«Flyone Armenia»-ն վերածվել է «Հոկտեմբերյանի գռդոն անող մառշուտկի»
Հասարակություն
«Իրավունքը» թերթն անդրադարձել էր, որ մայիսի 11-ին «Flyone Armenia»-ի Երեւան-Դուբայ թռիչքները իսկական պատուհաս են դարձել ճամփորդողների համար: Դուբայի ավիացիոն իշխանությունները արգելել էին ԱԺ ՔՊ-ական պատգամավոր Խաչատուր Սուքիասյանի ընտանիքին պատկանող «Flyone Armenia» ընկերության Երեւան-Դուբայ-Երեւան չվերթի վայրէջքը Դուբայի «Ալ-Մաքթում» օդանավակայանում: Արդյունքում՝ օդանավը վայրէջք էր կատարել Քիշի (Իրան) օդանավակայանում, ապա վերադարձել հետ Երեւան: Իսկ «Flyone Armenia»-ի տնօրինությունը որոշում էր կայացրել իր հաշվին բոլորի տոմսերը փոխարինել «Flyone Dubai» ավիաընկերության տոմսերով ու հենց հաջորդ օրը՝ առավոտյան կրկին մարդիկ ստիպված էին եղել նստել ինքնաթիռ: Ուղեւորներից ՌՈՄԱՆ ՄԱՐԳԱՐՅԱՆԸ, ով կնոջ եւ երեք անչափահաս երեխաների հետ մեկնում էր հանգստանալու Արաբական Միացյալ Էմիրություններում, մեզ հետ զրույցում մտահոգություն էր հայտնել, թե այսքանից հետո, եթե Դուբայ հասնեն, արդյոք կարողանալու են հետ գալ, թե՞ մնալու են գերի: Թե ինչ եղավ այս ընտանիքի հետ, ուշագրավ մանրամասներ ենք պարզել:
Պարզվում է` Մարգարյանների ընտանիքը պետք է վերադառնար Հայաստան մայիսի 16-ին, սակայն գիշերը գնացել են օդանավակայան, եւ պարզվել է, որ թռիչքը հետաձգվում է, կրկին վերադարձել են հյուրանոց:
«Որ ասում էի` հարց է` հետ կգանք, թե` ոչ, ճիշտ էի ասում: Դրա ապացույցն այն է, որ ընտանիքներով ամբողջ գիշեր մնացել ենք Դուբայի օդանավակայանում: Չվերթ չկար, ստիպված վերադարձել ենք հյուրանոց: Մինչդեռ ասում են, թե կես ժամ ուշացումով թռիչքն իրականացվել է, ուղղակի, օդանավակայանի աշխատողներն են մեղավոր, որ գրել են, թե չվերթ չկա: Կներեք, բայց սա մի՞թե մեր խնդիրն է: Ու այս իրավիճակում զանգում ենք «Flyone Armenia»-ին, հեռախոսին չեն պատասխանում: Պատճառաբանում են, թե օդանավակայանում չեն իմացել, որ չվերթը լինելու է: Ի՞նչ է սա նշանակում` Հոկտեմբերյանի «մարշրուտկե՞ն» ա, որ «գրդոն» են անում, պատահական մի քանի հոգի ուղեւոր վերցրել, գնացել են: Էս ի՞նչ խայտառակություն ա, ինչպե՞ս կարող էր օդանավակայանը չիմանալ, որ ինքնաթիռ է Հայաստանից գալիս»,- «Իրավունքի» հետ զրույցում զայրացած ասաց Ռ. Մարգարյանը:
Ի դեպ, մենք տեղեկացանք, որ ստեղծված անելանելի վիճակի պատճառով` Ռ.Մարգարյանի կնոջ սիրտն է վատացել, ստիպված շտապօգնություն են կանչել:
ՀՐԱՆՏ ՍԱՐԱՖՅԱՆ
«Փաստ». Մոսկվայի նոր ազդակները. ինչ ցույց տվեց Օվերչուկի այցը Երևան 
Ինչի արցախցիները ՀՀ քաղաքացիներ չե՞ն եղել, աբսուրդ է. Երիցյան 
Եվրասիայի աշխարհաքաղաքական քարտեզը մտնում է նոր վերաձևավորման փուլ.Թեհրան–Մոսկվա–Երևան ռազմավարական եռանկյունի 
Ո՞ւր է անհետացել մերձիշխանական բլոգեր Ռոման Բաղդասարյանը 
Մոսկվա-Երևան չվերթը չեղարկվել է. ԱԹՍ-ի հարձակման վտանգ կա 
1
23858 դիտում
2
3611 դիտում
3
2579 դիտում
4
1752 դիտում
5
1561 դիտում
1
40783 դիտում
3
8965 դիտում
4
8133 դիտում
5
5024 դիտում
3
16906 դիտում
4
10520 դիտում
5
9901 դիտում
