Ռուսական թատրոնի կեղծ կայք բացած կիբերհանցագործները քննչականի թիրախում. հարուցվել է քրգործ
Քրեական
«Իրավունքն» անդրադարձել էր, որ Կ. Ստանիսլավսկու անվան ռուսական դրամատիկական թատրոնը հայտարարությամբ է հանդես եկել` զգուշացնելով հանդիսատեսին, որ կիբերհանցագործները ստեղծել են թատրոնի կեղծ կայք, որի միջոցով վաճառում են նաեւ տոմսեր: Մեզ հետ զրույցում թատրոնի տնօրեն Մարիաննա Մխիթարյանն ասել էր, որ այդ մասին տեղյակ է պահել ոստիկանությանը, եւ նրանք անում են, ինչ հնարավոր է: Սակայն մի կեղծ կայքը փակվել, այնուհետեւ բացվել երկրորդը, որով առցանց կեղծ տոմսեր են վաճառվում:
Ավելին` կիբերհանցագործների զոհ դարձած քաղաքացիներից մեկն արդեն իսկ դիմել է իրավապահ մարմիններին, որի առթիվ կա նախաձեռնված քրեական վարույթ: Այս մասին տեղեկացանք ՀՀ քննչական կոմիտեի նախագահի մամուլի քարտուղար ԳՈՌ ԱԲՐԱՀԱՄՅԱՆԻՑ, ով, անդրադառնալով գործի քննության մանրամասներին, տեղեկացրեց. «ՀՀ քննչական կոմիտեում նախաձեռնվել է երկու քրեական վարույթ, որոնցից մեկը թատրոնի տնօրենի հաղորդման հիման վրա, մյուսը առերեւույթ տուժած անձի (կողծ տոմս գնած հանդիսատեսի) կողմից տրված հաղորդման հիման վրա: Նախաքննության ընթացքում երկու քրեական վարույթները միացվել են իրար, եւ հարուցվել է քրեական գործ` քրեական օրենսգրքի 257-րդ հոդվածի առաջին մասի (Համակարգչային հափշտակությունը՝ ուրիշի գույքի հափշտակությունը, որը կատարվել է համակարգչային տվյալն առանց օրենքով կամ պայմանագրով կամ իրավաչափ այլ հիմքով նախատեսված թույլտվության մուտքագրելու, փոփոխելու, ոչնչացնելու, ուղեփակելու (մեկուսացնելու) կամ համակարգչի, համակարգչային համակարգի կամ համակարգչային ցանցի աշխատանքի նկատմամբ որեւէ այլ եղանակով ներգործելու միջոցով) հատկանիշներով եւ քրեական օրենսգրքի 42 հոդվածի առաջին մասի (հանցագործության նախապատրաստություն, հանցափորձ եւ ավարտված հանցագործություն) հատկանիշներով: Կիբերհանցագործի զոհ դարձած անձը ճանաչվել է տուժող: Փաստի առթիվ ընթանում է նախաքննություն»:
Նշենք, որ 257-րդ հոդվածի առաջին մասով նախատեսված արարքը պատժվում է տուգանքով` տասնապատիկից երեսնապատիկի չափով, կամ հանրային աշխատանքներով՝ հարյուրից երկու հարյուր ժամ տեւողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ` առավելագույնը երեք տարի ժամկետով:
ԻԼՈՆԱ ԱԶԱՐՅԱՆ
1
25013 դիտում
2
3743 դիտում
3
1867 դիտում
4
1630 դիտում
5
1623 դիտում
1
41252 դիտում
3
8972 դիտում
4
8133 դիտում
5
5054 դիտում
3
17262 դիտում
4
10520 դիտում
5
9917 դիտում
