Ձեր 30 արծաթով ձեռքբերած արյան ագարակներում է լինելու ձեր վախճանը․ Կարինե Եսայան

«Ինչպես 100 տարի առաջ, պատվիրատուն այսօր էլ նույնն է, կատարողներն են տարբեր․․․ Թշնամու մշակած նենգ ծրագրերի, համապատասխան տեխնոլոգիաների կիրարկման ու ֆինանասական ներարկումների հետեւանքով ազգիս վրա բարձրացած մերօրյա հուդանե՛ր, հպարտացա՛ք, որ մոլորեցրիք տասնյակ հազարավոր քաղաքացիներին, զավթեցիք իշխանությունը ․․․ մնում եք անպատիժ, հպարտացա՛ք, որ թշնամու զոհասեղանին դրեցիք ու զոհաբերեցիք մեր հազարավոր լույս զավակներին, շարունակում եք նույն գործը կատարել ․․․ ու մնում եք անպատիժ, հպարտացա՛ք, որ ծախեցիք Հայրենիքը, շարունակում եք նույն գործը կատարել ․․․ ու մնում եք անպատիժ, հպարտացա՛ք, որ ստում եք, խաբում եք, փչացնում եք, ավերում եք, թալանում եք, պղծում եք, ոչնչացնում եք ․․․ ու մնում եք անպատիժ, հպարտացա՛ք, որ բարձրացաք Աստծո Եկեղեցու, մեր արժեքների ու սրբությունների դեմ ․․․ ու մնում եք անպատիժ․․․

 

ԱՌԱՅԺՄ ԱՆՊԱՏԻԺ․․․ նեռի ոգով բարձրացած հպա՛րտ ամբարիշտնե՛ր, ահով ու սարսափով կերեք դավաճանված նահատակների արյունով, նրանց մայրերի ու հայրերի, քույրերի ու եղբայրների, ազգի արցունքներով ու անեծքով շաղախված ձեր հարամ հացը, դողալով քնեք ու զարհուրելով արթնացեք, քանի որ չե՛ք կարող ծաղրել Աստծուն ու մնալ անպատիժ, եւ օրեցօր մոտենում է ձեր հատուցման ժամը, քանի որ մեր նահատակների արյան կանչը երկրից բողոքում է Աստծուն, եւ երկիրը դուրս է փսխելու ձեզ․․․ քանի որ մեր լույս նահատակների հոգիները Աստծո գահի առջեւ աղաղակում են ու սպասում են ձեր դատին ու իրենց արյան վրեժին... քանի որ մեր Հայրենիքի կորստյան, լույս նահատակների արյան, ազգի զրկանքների, ցավի, տառապանքի ու արցունքների գնով ձեր 30 արծաթով ձեռքբերած արյան ագարակներում է լինելու ձեր վախճանը․․․», - գրել է պատմական գիտությունների թեկնածու, քաղաքագետ-միջազգայնագետ ԿԱՐԻՆԵ ԵՍԱՅԱՆԸ: