇտկում» նախագծերի հեղինակ ՆԱՐԵԿ ՄՈՒԹԱՖՅԱՆԻ եւ 44 օրյա պատերազմում անմահացած կապիտան Իշխան Պետրոսյանի դստեր՝  Նաիրի խոշորացված համայնքի «Իմ հզոր համայնք» խմբակցության ավագանու անդամ ՄԱՐԳԱՐԻՏԱ ՊԵՏՐՈՍՅԱՆԻ առաջնեկը՝ ԳԱՅԱՆԵՆ: Փոքրիկին անվանակոչել են Նարեկ Մութաֆյանի եւ դերասանուհի Անահիտ Մութաֆյանի երջանկահիշատակ մայրիկի անունով:

Նորաթուխ հայրիկը՝ Նարեկ Մութաֆյանը, սոցցանցում արդեն գրառում է կատարել՝ հպարտորեն նշելով. «Պաշտոնապես լավ տղերքի ցանկը ես էլ համալրեցի: Գայանե՜ս»։ Իսկ հուզված ու երջանիկ հորաքույրն ընդգծել է. «Բարով եկար հորքուրի գանձ` Գայանե Նարեկի Մութաֆյան: Գայանես, իմ անիմաստ կյանքի իմաստ։ Այսօր կյանքս վերաիմաստավորվեց, այսօր պայքարս ավելի մոտիվացվեց։ Իմ Գայանեն պիտի ապրի խաղաղ, ուժեղ Հայաստանում, իմ Գայանեն պիտի հպարտորեն կրի հայուհու վեհ անունը։ Քեզ խոստանում եմ լույսս երջանիկ մանկություն... Այս աշխարհում իմ ամենաթանկի ամենաթանկ»:

Իսկ մեզ մնում է շնորհավորել Գայանեի հայրիկին եւ մայրիկին, հերոսական եւ մշակութային Պետրոսյանների ու Մութաֆյանների ընտանիքներին՝ մաղթելով փոքրիկին ամենակարեւորը՝ խաղաղ երկինք եւ անհոգ մանկություն:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝