Աշոտը ներողություն է խնդրել իր ծնողների արածների համար. ասել է՝ իմ ծնողները թ*րք են. Աստղ Գալեյան
Քրեական
Աշոտը ներողություն է խնդրել իր ծնողների արածների համար. ասել է՝ իմ ծնողները թուրք են։ Ասել է՝ ոչինչ չեմ կարող իրենց փոխարեն ասել։ Անհարմար եմ զգում ես այս ամեն ինչի համար։ Այդքան բանը ասել է։ Այս մասին ոստիկանության Շենգավիթի բաժնի մոտ լրագրողների հետ զրույցում ասել է 44–օրյա պատերազմում զոհված Մխիթար Գալեյանի մայրը՝ Աստղիկ Գալեյանը՝ անդրադառնալով հարցին, թե ինչ է ասել Աշոտ Փաշինյանը, երբ նստել է զոհված զինծառայողներից մեկի մոր մեքենան։
Հիշեցնենք՝ քիչ առաջ ձերբակալել են 44-օրյա պատերազմում զոհված զինծառայողների ծնողների հիմնադրած «Որդիների կանչ» ՀԿ անդամներին։ Դրանից առաջ AntiFake.am–ի հետ զրույցում «Որդիների կանչ» ՀԿ անդամ, 44–օրյա պատերազմում զոհված զինծառայող Մխիթար Գալեյանի հայրը՝ Գարիկ Գալեյանն ասաց, որ ոստիկաններն իրենց ՀԿ–ում են, գործողություններ են անում, փորձում են բերման ենթարկել զոհվածների հարազատներին։
Հիշեցնենք՝ «Հայկական ժամանակ»-ի տեղեկություններով՝ այսօր՝ 15:00-ի սահմաններում, վարչապետ Նիկոլ Փաշինյանի որդուն՝ Աշոտ Փաշինյանին, իր տան մերձակայքից փորձել են առևանգել «Որդիների կանչ» ՀԿ անդամները։ ՀԿ–ն հերքել է տեղեկությունը՝ պարզաբանելով, որ միջադեպ եղել է, բայց առևանգման փորձ՝ ոչ։ AntiFake.am–ի հետ զրույցում «Որդիների կանչ» ՀԿ անդամ, 44–օրյա պատերազմում զոհված զինծառայող Մխիթար Գալեյանի հայրը՝ Գարիկ Գալեյանը ասաց, որ Աշոտիկին չեն փորձել առևանգել, պարզապես ծնողներից մեկն ասել է արի նստի մեքենան, գնանք Եռաբլուր՝ տես հայրդ ինչ է արել, ինքն էլ եկել, նստել է։