Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Ով է էրդողանի հավատարիմ հայ բժիշկը, ով ընտրվեց պատգամավոր. Բացառիկ մանրամասներ

Հանդիպում
Թուրքիայում կայացած խորհրդարանական ընտրությունների արդյունքներով Մեջլիսը կունենա մեկ հայ պատգամավոր։ Բժիշկ Սևան Սըվաջօղլուն ներկայացնում է իշխող «Արդարություն և զարգացում» կուսակցությունը։ Այս մասին անդրադառնալով հետընտրական Թուրքիային, եւ սպասվող ընտրությունների 2-րդ փուլին, ասաց Ստամբուլում լույս տեսնող «Ակոս» շաբաթաթերթի հայերեն բաժնի խմբագրապետ Բագրատ Էստուկյանը, ապա անդրադառնալով նորընտիր հայ պատգամավորի հնարավորություններին, 
-Պատգամավոր ընտրված Սըվաջօղլուն Թուրքիայի հայկական համայնքի ներսում հանրահայտ դեմք չի եղել։ Սըվաջօղլուն անցյալ տարի է անդամագրվել իշխող «Արդարություն և զարգացում» կուսակցությանը։ Սըվաջօղլուն աշխատում էր Ստամբուլի «Սուրբ Փրկիչ» հայկական հիվանդանոցում։ Նախքան համալսարանի բժշկական ֆակուլտետում կրթություն ստանալը, սովորել է տեղի Կենտրոնական վարժարանում։ Նա միայն հիմա է հանրաճանաչ դարձել: Նորընտիր հայ պատգամավորը բնավ չի կարողանա հետևողականորեն առաջ մղել հայկական օրակարգի կարևոր թեմաներն ու տեղի հայությանը հուզող հիմնահարցերը` հաշվի առնելով այն հանգամանքը, որ վերջինս հարում է իշխող քաղաքական ուժին և ի զորու չէ այնպիսի վարքագիծ դրսևորել Թուրքիայի խորհրդարանում, ինչպես Կարո Փայլանը: Այլ կերպ ասած, Սևան Սըվաջօղլուի պարագայում սուր ելույթներ ակնկալելն անիմաստ է: Սըվաջօղլուից որոշակի ակնկալիքներ կարող են ունենալ միայն վարչական անձինք, այլ ոչ թե հայ հասարակությունը, այսինքն` նրանք, ովքեր որոշակի հարցերով կդիմեն կառավարությանը` խնդրելով պատգամավորի աջակցությունը, և այդ դեպքում նա միգուցե կկարողանա օգտակար լինել։
 
-Պարո՛ն Էստուկյան, երկրորդ փուլում ո՞վ կստանա ձայների մեծամասնությունը։ Կախված այդ արդյունքներից՝ ներքաղաքական ի՞նչ զարգացումներ եք կանխատեսում։
-Չի բացառվում, որ վերընտրվելու պարագայում Էրդողանը ավելի սրի կրոնամոլությունը: Դարձյալ՝ բոլորին ծանոթ է Էրդողանի իշխանության շրջանում արդարադատության համակարգի բոլորովին քաղաքականացված լինելը, որի հետևանքով ականատես ենք լինում բազմաթիվ անարդարությունների: Բազմահազար մարդիկ դատապարտված ու պատժված են պարզապես նախագահին անարգելու մեղադրանքով: Իսկ Քըլըչդարօղլուն խոսքի ազատություն է խոստանում: Բայց, երկրորդ փուլի ընտրությունները ի վնաս Քըլըչդարօղլու կլինեն, մարդիկ նույն եռանդով չեն մասնակցի:

-Հայ համայնքը ո՞ւմ է նախընտրում տեսնել Թուրքիայի նախագահի պաշտոնում և ինչո՞ւ։

– Ցավոք, հայ համայնքը միատարր չէ, Թուրքիայի հայ համայնքն էլ բազմերանգ է, ունի տարակարծություններ: Կան իշխանամետներ, և կան ընդդիմադիրներ: 

– Ի՞նչ կտա Էրդողանի կամ Քըլըչդարօղլուի հաղթանակը Հայաստանին ու ընդհանուր տարածաշրջանին, ո՞ր թեկնածուի ընտրվելն է նախընտրելի։

– 44-օրյա պատերազմի փորձով գիտենք, թե Հայաստանին ինչ կտա Էրդողանի հաղթանակը: Նաև նշեմ, որ Հայաստանի հանդեպ քաղաքականությունը նախագահների կամ կուսակցությունների դիրքորոշումներից անկախ է ծրագրվում Թուրքիայի Հանրապետության պետականության խորունկ նրբանցքների մեջ և փակ դռների հետևում: 

Հ.Գ. Թե, ով Թուրքիայի նախագահական ընտրություների արդյունքներով երրորդ տեղը զբաղեցրած թեկնածու, ծագումով ադրբեջանցի թեկնածու Սինան Օղլանը, ով նախագահական ընտրությունների երկրորդ փուլում աջակցելու է գործող նախագահ Ռեջեփ Թայիփ Էրդողանին այս եւ այլ հարցերի շուրջ ամբողջական զրույցը` շուտով:

ԻԼՈՆԱ ԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ